هلا هلا
شايف من تخنكك عبرتك بليل
وبصدرك حجي وماتكدر اطلعة
ساعتهة تحس بحركت الفلاح
من يكبر حصادة ويحترك زرعة
الكاتبة هيلين دريد الواسطي 🍂🍂
جاسر شيخ اني الي مضوجني شاهين
الشيخ ادري داشوف علاقتكم ليش هيج ومن شوكت احنة مشاكل بين بعض
جاسر. ولله ياشيخ هذا الحجي ينكال الشاهين شوف شيخ اني حجيت وياك لان وحق ربك لو الزم
شاهين اموتة بايدي فا احجي وياك وانتة احجي ويا شيخ صار على الخطوبة اسبوعين خوب انتة
اكثر واحد يعرف شكد خجلاً منك على سالفة سليل مو صح بس سويت الواجب واجيت كعدت
وياهة وسألتهة شمحتاجة وشتريد مصرف يوصل كامل استاذت منك كلتلك شيخ خاف فديوم تسمع
سليل اتخابر ترة اتصل بيهة وانتة كلتلي من حقك وعادي صح لو غلط واني احلف عنك انو انتة هم
ممقصر بحق قدر بس شيخ شاهين من يوم الخطوبة لليوم لا اجة لا سئل حتى تلفون ماكو
ولاتكلي شلون عرفت لان اني انام يم هوس لان هوس مريضة شيخ اختي من يوم العقد لليوم لا
ايد ولا رجل وبس دموع على خدهة اكل ماكو وجبة باليوم لو ماكو ليش ها خلي يكلي اذا ميريد اختي
ترة مامستثقليهة اشيلهة بعيوني ابيع كليتي وماخليهة تعوز شي بس مو هيج اشوفه بعيني
عايش حياتة ويضحك وية الولد ويتشاقة وبالدوام هم نفس الحالة واختي اشوفهة كدام عيني تموت
الشيخ. جاسر يعني شنو زين ما اجة ولا مرة
جاسر افة شيخ شني اجذب عليك وعافية امي وابوي يا شاهين ماداخل بيتنة ولا فاتح مكالمة
وداعت عيونهة بعد
الشيخ. مادري بس ولك جاسر شاهين يموت على هوس تحجي صدك انتة زين كوم سويلي طريق
احجي وية هوس
جاسر. نشالله شيخ كمت صعدت الغرفتهة فتحت الباب كالمعتاد صارلهة سبوعين اول ماطب تمسح
ادموعهة واطفي تلفونهة رحت عليهة بستهة من راسهة
جاسر بتنهيدة. كومي بوية هوس كومي الشيخ يريد يحجي وياج كومي لبسي شالج
هوس جاسر فدوة ماريد احجي وية واحد
جاسر الخاطري بنيتي كومي عيب من الشيخ
هوس. ماشي خوية كايمة بس ازحمك تنطيني شالي بالكنتور
جاسر بعيوني جم هوس عدنة انطيتهة الشال وصحت الشيخ وصعدنة مرة لخ
الشيخ. السلام عليكم
هوس وعليكم السلام شيخ
الشيخ اتقربت عليهة بستهة من راسهة وكعدت بصفهة وجاسر كدامنة
