هلا ولله
وصدكني من ابجي مو مامشتاك
لاكن غيابك لسة مستوعبتة
ليهسة ارد اجي واحجي وياك
ويلجمني كلبي لبي جروحك عفتة
مصطفى. طلعنة اني وجسار ومروان اخذنة لفات ورحنة يم الشط
مروان. شنو الشغلة الردتني بيهة مصطفى
مصطفى. مروان الى متى احنة نبقة هيج ترة احنة ولد عم واخوان كلنة ال غضب واحنة زلم عيب نمشي ورة كلام النسوان المفروض احنة الي نمشي كلامنة عليهم مو همة يمشونة بكلامهم مروان ترة عمي حسن فقير ولكل يحبة ويحترمة وانتة ابنة الوحيد لمفروض رافع راسة بيك ترة احنة من منطلعك ويانة او منكعدك بكعداتنة مو كرهن بيك لا بس نعرف مواضيعنة رح تنقل لامك ونعرف امك مرح تقبل تجي ويانة ولك انتة زلمة مشورب لبكدك هسة متزوجين متكيف تجي ويانة وتسولف ونطب ونطلع وبالديوان ولك انتة الديوان ماطبلة ليش
مروان بندم. معقولة امي هيج جانت عاميتني عنكم
جسار مروان مصطفى ميريد ايندم او يأنبك لا احنة انريدك ويانة بطبتنة وطلعتنة انتة تتحكم بامك واخواتك انتة كون تمثل عمي حسن الثاني من يصير ويانة شي ننخاك بشغلة بسالفة مو كاعد بالبيت اربع وعشرين ساعة وعمي يصرف عليك وباقي ورة حجي امك
مروان خلص وعد من اليوم حتشوفون مروان ثاني واني عتذر عن كل تصرفاتي القديمة
مصطفى. انجب شتعتذر احنة ماجبناك تعتذر احنة جبناك علمود نرجع سوة كلنة لمة وحدة
مروان خلص هاهية من ليوم بعد متشوفون مروان القديم ولله
مصطفة كمنة اني وجسار حضنا وكملنة اكل ورجعنة للبيت بالطريق قبل منوصل دكت طركاعتنة
مصطفى الو ها سليل
سليل. ها مصطفى ترة واحد يكول هلو السلام عليكم
مصطفى انجبي وكولي شتردين
سليل. عليك لله اريد دفتر واقلام زرك هذا لعندي يذب حبر ودفتري خلص حباب
مصطفى. تمام هسة اجيبهن الج واجي رايدة شي بعد
سليل شنو يجي بايدك جيبة
مصطفى حتة لو نعال
سليل شيخ مصطفى يريد يحجي وياك
مصطفى لا ياحيوانة اني الج
سليل. يالله بسرعة جيبهن وتعال لانطي التلفون للشيخ هوة يتفاهم وياك
مصطفى ولي رح اجيب واجي
سليل باي
