هلا هلا
من استر على فعالك حاسبك بزري
ام سكران ابنهة تخاف ابو يدري
بس منا وجاي الناهبة من تفوت
اكولن ناهبة وذمت الجرة بنحري
انسجنة ثنينة وبغرفة التعذيب
نزعو جلد مني وكلت مادري
وانتة بضربة وحدة وكبل لا يحجون
الألي ول مو الألي خليتهن حدري
الشجر جتف بجتف حايط يصير وياك
الزرع ضل يستر وبني ادم يعري
اخزرتني وطيحتهة تمد اديك اتريد
مثل كفت ردانك بعد كف شري
الشرف مثل الجذر لو طلع راسة يموت
وطلع راسك وانة تلكيتهة بصدري
كملنة الحوي وموسم حصاد وخير
وكتلك راح انام امتاعنة ابجالك
لوحدنة بخلة البايك زرعنة منين
سلالي فرهدة ومترسة سلالك
ولك بس يرتبك يطلع على البواك
ورثت الجكارة من الكفة شمالك
بعد جيتك حساب الشعر فوك الزاد
ماكمل لكمتي من اكعد كبالك
لم الخيل كلهة ونوكف انة وياك
وصيح يافرس غير علة خيالك
ابن امك لو تخيرة يجي وياي
ومن تالي الحصن تركض علة امثالك
ماضن الحصن تركض علة امثالك.
اوراس. كلش حز بكلبي كلام جدي يعني بدل ميدورون علية يكيف لان اتصلت بي هوة اجة يرزل بية كمت وية الرجال واني شوي شوي جاي اتذكر بس راسي صداع مو طبيعي فتت سبحت وجابولي اكل والدة ادم وحيدر كلش حبابين ذكروني بجاسر وبشاهين اني جاي احجي وية الولد على الحادث وماعرف شنو جان يدك تلفوني باوعت مصطفى اني متأكد هذا مو من ضمنهم فتحت خط
اوراس الو
مصطفى ساكت
اوراس مصطفى جاي تبجي ياروحي شبيك ليش لبيجي وليدي
مصطفى كام يبجي بصوت عالي ويعاتب باخو
ليش ليش ها ليش عفتني كل هاي لمدة ليش محضرت حفلتي وياي مو جنت واعدني ليش خليتني يومية بليل ابجي عليك ليش كلهة تلتم علية بنفس لفترة لك حبت ابن عمي كدام عيني حبتة وعافتني وراحت اربع اسنين جانت بس تاخذ مني فلوس وطلعت متحبني ليششاني شنو مسوي علمود هيج يصير وياي اوراس اروحلك فدوة تعال ولله ختنكت تعال حباب لاتعوفني اني حيل محتاجك فدوة
اوراس. لك شلون اعوفك ها شلون انتة ابني اخوية كلشي الي بهل دنية ليش عبالك عفتكم رايح اتونس ولك اني صارلي سبع اشهر نايم بيت عالم ماعرفهم ليوم صحيت اول واحد خابرتة جدي عبالي يفرح عبالي رح يكلي احنة نجيك ولك يكلي هسة اذكرت تخابرنة وشتريد ليش ولكم لهل درجة انة نذل بعيونكم اعوف عرسي واشرد هيج انة جباب لو ما انة وكفت كدامكم وكلت احبه ها ولك فشلني كدام العالم يكلي هسة يالله خابرت ها بدل ميسئل على صحتي جنت بين الحياة والموت ولو ما لله وهاي الناس جا هسة انة ماكليني لذيابة
مصطفى كلي خوية شنو الي صار وياك
الشيخ. حجيت كلشي لمصطفى
مصطفى تعمة عيني نشالله خلص باجر اني جايب الولد وجاي ناخذك
الشيخ. لا بوية الطريق خطر اني اجي باجر شوف شلون تدبر هسة انتة سولفلي كلشي
مصطفى. لا ماسولفلك هسة تعال ونتفاهم
الشيخ. هسة انتة وين
مصطفى بالسيارة باب البيت
الشيخ. شسمة هذا تكد اطب للبيت تنطيني قدر
مصطفى بعيني هسة صاعد صعدت دكيت لباب ورة عشر دقايق انفتح الباب جانت هية اني لغبي نشيت اوراس على الخط كلتلهة قدر ولج فتيتي كلوبنة شوكت تحجين على لاقل انة احجي وياي
قدر دنكت وسكتت
مصطفى. يا نسيت هاي اوراس وياج يريد يحجي وياج
قدر بصدمة ضليت صافنة على مصطفى
مصطفى انتي صفناتج مطولة خليت التلفون على اذنهة ودفعتهة للغرفة وسديت لباب وكلتلهة من ورة لباب من تخلصين جيبي الغرفتي
قدر عافني مصطفى بحالت صدمة اسمع صوت تنهيدات بالتلفون تخيلون بعد انقطاع عن لكلام مايقارب السبع اشهر نطقت كلمت شش شيخ
الشيخ رويحتي ه هم ضايجة مني مثلهم
قدر. نهيتني من رحت
الشيخ تدرين شتمنة
قدر ش شنو
الشيخ. بدل محطو الطلقة قريبة على كلبي لو خاليهة براسي ومرتاح صدكي ماتندم ولا لحضة على طريقت كلامكم هاي وعلى تفكيركم بية. هه شعبالكم مثلاً نهزمت من العرس لو ماريدج وخفت يجبروني عليج ونهزمت ولج جان بيني وبين الموت شعراية ومحد سائل علية عبالكم مهزوم من يمتة الشيخ اوراس ينهزم من شي غيبوبة ٧ اشهر واني لو يكتلوني مو داري بنفسي صدري مخيط كله ليش مو لمفروض اهلي تجي تسأل ابنة وين شلون وضعة اوفففف لو لله ماخذني ولا كاعد
قدر بصوت بجي اسم لله عليك لا تحجي هيج يومي قبل يومك
الشيخ. بعدج تحبيني ومنتضرتني
قدر. بعدني منتضرة لان اني على ذمتك بعدني
الشيخ ولاولى
قدر شنية
الشيخ بعدج تحبيني
قدر. شوك
الشيخ. خلص بوية وصل الجواب ماحاجة تكملين عساني لا جيت يالله مع السلامة بعدني مسديتة اندك باب غرفتهة قوي وانفتح وصوت مصطفى لفحطان اخذ التلفون وكال
مصطفى على اساس رحت انام مدري شلون اذكرت احنة سوينة فاتحة لاوراس قبلشهرين يعني من غاب الة خمس اشهر اي سويناهة بطلب من جدي وطبعاً اني محضرتهة ركضت على غرفت قدر اخذت التلفون من عدهة
مصطفى. شيخ بعدك تسمعني
الشيخ اي بوية بس شكو ليش اجيت تركض
مصطفى انتة شلون رح تجي
الشيخ. ها متردوني ترة عادي اطلع بوجهي لبغداد عندي بيتي هناك وبعد وجهي متشوفو
مصطفى. لا مو هيج بس احنة احنة شسمة سوينة فاتحة
الشيخ. فاتحة المن منو مات مصطفى احجي بيبيتي اهلي امي بيهم شي
مصطفى لالا مو همة احنة سوينة فاتحتك يعني لعالم تدري بيك متت
الشيخ............
نكمل باجر
