هلا هلا
لك تدري من اشتاكلك شتسوي بية العازة
وتدري شيحس الكلب لمن يريد اعزازة
الكاتبة هيلين دريد الواسطي 🍂🍂
قدر مموافقة
الشيخ على بركت لله
الكاتبة هنا علت صوت الهلاهل وجانو الكل مصدوم وممصدك بلي ديصير وراهة البنات هوس وسليل هم عقدو وكمل كلشي باصولة بعدين سوو درب وفات الشيخ وشاهين وجاسر اول شي باسو بيبيتهم بعدين امهم ومرت عمهم ام جاسر الي جانت تبجي من الفرحه وهية صدك تعتبر الشيخ وشاهين ومصطفى ونبراس ولدهة وماتفرق بينهم وهيه وام نبراس على فد كلب بعدين الولد كل واحد راح العروستة باسهة براسهة وهمة مصدومين من جمالهن
الشيخ. تم العقد واني احس الدنية هسة يالله ضحكتلي بعد عذاب تسع اشهر بوست جدي وابوي وعمامي وبست عمي ابو قدر بس هشام مستحيل حتى مو حلوة بحقي انزل من كرامتي واحجي ويا وهوة كدامة اني شفت الموت وماكلف نفسة ويحجي كلمة وياي او يجي يشوف الي صار بيه طبينة للبيت اجتني اسيل بوستني بالمطبخ اني ستغربت شعجب اول مرة اتسوي هيج من باستني همست باذني
اسيل سويتهة عمدتن رحت للشيخ بوسته وهمست باذنة عن كلشي صار قبل ميفوت وهوس كلتلي من تخربطت قدر فوك وماقبلت انكول للشيخ هوة صار عصبي وطب بسرعة
الشيخ من حجت اسيل عن الي صار ب قدر احس روحي انسلكت وطلعت الفرحة من عيني طبيت على اعصابي وبست بيبيتي وامي ومرت عمي وشفت عروستي الي جانت بسيطة بشكل حضنتهة وبستهة من راسهة كدامهم كلهم اشرت الدلال جانت واكفة يم الديجي اشرتلهة اطفي وحجيت بصوت عالي واني عيني عليهة
الشيخ. الكل يسمعني من اليوم قدر مرت الشيخ اوراس والي اسمعهة جايبة سيرتهة بكلمة لو نازلتلهة دمعة بسبب وحدة وحق هوة ابو فاضل لاخلي الدم للركب وان جان على سالفة العرس الي خرب فا الشيخ الوحيد الي لازم ينلام فهوة اني لان اني الي عفتهة وفضلت الواجب والوطن عليهة اني الي عفتهة واكيد انتو شفتو شلون الطقوس جانت كاملة وهسة وبعد اعترف كدام الكل اني احب بنت عمي ومابدلهة بكنوز الدنية والي عندة حجاية عليهة يجي يحجيهة كدامي مو من ورة ضهري
يالله اسيل جيبي الذهب مال الولد ومالتي
اسيل تامر دلال هاج مال شاهين وجاسر رايحة اجيب مال الشيخ
دلال تمام هاك خوية جاسر هذا الذهب
جاسر مشكورة ام جان انشالله يوم تفرحين بجان
دلال يحفظك خوية نشالله الولد الصالح
جاسر مشكورة
دلال هاك شاهين هاي مالتك خوية مبروك نشالله كل الخير
شاهين لله يبارك بيج خيتي يوم انشالله يوم الجان
دلال مشكور خوية ورحت علكت الديجي
