هلا ولله حبايبي
شحلات الفاتحة بصوتي
وشحلات اخشاب تابوتي
اششش واسم لله لا تحجون
عشت شلون ماتردون
اريد اتونس بموتي
الشيخ كاعد بالديوان يم جدي والشباب دك تلفوني رقم غريب فتحت خط سلم ومدري شنو كال عرفتني كلتله لا كال اني ادم الي جنت يمنة بسوريا
الشيخ كل الهلا خوية شلونك شلون صحتك
ادم. بخير شيخ احنة جينة بطلب
الشيخ عد عيناك امر
ادم. شيخ احنة صارت النة شغلة بالبصرة اني وحيدر وانريد نكضي ليلة يمك وباجر نرجع تللعشيرة مالتنة
الشيخ كل الهلا بيكم بوية وين انتو هسة
ادم احنة هسة يم ......
الشيخ صار هسة ادزلك خواني ثنين يجيبوكم ويجون
ادم تمام منتضريكم
الشيخ ماشي بوية سديتة من ادم لكيت الديوان سنطة كلهم صافنين علية انداريت على جاسر
كلتله
الشيخ. جاسر بوية تروحون انتة وشاهين لل..... اجيبون ادم وحيدر
جاسر. منو ادم وحيدر شيخ
الشيخ الجنت يمهم بسوريا
جاسر. تمام يالله شاهين طلعنة اني وشاهين للمكان الي كال علية الشيخ صدك لكينة ثنين شباب يجون بكصتنة حتى لبسهم نفس مالتنة سلمنة عليهم واخذناهم ورجعنة للبيت وطول الطريق همة يمدحون بالشيخ واني وشاهين واحد صافن بوجه الاخ عاد وصلنة ولكينة عمامي وجدي والولد والشيخ بالباب رحبو بيهم ودخلنة كلنة للديوان جان يحجي اخو ادم
حيدر. ولله ياشيخ هنيالكم على شيخ اوراس ونعم منه ومن اصلة دافع عن بلدة واخذ حقة من الي كتله بنفس الحضة وحتى بمرضة جان سبع بقة بالغيبوبة سبع اشهر وهوة يقاوم يومية الدكتور يكول ميطول سبوع بس ورة لسبوع يكول لله كاتبلة عمر جديد من كعد وخابركم توسلنة بي بس يبقى لحد ميستعيد صحتة بالكامل ماقبل كال اهلي ينتضروني وامي وحرمتي وخواتي ماكدر اعوفهن
جاسر على طول ما حيدر يحجي جدي وعمامي مدنكين راسهم ومارفعو ابد والشيخ يباوعلنة بنضرات تأنيب ضمير بعدين ستأذاً وطلع طلعت ورة لكيته كاعد بالحديقة ويدخن
جاسر. شيخ كافي تحرك بكلبك مو نثبتت براءتك هاهية بعد
الشيخ بستهزاء وشنو الفائدة جاسر من برائتي رح ترجع قدر على ذمتي رح يرجع جدي مثل قبل رح ترجع اختي رح يرجع ابن عمي دخيلك ياعلي كوم بوية كوم خلي ياسر ومصطفى يروحون يجيبون اكل من المطعم خاف الشباب جوعانين
جاسر ليش مانطيت علم لعمتي تطبخ
الشيخ. ماكو داعي تتعب روحهة هذولي ضيوفي انة اتكفل بيهم
جاسر بس شيخ
الشيخ. بوية سوي مثل ماكلتلك كمت دخلت يم الولد ولا واحد من لكاعدين كدر يخلي عينة بعيني بس ضحكت على نضرات مصطفى يباوع الهشام والجدي بنتصار ورافعلهم حاجبة خزرتة يالله بطل وكلساع يعيدهة والكفة اخر اجه كعد بصفي وجان يجفص اكبر جفصة بحياتة
