هلا هلا
وتهديدي وتهديدي مثل الطفل جذاب تهديدي
كتلك اشك الصور وبايدي شلت المكص
وصلت وصارت صدك كصيت جف ايدي
الشيخ اعرف انو اني مرح اتزوج عليهة اصلاً مستحيل اسويهة لان احبهة بس كلش تعبتني واني اقنع واريد اكلهة مو ذنبي وشوفتهة كلشي بس قافلة عدت الايام بس قدر صارت انسانة ثانية رجعت نفس قبل ماتزوجهة ساكتة اربع وعشرين ساعة بحيث من تحجي صوتهة مطبك تشتغل وتخدم الكل وهية ساكتة تروح وترجع للكلية متطلب اي شي لبنات يطلعن ويطبن هية ابد نادر ما توصيهن جم شغلة فا بيوم صعدت دابدل لكيت لباب مفتوح مال الغرفة وهنة ممنتبهات جانت هوس وهية مطية ضهرهة للباب يمكن اني وصلت بداية حديثهم
هوس قدر شبيج ليش هيج هل فترة كلش صايرة حتى ويانة متحجين
قدر مابية شي مو كدامكم
هوس قدر باعي بعيني ليش هل ضياع بعيونج ليش صايرة باردة من المشاعر ليش عبالك متتمنين لدنية
قدر. ههههه هوس اني احس نفسي مثل قبل خلص بعد قدر لي بناهة اوراس بايده هدمهة بايدة انتهة كلشي تصدكين كمت اخاف من ضلي هه ذاك اليوم بالكلية امشي حست احد وراية عطت جان الكاهة بزونة هه تتخيلين هواس اني اني ماعندي احد خلص راحو كلهم لا ام لا اب لا اخوان لا رجال ماعندي احد اني تدرين لبارحة هشام يكلي صار شكد مشايفج خواني مو دارين عني رجلي يطب ويطلع عبالك ماعندة مرة هوس اوراس هنا بلشت ابجي اوراس شك بية شك بشرفي شك بطهارتي لج لج مقبل الزمة تعرفين شنو رجال ميقبل مرتة تلزمة كلتلة شهر واحد وعديتلة ٣ اشهور لج اسكت واسولف واضحك بس اطب للغرفة ابجي اضعاف ليش من دون البنات اني هيج يعني من اني وصغيرة امي وهاشم ومن اكبر اوراس شوكت ارتاح اني من اموت ههكلهم راحو هسة اني يتيمة بس اهلي عايشين ورجلي ماكو تدرين من يطلع اكوم اخذ هدومة اكعد اشم بيهم نساوتي كلهة على عطرة ضلت حصرة بكلبي بس اشتم عطرة بس كل ماريد اتقرب الة اتذكر من من اجيت الزمة وصد ايدي هوس هل منضر ميروح من بالي تمنيتة وياي من تحرك الطفل واشوفة شلون من اشتم عطرة الطفل يتحرك تمنيت من اشتهي شي بليل اكلة ويروح يجيبلي بس هذا كلة حرمني منة وهوة الي كارهني بس لان كلتله طلكني مو حقي من اشوف رجلي يشك بية مو حقي تعبت هوس ولله تعبت اتمنة اموت بس ادري بي رح يتاذة وعلى الرغم مرات اوصل لقناعة اكول وذا متت مستحيل يهتم اصلاً اصلاً اني محد يعبرني اذا صار بية شي اني مجرد ادات تشتغل وتلبي واجبات وخلص خلي تجي مروة خلي تجي تاخذة احسن من بس محسودة علية واني مشايفة طولة خلي تجي احسن مامنغصة حياتي وتفتر وراية تدرين قبل ميكتشف الحقيقة بيوم سمعت امي ومرت عمو حسن امي تكلهة تكلهة لو يصير اني اخذة واتزوجة بس في سبيل احرك كلبهة وين اكو ام تريد تحرك كلب بتهة برجلهة ليش
هوس كافي اششش اهدي وباجر نتفق اني وشاهين ونرجع نشوف دكتورج انتي بحاجتة هسة
قدر لالا ماريد هل دكتور كشفيتة ودوا غالي واني ماعندي وماريد اطلب من عندة
