هلا هلا ياحلوين
اجه ليل
ومدري شجابك ابالي
بجيت عليك
بلكت دمعة تبرالي
بحلم مريت
ومن فزيت
لله ليعلم بحالي
الكاتبة هيلين دريد الواسطي 🍂🍂
قدر استمر لوضع هيج بين لدوام ولبيت ولشغل وخطية خالة متقبل نشتغل تكول دراستجن بس هية بعدهي ماصار لهة هواي من سوت لعملية وااني وهوس نتناوب على شمس ندرسهة ومصطفى ممقصر هوة وشمس تحسوهم ضايفين نكهة للبيت ضحك وشقة وعركاتهم تخرب ضحك بس اذا لشيخ يعيط بيهم يسكتون ويتعامل وية شمس كنما بنتة لصغيرة مو مرت اخو وهية صدك تصرفاتهة طفولية اما عن علاقتنة انه وياه هوة هواي عصبي بس بنفس لوكت حنين وعندة نضام ممنوع لطلعة كل ماكلة على طلعة لا ممنوع اطلع وية لبنات يكلي مو تروحين كلية هاهية واني ساكتة لان ادري اذا تناقشنة بهل موضوع رح انحرم من لكلية
الشيخ هل فترة كلش ضغوطات من لدوام وبالي سالفة قدر احس روحي مخنوكة عليهة اغار عليهة من نسمت لهوة لحد ما يوم رجعت من لدوام هستوني نزلت من لسيارة واسمع صوت لهلاهل بيتنة اني كلش اتنرفز منهن طبيت بسرعة للبيت جانو بيبيتي وامي وام جاسر هنة لي يهلهلن ودلال مرت نبراس
الشيخ هايييي شنوو شهل صوتتت مو لعالم منا ولديوان متروس زلم
البيبية ولك يمة اخيتك ومرت اخوك حوامل
منو ومنو جدة
البيبية. مرت شاهين ومرت جاسرهسة خابرتنة ام جاسر وبشرتنة
الشيخ رأساً عيني اجتي على قدر باوعتلهة شلون عيونهة فرحانة كلت لبيبيتي نشالله يكومن بالسلامة خابروهم واعزموهم على العشة
الام نشالله يمة يوم لافرح بولدك
الشيخ بنفاذ صبر نشالله وصوتكم نصو زلم بالديوان
الكل نشالله
الشيخ صعدت للغرفة والف هم بالي اجتي وراية والبتسامة شاكة وجهة وصايرة تجنن
قدر شيخ هسة اني يعني رح اصير مرت عمهم مو
الشيخ بقهر اي حبيبتي
قدر اوراس ليش احسك ضايج ومقهور واصلاً مافرحان
الشيخ ولج شلون مفرحان غير روحي همة شاهين وسليل بس تعبان وضايج
قدر. وهية تحضن لشيخ شبيك ياروح حبيبتك ليش ضايج احنة مو اتفقنة نحجي كلشي لبعض
لشيخ ماكدر اكلج هل سالفة قدر فدوة لا تلحيين علية حضريلي هدومي خلي افوت اسبح وانزل للعالم عيب
قدر نشالله صدك كمت حضرتلة دشداشة ماروني اول مرة اشوفهة عندة وغترة بيضة ومحبس وساعة اداريت جان اشوفه هستوة طالع من لحمام
قدر هذني هدومك
الشيخ برفعة حاجب مقتنعة بيهن بوية من شوكت لابس هل الاوان اني
