အပိုင်း(၅၉)
ရင်ခွင်ထဲမှ ရုန်းထွက်ကာ မျက်နှာချင်းဆိုင်ဖြစ်အောင်လှည့်လာသော ရတု၏ မျက်ဝန်းများတွင် စိုးရိမ်မှု့တို့အပြည့်။ဝိုင်းဝန်းသော မျက်ဝန်းကြည်ကြည်များအား ပံ့ပိုးထားသော မှဲ့နက်ကလေးသည်
မျက်ခမ်းစပ်အောက်၌ တင့်တယ်သည်။ထိုမှဲ့နက်လေးအား လက်မဖြင့် စဝ်ခွန်သ ခပ်ဖွဖွ ပွတ်သပ်လိုက်၏။" မဖြစ်ပါဘူးလေ
အရင်အိမ်ရှေ့စံက ချိတ်ပိတ်ပေးခဲ့ပဆိုတော့
ကိုယ်တော့် ဆန္ဒအလျောက်
စည်းမဖောက်သ၍ အဆင်ပြေပ "" အရင်အိမ်ရှေ့စံ...
သူက ဘယ်သူလဲ
သမိုင်းမှတ်တမ်းတွေထဲမှာတော့
မင်းကြီးစွာစော်ကဲ လက်ထက်မှာ
ဆင်ဖြူရှင်တရဖျားတစ်ယောက်ကိုပဲ
အိမ်ရှေ့စံအဖြစ်တွေ့ခဲ့တာ.. "စဝ်ခွန်သ၏ နှုတ်ခမ်းစွန်းလေးမှာ အောက်သို့မဲ့မဲ့လေးကိုင်းသွားဟန် ဖျတ်ခနဲမြင်လိုက်သည်။ဝမ်းနည်းရိပ်တစ်စွန်းတစ်စတို့ပါ၏။ယဲ့ယဲ့သာပြုံးနိုင်သော အခြေအနေဆိုးမျိုးဖြင့် ကြုံခဲ့ရဖူးမည်ထင်သည်။
" နောင်ရိုးသင်္ခတဲ့
ဘွဲတော်အပြည့်အစုံအရဆိုရင်တော့
သီရိကဉ္ဇန တြိလောက ဝဋံသကာ ဒိတျာဓိပတိ နောင်ရိုးသင်္ခမဏိ ပေါ့လေ "" အိုး~~
ဘုန်းအာဏာစက်ကြီးပြီး
မင်းကြီးရဲ့ အချစ်တော်ဖြစ်မဲ့ပုံပဲ
ဘွဲ့တံဆိပ်အထပ်ထပ်နဲ့ ဆိုတော့လေ "" မှန်ပါ့ "
စဝ်ခွန်သ ခေါင်းငြိမ့်လျှက် ပြန်ဖြေလိုက်သည်။မင်းကြီး၏ အချစ်တော်ဖြစ်သလို တိုင်းသူပြည်သားများ၏ လေးစားတန်ဖိုးထားခြင်းခံရသော အိမ်ရှေ့စံလည်းဖြစ်ခဲ့သည်။
" မြို့စားရထူးကနေ
ကိုယ်တော်နှုတ်ထွက်ပြီးရင်
သူနဲ့တွေ့ဖို့ ရတုကို ခေါ်သွားပေးမယ် "" ခင်ဗျား တကယ်ပဲ နှုတ်ထွက်တော့မှာလား"
" အင်း "
" ကျွန်တော့်အတွက်နဲ့လား "
" အင်း "
"...."
"မင်းကြီးနဲ့ မယ်ဘုရားရဲ့
ကျွေးကျေးဇူးတွေကို
နှစ် ၂၀ကျော်လုံး ဆပ်ခဲ့ပြီးပြီပဲ
ဒီနောက်တော့ ကိုယ်တော့်ရဲ့ရတုလေးနဲ့
အေးအေးချမ်းချမ်းပဲ နေသွားဖို့
ဆန္ဒရှိရော့တယ် "
BẠN ĐANG ĐỌC
အင်းဝခေတ်က ကညာပျို ♡. 🍵 [ COMPLETE ]
Tiểu thuyết Lịch sử⛩️စိမ်းမြရောင်စို ၊ လွမ်းတောင်ညိုဧရာကမ်းဘေး ၊ ငုဝါပျိုယှဥ်ကာနှိုင်းနဲ့ ၊ ရိုင်းပါရဲ့သေး...🍃🌳 Start Date - 25 . 09 . 2021 End Date - 25 . 12 . 2022 Cover artist - Myat Thiri San #အင်းဝခေတ်