أنا وجهامة الشيخ

البارت 28

أنثى 💜 ملائكيه

أنا وجهامة الشيخ

يخبرونك أنه (من سار على الدرب وصل)

لكن لا أحد يخبرك بالقصة الكاملة، وهي أن :

من سار على الدرب تعثَّر وسقط .. تألم ونهض .. خُذل ووقف ..
كابد اليأس و حارب ..

ثم مشى بالعزيمة، وظن بالله خيراً، حتى وصل ..

.
.
.

عمار:نتبهتلها شلون تخزر بحقد دارات وجها وركبت سيارتها وشخطتها وراحت أني صعدت بسيارة ضليت أفتر ورحت لبيت أهلي جانت لبنا عند بيت عمي لأن أخوها حسين مسوي عملية..

اخويه أيهاب خلاها تبات بـ لعادة ما يخليها كعدت وضليت أسولف وي أمي ردت أشوف أبوي بس كالتلي راح لبيت عمي رحت للشقة دخلت ذبيت نفسي ع قنفة تصلت ع غسان وطلبت منة يجيبلي شرب لأن أذا ما أشرب وأضل كلساع أذكر خيانة رهف أتخبل ع أقل أشربا وأنسى كلشي شوي وصل غسان دك لجرس رحت فتحت لباب أخذت شرب منة دفعتلة لفلوس وسديت لباب..

.. رجعت تمددت ع لقنفة ضليت أشرب باوعت للكاس وضحكت اخذتلي رشفه وتجيت راسي على القنفه وغمضت عيني ابتسمت بستهزاء بسببها تركت شرب وبسببها رجعتله حسيت عيوني تغرغر بدموع واني اكره الضعف ماحب اكون ضعيف ومنهار احب اخذ حقي بأيدي رجعت اشرب واني اقوي نفسي وادوس على جرحي لحد ما سكرت ونمت.....

.. كعدت نتبهت صاير صبح رحت سبحت حتى أصحصح بدلت و سويت حاي كعدت أشرب جاي كملته اخذت سويج والمسدس ردت اطلع وتذكرت موبايلي اخذته وطلعت من شقة بس جنت دايخ كلش رحت للمركز رغم ما عندي شغل بس ما أريد أرجع للبيت وأشوف خلقة رهف كدامي يمكن أطلع لمسدس وفرغة براسها أذا شفتها كدامي كل يوم حقدي يزيد ع رهف ومستحيل ترجع علاقتي وثقتي بيها مثل قبل هاي اذا غفرت الها وما موتتها بأيدي عمت ع نفسها بسوالفها ...

..دخلت للمركز وأجة ضابط رفعت راسي عليه وكتلة

عمار:حققتو وي نيهاد"نتبهتلة ضل ساكت أعرف سوالفهم أذا شافو وحدة حلوة ولبسها مفضوح يتخبلون عليها وحتى ينامون وياها باوعتلة وخزرتة..

بحدا وأمر ....روح جيب نيهاد لغرفة تحقيق خليني أني أحقق وياها باوعتلة توتر رفع عينة علية وكال

ضابط:سيادة رائد نيهاد حامل يعني خطية هيج يصير وياها حتمال يموت طفلها وأذا تريد تتأكد أحنا جبنة دكتورة وسوتلها تحاليل طلعت حامل وبشهر رابع

عمار:ما أعرف ليش من كال حامل ذكرت رهف ضليت صافن ثواني باوعتله وكتله ..

..جيبها وما عليك ..

ضابط:حاضر سيدي

عمار:راح حتى يجيبها لغرفة لتحقيق وأني رحت بـ لغرفة أفتر وأنتظرها تجي شوي ونفتح لباب رفعت راسي وشفتها هي رفعت حواجبي وأشرت لضابط يجيبها ويكعدها ع كرسي جانت تضحك ولا هامهة كعدت بـ لكرسي لمقابلها وكتلها