أنا وجهامة الشيخ

البارت 42

الكاتبه انثى 💜 ملائكيه

أنا وجهامة الشيخ

تعليق بين الفقرات وتصويت 💋🔥

نبأ:كمت غسلت وجهي وفرشت أسناني باوعت حسين جان جايب عباية أسلامية كالي لبسيها رحت لبستها ولبست لحجاب وعدلتة أخذت يوسف وخليت لهاية وطلعنة جنت حيل متوترة ما أعرف ليش بس طول طريق وأني سرحانة ما أدري شصار أو شنو ممكن تكون ردة فعل أهلة ...

... حسين من خابرهم كاللهم نفس سالفة لي كالهة ألي وصلنة للبيت وأحس كلبي راح يطلع من مكانة من كد ما سارعت دكاتة نزلنة وحسين لزم يوسف ودخلنة دخلنة وجانو خالتي وعمي كاعدين ب صالة وأم علي كاعدة تبخر بيها أول ما دخلنة كامو والابتسامة نرسمت ع وجوهم سلمو علينة وفرحتهم جانت ما تنوصف ب يوسف جنت مستغربة بس ضاهر حسين عرف شلون يدبر لموضوع باوعتلة وهوا هم باوعلي غمزلي وبتسم بادلتة لأبتسامة وكعدت وياهم وعمي جان مخلي يوسف بحضنة باوع ل حسين وكالة

أبو حسين:حسين هاي المرة لي جانت يمها نبأ وين مكانها ؟

حسين:ها ليش حتى تسئل بوية ؟!!

أبو حسين:أنتة تعرف أني بطبعي هواي أساعد الفقراء منهم لي أنطيهم بيوت وأكعدهم بيها ومنهم لي أساعدهم ب فلوس كل شهر أعزللهم وهاي المرة مدام وكفت وي نبأ وساعدتها هيج دليني ع مكانها أريد أساعدها لأن تستاهل ومن أسم لمنطقة لي كلتلي أسمها عرفت فقراء لأن منطقة كلش فقيرة وأفقر منطقة ب البصرة لدرجة أغلب ناس لي ساعدتهم من هاي المنطقة ف دليني مكانها حتى أروح أساعدها

حسين:أي مو مشكلة أدليك بس بعدين هسا ما فارغ ومكان يرادلة هواي وصف

أبو حسين:أخذ راحتك بس مو تنسى دليني لمكان ..

حسين:أن شاءالله

نبأ:عمي تصل ع واحد وكالة أذبح أكثر من عجل وزعهم ع كل ناس الفقراء لي أعرفهم ضل يوسف عد عمي و عمتي وما مصدكين يوسف ب أحضانهم عفتهم وصعدت للمشتمل دخلت لغرفتنة جانت مرتبة ومبخرة أكيد ترتيبات أم علي لأن حسين مستحيل يسويها هيج. جنت أروح عد أهلي كم ساعة أرجع ألكة الغرفة مكلوبة..

.. فتحت لكنتور ونتبهت الملابس جنت محضرتهن ل يوسف قبل لا يصير بعدهن بمكانهن باوعتلهن وكلش تحمست ألبسه منهن لملابس ولهايات جابتهن سبأ خاصتاً لهاية لي ع شكل باندا كلش حبيتها طلعتهن وخليتهن كلت اليوم أسبحة وألبسة هاي تلبسية سمائي ومخططة ب أبيض وبنص مرسوم دب ب لون سمائي حيل حلوة جهزتها أله وذكرت الملابس لوصيتهن من نت وياهن لهايات وثنين مميات كزاز بلون سمائي ضلن عد أهلي كلت أخلي سبأ جيبهن وياها من تجي ..

..أخذت تراك ودخلت للحمام سبحت وخلصت وطلعت كعدت أمشط بشعري وحسيت ب ألم مو طبيعي بطني بس كملت تمشيط ضفرت شعري ضفيرة جانبية ورحت تمددت ع جرباية جرارات لي بصف جرباية نتبهتلهن وجان عليهن تلفوني ستغربت شجاب تلفوني لهنا ذكرت من نخطفت تلفوني جان عندي ضاهر حسين ماخذة ومخلي هنا أخذتة جان بي شحن وضاهر حسين شاحنة أخذتة وطلعت رقم سبأ تصلت بس ماعندي رصيد ضاهر بس رمش شوي وسبأ رجعت تصلت جاوبتها وأجاني صوتها