أنا وجهامة الشيخ

البارت الثالث

البارت الثالث

انثى 💜 ملائكيه

أنا وجهامة الشيخ

.
.
.

نبأ ..أني هم طلعت من المحادثة رحت على الحالة شفت سبأ ناشرة صورة الجنط نيشاني وكاتبة عليهن

(عذراً فدموع الفراق تسابق دموع لفرح

نبأ:وبوست ثاني كاتبة بي

(ستصبح عروس لن يتبقى على حفل زفافها الكثير ف يارب أجعلها ليلة تنعقد بها سعادتها وأمنحها أجمل حياة)

نبأ:وبنت خالتي هم جانت ماخذة سكرين وناشرة عالحالة وكاتبة

(عساها أول أفراحك يا أحلى عروس وعسى باقي العمر أجمل)

نبأ:علقتلهم وشكرت منهم نزلت جوه حضنت سبأ وبستهة وظليت أبجي كلتلي

سبأ:يلا نباوي نامي هالليلة وارتاحي الليلة باجر وراج شغل هواي وكلش زين أذا نمتي ب5 الفجر... وغمزت الها..

نبأ:شهگت بخجل وضربتها على جتفها بقبضة ايدي خفيف...عابتلج لا تخوفيني...

(أني أريد بحضنة أبقى حتى لو حضنة سجن)

سبأ:ههههه شبيج مو هواية تخوف بس أنتي لا تعاندين وصيري حبابه...وغمزتلها

نبأ:ايي عود منا الباجر الله كريم وبعدين أنتي شبيج هيجي صاير ما تستحين

سبأ:ياا شبيج وياي فوك ماعلمج يلا خنكوم نام باجر ورانة شغل هواي

نبأ:كمت الغرفتي حطيت راسي عالمخدة وظليت أفكر بمستقبلي المجهول وشلون راح أكدر أعيش وية أنسان غريب وماعرف شي عنه غير قسوته والاسوء عايش على ذكرى زوجتة المتوفية  بالأخير مااتحملت وستسلمت للنوم

ثاني يوم كعدتني سبأ من ل9 لصبح كعدت مطفية وأني ما مصدكة هذا يوم عرسي وراح افترق عن البيت الي تربيت بي وعشت كل ايام طفولتي

نزلت جوه حضنت ماما وشبعنة بجي ومن أجة بابا هم حضني ودمعن عيونة و يكابر ماينزل دمعته ..

بعد فتره .

اني گلت عليمن ضايجه اشو هوا عرس ومره بالعمر خلي افرح والله كريم للمستقبل

..هنوب شوية سبأ حبت تغير لأجواء جابت لديجي وطلعت لأغاني عن العرس

وأرجوان وحيدوري مقصروا وهية وياهم

بنهاية كمت شبعت ركص كلت أني بالقاعة راح أستحي أركص هيج خليني بالبيت أفضل أركص براحتي

جمبك بك جمبك بك راحوو ضليت اهز جتف وافر شعر للگاع وسبأ بس تضحك لزمت ايدها وفرينه شعر للگاع ..

صارت ب 10 وأجة حسين أخذنة أني وسبأ الصالون حجزت بصالون فيرزاج شفت شغلهم ع أنستا وكلش عجبني حجزت عدهم