أنا وجهامة الشيخ

البارت 41

الكاتبه انثى 💜 ملائكيه

أنا وجهامة الشيخ 

حبيباتي تعليق بين الفقرات ولا تنسو تصويت 💋🔥

.
.
.

حسين:هههههههه لا ولك مو فهد  أبو يوسف.

عمار:هههههههه من كد ما جنت تكول صيحولي أبو فهد توقعتك راح سمي فهد .

حسين:أي قبل بس هسا غيرت رأيي

عمار:تمام يلا أخذ راحتك"سديت الخط من حسين ورحت حجزت تذاكر للسفر أخذت أجازة من شغلي لمدة أسبوعين رجعت للبيت وأخذت رهف لأهلها ومن بعد ما رجعت من بيت أهل رهف تصلت ع ميس جاوبتني

ميس:هلا حبيبي

عمار:هلا بيج حياتي"يمج هوسة وين أنتي

ميس:ب عشار أريد أشتري فستان لحفلة تخرجي

عمار:منو رايح وياج

ميس:وحدي

عمار:أفففف أنتي أبد ما سمعين الكلام ما تعرفين أني أخاف عليج هواي صدكي ميس مو قصة جاي أبيع مثاليات براسج وعود أني أغار لأ صدكي أخاف عليج تعرفين القضاية لعدنة توكف العقل وأني كل قضية تخص لبنات أو تخص لخطف أول وحدة تخطر بالي أنتي

ميس:حبيبي صدكني ردت ماما تروح وياي لأن أدري ماتقبل أروح وحدي بس ماما تعبانة ورحت أني وحدي

عمار:وأني وين رحت؟؟

ميس:حياتي جنت أكول خاف مشغول ..

عمار:لأ سالفة من توصل يمج أنسى كل شغل شعندي غيرج أني يلا كوليلي أنتي وين بضبط حتى أجي عليج وأشتريلج لفستان ع ذوقي

ميس:حبيبي وأني هم ماعندي شي غيرك"يلا حياتي أنتضرك  تجي

عمار:وصفتلي المكان ورحتلها صفيت سيارتي بمكان ونزلت أفتر بين المحلات لحد ما شفتها واكفة يم محل وتنتضرني رحت بتجاها شافتني وبتسمت وكالت

ميس:مشتاقتلك حبيبي

عمار:أني أكثر يروحي أنتي"لزمت أيدها وبدينا نمشي مجانت لابسة حجاب ولابسة فستان ضيك عليها ومطلعها تخبل ما أنكر غرت لأن كل لي هناك ضلو يباوعلها باوعتلها وكتلها

عمار:ميس شنو من لبس هذا

ميس:شبي ما عجبك ؟!!

عمار:لا مو ما عجبني بس ضيك حيل

ميس:تدلل حياتي هاي أخر مرة ألبس ضيك

عمار:أي عفية بنيتي هيج أريدج

عمار:دخلنة لمحل فساتين جان أكو كرسي ب محل باوعتلي وكالت

ميس:أني راح أكعد ع هذاك الكرسي وأنتة ختارلي فستان ع ذوقك حبيبي

عمار:ههههه تدللين يروح عمار وكلبة
...راحت هي كعدت ع لكرسي وأني بديت أباوع ع فساتين نتبهت ع فستان لونة ذهبي وأسود ضيك رداناتة طوال بس خفاف نتبهتلهة هية هم تباوعلة ومبين عجبها ترددت أخذة لأن ضيك وأني ما أريدها تلبس هيج وبنفس الوقت مجنت أريد أكسر بخاطرها وما أختارة غمضت عيوني وكلت ميخالف هي حفلة تخرجها ومرة ب عمر أخذت لفستان وحاسبت أبو المحل باوعتلي وبتسمت بادلتها لأبتسامة وطلعنة باوعتلهة وكتلهة