أنا وجهامة الشيخ

البارت السابع

انثى 💜 ملائكيه

انا وجهامة الشيخ

الحُب هو عندما أحتاجكَ اجدك جنبي ، تدعمني وتُسندني ..
الحُب أن لا أكذب عليك بحجة أن أكسبك .. هو ليس امتلاك ومُحاصرة ..
لا يتأثر بمُكالمة او رسالة ..
هو اهتمام بالآخر واشعاره بقيمته .. هو شعور  مُقدّس ونبيل ..
ولا يُهدى الا لمن يستحق ..

نبأ:صعدت ويا بسيارة محد حجة بينا هو مركز ع طريق وأني مالي دخل بي عيوني على شارع وصلنة صف سيارة ردت أنزل وكال

حسين:بحدا ..أنتي شلابسة ؟!.

نبأ:باستغراب ...شلابسة؟

حسين:بنترا ...جم مرة كايلج من طلعين لبسي عباية راس لا تلبسين هاي .

نبأ:برود...تدلل عندك أوامر ثانية

حسين:بتحذير...راح أطيح حظج أسلوبج هذا عدلي

نبأ:بنفاذ صبر ...صار خليني أنزل ..

حسين:بس أتصل طلعين ..

نبأ:تلفوني عندك

حسين:أخذي موبايل أمي

نبأ:حاظر بعد عندك شي لو أنزل

حسين:سلامتج أمشي انزلي..

نبأ:نزلت ومن لطارمة أسمع صوت لصريخ دخلت وشفت هنادي ملخة روحها وخالتي نفس لحالة وخواتة يبجن عليه لا أرادياً دموعي ضلن ينزلن مظهرهم وهمة يبجون يكطع لگلب

رحت كعدت يم خالتي بوست هنادي وحاولت أواسيها

شوية وأجت سارة أخذتني وكعدنة بغرفة من لغرف وأجت زمرد ويانة

زمرد:أكلجن صدك عمتي أم أيلاف هم جاية

سارة:أيي جاية هي وبناتها شفتهن لله ياخذهن شكد مكروهات

نبأ:هههه ليش تضوجين منهن ..

سارة:مو راحة ..

أيلاف:وثول وين كاعدين بعرس أحنة حتى تتمضحكن ...

زمرد:أكلي خ.. لج منو لضاحك بينة

أيلاف:عيني چنتكم كاعدة بكل صلافه وتتمضحك ما جنة أبن حماتها ألميت

نبأ: ولله حبيبتي لحزن ب لكلب أكو هواي ناس تبجي بس بصدك عادي لموضوع وكلبهم مرتاح وأكو هواي ناس تحجي وتضحك بس بصدك كلوبهم محروكة فلا تكعدين تبيعين مثاليات براسنة ...

..سمعتني أحجي هيج عيونها صاراً نار خزرتني خزرة بحياتي ما أنساها وعافتنا وطلعت

سارة:خلي تولي هاي زين سوين بيها مو مال واحد يسكت الها

زمرد:أيي ولله شكد غثة يرادلي أشرب سفن حتى اجرعها ..

نبأ:باوعت داير مدرايري...لبنا وين ماشفتها ..

سارة:لبنا أجت ساعة ب1 لضهر وهذا ابنها موتها ورجلها كلها أذا بس يبجي عوفي لفاتحة وطلعي وفعلاً عافت لفاتحة وراحت