أنا وجهامة الشيخ

البارت 16

انثى 💜 ملائكيه

أنا وجهامة الشيخ....

الأرواح التي إعتادت على القلق ، تظن بأن الطمأنينة كمين!

.
.
.

ليان:صافنة ع سقف ودموعي تنزل يربي شنو مصيري ليش بس أني من دون لبنات مكتبولي أتعذب من صغري ونحرمت من أبوي وسندي بهل دنيا لما بيها كل خير وبس وصلت للمتوسطة نحرمت من دراستي ..

..وفوك لضيم أمي لي كلش شادة وياية رغم أني بتها أوووف ياربي مليت من هل حياة لحد ما خطرت بالي فكرة مسحت دموعي

أي هوا هذا لحل لوحيد حتى أتخلص من أمي وخوالي.

أني يتيمه أبوي مات من جان عمري6سنوات جنت عايشة بـ البصرة لأن بابا من البصرة.

بس مات ماما أجت يم خوالي بغداد وخوالي ونسوانهم كلش مو زينين وياي حتى ضرب يضربوني وماما تباوع وتكلي حييل بيج حتى تتئدبين رغم أني ممسوية شي بس تحب تأيدهم.

مشكلة اليوم بسبب تافه انكتلت ونهانيت ..

مرت خالي كلتلي كومي غسلي لماعين وأني كلياتي يأذني كتلها ما أكدر..

. لهذا سبب ضربوني تعبت كلش منهم حتى من عمو الشيخ عكاب ينطيني مصرف ماما تاخذة مني وتنطي لخوالي.

جنت حيل أحب عمامي لأن هم لوحيدين لي معوضيني ع فراك بابا وظلم لي عايشتة وي ماما وخوالي ..

عمو منصور هم يجي يشوفني دائماً طبعاً هوا مزوج خالتي وهيي هاي خالتي كلش مختلفة عن ماما وخوالي بحيث أحسها مو أختهم من كد ما طيبة وكلبها نظيف عدها ولد أسمة دريد هذا كلش حباب وأني دائماً من يجيلنة أكعد ويا ونضل نشاقة هوا مرح حيل وأصغر مني ب3سنوات بس عبالك أني ويا نفس العمر وعدها.

ولد ثاني أسمة حسام هذا نقيب وكلش مغرور وأني مو هواي أحبة لأن أحسة شايف نفسة برتبتة وفلوسة هوا أكبر مني بـ12سنة عمرة33لسة ممزوج أصلاً منو تزوجة على هذا غرورة بس صراحة هوا كلش حلو وشخصية وهيبة فعلاً لايكلة منصب لنقيب .

.من جان عمري 15سنة جان عمو عكاب يكلي أنتي جنتي لأبني حسين وهوا عندة بس ولد واحد وأربع بنات جنت أفرح وأكيف حسين راح يزوجني بـالمستقبل وأخلص من خوالي حتى تعلقت بي رغم هوا كلش زين أذا كل4سنوات يجيلنة مرة بس جنت دائماً من أسمع بي يريد يجي أروح أجهز  نفسي وعدل شعري صحيح ألبس حجاب بس ماعرف صير بية حالة لازم أعدل شعري وأرش عطر وألبس أحلى لبس عندي وطلعلة عبالك وحدة جاي عليعا خطيبها هوا هم جان من يجلنة ينطيني مصرف بس ميحجي وياي بس يبتسم هوا هم مغرور نفس حسام بس أتعلقت بي لحد ما سمعت بي خطب ميار بنت عمته لسة أذكر شلون نقهرت وضليت أبجي بس بمرور لأيام نسيتى ونشغلت عنة وعرفت هذا مجرد حب مراهقة مو أكثر بعدهة بـ3سنوات توفت ميار صراحة كلش زعلت عليها رغم أني مشايفتها غير مرتين مرة قبل لا يتوفة بابا وأني جنت كلش صغيرة وبعرسهم هم شفتها وجانت أول مرة من بعد وفاة بابا ...