عُشاق الهوس. "بقلمي مروة ياسر"

{عُشاق الهوس.. 14}

اولا اخباركم ايه؟.. وحشتوني جدا جدا..

ثانياً.. انا مكنتش حبه اني احذف الروايه لكن التفاعل كان مأثر علي كتبتي ليها ومكنتش عارفه اكتبها..
الروايه في ابطال كتير وانتم عارفين ان الموضوع مرهق ازاي، وبرغم كده مافيش اي تشجيع وتقدير لمجهودي..

انا عايزة التفاعل يكون كبير علي الروايه وعلى كل بارت وتدوا للبارت والروايه حقها زي مانا عطيها حقها بكتب..

ولو بتأخر هيكون بسبب التفاعل، ياريت تتفاعلوا علي المشاهد نفسها وتقولوا رأيكم في البارت وتوقعتكم في الاحداث، وخوفكم ممكن يحصل ايه مش عايزينه..

انا قررت البارت الجاي مش هينزل غير بتفاعل معين هو
⭐ 300، والكومنتات 150

وتقريبا دا مش قليل بالنسبه للعدد اللي بيشوف، وعلى حسب تشجعكم البارت هينزل، طبعاً الخميس اساسي انه ينزل ودا يترتب علي

♡♡♡♡♡♡♡♡♡♡♡♡♡♡♡♡♡♡♡♡♡♡♡♡

#عُشاق_الهوس
#من_سلسلة_عشقتك_حد_الهوس
#بقلمي_مروه_ياسر "مجنونهة_الاههلي"
#البارت_الرابع_عشر

في الصباح، بفيلا الشامي، بغرفه عاشق..

كان يجلس علي الفراش بملل، يخرج من هذا البرنامج "الفيسبوك" ويدخل هذاك "الانستجرام" لتأتي له مكالمه هاتفيه، ابتسم عندما رائ اسم المتصل واجاب بسرعه....

عاشق ببتسامه: جلجل، اخبارك يا ايه؟
جلال ببتسامه: تمام الحمد لله، بس انت واطي اوي يا جدع...
عاشق بستغرب: عارف اني واطي، بس اشمعنا المره دي؟
جلال: يعني تاخد اجازة ومن بعد الفرح مسمعش عنك حاجه..
عاشق: معلش يا جلال والله يا بني سافرت الكامب فتره و..
جلال قطعنا لحديثه: مالك في ايه؟
عاشق: مافيش بس عشق..
جلال قطعنا حديثه مره اخري: مالها، وبعدين انت حتى معرفتنيش عليها يوم الفرح...
عاشق: في ايه يا جلال، انت مش سايبني اكمل جمله علي بعضها..
جلال: اعملك ايه؟ الواحد بياخد منك المعلومه بالعافية.. المهم انت لسه في القاهرة ولا رجعت دبي؟
عاشق: لسه في القاهرة، هحضر فرح ليل وجود هسافر..
جلال: الله، هم كمان هيتجوزا..
عاشق ببتسامه: عقبالك يا ابو الكابتن، قولي انت فين؟
جلال: انا في رحله.. في كندا..
عاشق: هترجع امتي؟
جلال: النهارده علي الساعه 6 كده..
عاشق: ترجع بالسلامة يا جلجل، مش ناوي تغير شركتك برضو وتيجي معايا..
جلال بتمني: انت عارف ان نفسي، بس بابا و جميله مش عايز اسبهم لوحدهم..
عاشق: انا مش فاهم طالما انت عايز ما تتكلم معاهم مش ممكن يوافقوا..
جلال: انا عارف انهم هيوافقوا، بس خايف اسبهم لواحدهم وبعدين في الامارتيه بناخد اجازة بس تلت شهور في السنه، لكن مصر للطيران بقدر اكون معاهم طول السنه وبسافر وقت الرحلات عادي..
عاشق: طيب بقولك ايه نتكلم في الموضوع دا لم اشوفك، الساعه 9 ماتش السوبر هنتفرج عليه في النادي ما تيجى..
جلال: طيب تمام جداً، اول ماوصل مصر هكلمك عشان نأكد المعاد.
عاشق: تمام يا حبيبي، توصل بالسلامة..
جلال: الله يسلمك، مش عايز حاجه من كندا..
عاشق: هات اي حاجه حلوة..
جلال: اي حاجه حلوة، ماشي يا العاشق، يلا سلام..
عاشق بضحك: سلام يا جلجل..