عُشاق الهوس. "بقلمي مروة ياسر"

"عُشاق الهوس... 6"

#عُشاق_الهوس
#من_سلسلة_عشقتك_حد_الهوس
#بقلمي_مروة_ياسر "مجنونهة_الاههلي"
#البارت_السادس

بالاسكندريه، في مقر البحريه..
بالجم تحديداً..

كانت كنوز "بنت جاسر وكنزي" تقوم ببعض التمارين، تحمل بعض الاثقال او تمشي على الجهاز...

فقد ذهبن الفتيات "دهب، دينا وبحر" الي منزلهم وسوف يعودون هي رفضت ان تذهب معهم، قررت ان تتمرن لبعض الوقت حتى يعودوا..

كان فراس "ابن جياد وغيداء"  يمر من جانب الجم وقف ينظر لها، ثم دخل وعندما شعرت بيه ونظرت له اردف قائلاً ببتسامه:
ــ عامله ايه؟

نظرت له ثم قامت بما تفعله واردفت قائله:
ــ كويسه..

نظر لها بستغرب واردف بتسأل.
ــ مالك بتكلميني بالعافية كده ليه؟

تركت ما بيدها ونهضت من على الجهاز واردفت بتسأل:
ــ ليه هو انا مفروض اكلم حضرتك ازاي يا سيادة الرائد؟

نظر لها ببعض الاستغرب واردف قائلاً:
ــ انتي لسه زعلانه على اللي حصل؟

هزت راسها بنفي واردفت قائله:
ــ لا هزعل من حضرتك ليه، حضرتك عقبتني وانا مش من حقي اقول حاجه؟

تنهد وعرف انها غاضبه من ماحدث عندما عقابها، اردف قائلاً:
ــ انا عملت كده عشان تتعلمي متدخليش حاجه وترمي نفسك فيها وخلاص..

ابتسمت نصف ابتسامه وهزت راسه، ثم اتجاهت الي تمرين اخر وهو عباره عن حبلين قوويين جدا  تقوم بتحركهم بالتوازي معا..

نظر بصدمه فقد تركته وذهبت هكذا، ذهب بتجاها واردف قائلاً بغضب:
ــ انتي ازاي تمشي وانا بكلمك..

تنهدت وتركت ما بيدها، واردفت قائله وهي تقف بنتباة:
ــ ايوا يا فندم، نعم؟

تنهد بضيق واردف قائلاً:
ــ هو في ايه، انت بتكلمي كده ليه؟

اردفت قائله بتسأل:
ــ هو انا قولت حاجه!..

اردف قائلاً بضيق وتوعد:
ــ تمام، ماشي يا كنوز..

تحرك خطوتين، وهاتفها كان يرن، وكان جود اخوها "ابن جاسر وكنزي" ابتسمت واجابت بسرعه..

كنوز: حبيبي، وحشتيني اوي..
جود: وانتي وحشتيني اكتر.. عامله ايه يا حبيبتي؟
كنوز: الحمد لله يا حبيبي طول مانت بخير..
كان فراس يستمع لها بضيق وتوعد لها وخرج من الجم وهو بكامل غصبه..
جود: هترجعي امتي بقا؟
كنوز ببتسامه وهي تري خروج فراس: احسن..
جود بستفهام: احسن في اي؟
كنوز بنتباة: هاا لا يا حبيبي مش قصدي، انتي مستعجل انزل اجازة عشان الفرح..
جود: انا مصدقت ان جدك وافق..
كنوز: مبروك يا جود، قولي لمار عامله ايه؟
جود بستغرب: لمار؟ مش عارف مالها ، ليه في حاجه؟
كنوز بتهرب: لا عادي بطمن عليها، اصل بقالي فترة مكلمتهاش..
جود: هي غريبه فعلاً الفترة دي، حتى اخدت اجازة من الشغل ومش عارف مالها..
كنوز: اكيد فيها حاجه، هي لم بتكون زعلانه مش بتحب تتكلم، بتحب تبعد..
جود: انا مش فاهم زعلانه من ايه، وبجد مش عارف اعمل ايه عشانها..
كنوز: حاول تخرجها من الاوضه، هي اكيد محتاجه دا..
جود: انا ناوي اعمل كده، بس قولت اسبها شويه لواحدها..
كنوز: اعمل اللي انت شايفه صح..
جود بتنهيده: حاضر، هعمل اللي يريحها..
كنوز بتمني: ياريت يا جود تعمل اللي يريحها..
جود بتسأل وقلق: كنوز، انتي مخبيه حاجه عني؟
كنوز بتهرب: لا لا هخبي ايه عليك، بقولك هروح عشان عندي تمرين؟
جود: تمام، لو كلمتك ابقي طمنيني عليها، لانه مش بترد عليا حتى..
كنوز: حاضر يا جود..