عُشاق الهوس. "بقلمي مروة ياسر"

{عُشاق_الهوس.. 38}

السلام عليكم يا قمرات...
اللهم صلِّ وسلم وبارك على سيدنا محمد 🌺

بجد وحشتوني جدا غيبه طويل جدا، بس بجد ظروف اتمني منكم تشجيع لاني بجد نفسي نخلص الروايه مع بعض، ان شاء الله نقدر نعمل كده بفضل تشجعكم..

بشكر كل اللي استني الروايه واللي سأل عليا واللي، شجعني بجد شكراً ليكم 🌺♥😘

مش هحط اي حاجه عشان البارت الجاي ينزل بس لو التشجيع عالي ان شاء الله تنزل بسرعه..

قراءة ممتعه🤍🖇

##############################################
#عُشاق_الهوس
#الجزء_الثالث_من_سلسلة_عشقتك_حد_الهوس
#بقلم_مروة_ياسر
#البارت_الثامنة_والثلاثون

في دوله الامارات..
في الفندق، بالمطعم..

كانوا الجميع مجتمعين في مطعم الفندق لتناول الفطار، امامهم بعد الساعاات والذهاب الي المطار للعوده الي الوطن..

اردفت ميلان قائله:
ــ احنا هنقوم بقا..

نظر لهم زين بستفهام قائلا:
ــ اي ده رايحين فين؟

اجابت ملاك قائله:
ــ في مكان قريب من هنا لسباق، هنروح نلعب شويه.. قالتها بمرح..

اردف زين قائلا بنفي:
ــ لا احنا لزم نكون في المطار الساعه 5،ومش هينفع نتأخر..

اردفت تالا:
ــ يازين دا لسه الساعه خامسه واحنا دلوقتي 8،قدمنا وقت كبير..

هز راسه بموافقه قائلا:
ــ تمام.. نهضن الثلاث فتيات، واردف قائلا لـ تالين بتسال..: مش هتروحي..

هزت راسها ببتسامه قائله:
ــ لا هفضل معاك عشان مسباكش لوحدك..

نظر للفتيات بستفهام قائلا:
ــ انتم مكنتوش قايللها ولا اي؟

ابتسمت كل منهن واردفت تالا:
ــ هي مش بتحب السباقاات..

نظرت له تالين وهزت راسها، برغم علمه بانها تحب هذه الاشياء ولكن سعيد انها تنازلت عن شئ تحبه حتى تظل معه..

اردف قائلا ببتسامه:
ـ تمام، اول ماتوصلوا تبعتولي GPS بتاعكم..

هزوا رؤسهم بموافقه وتحركوا ثلاثتهن للخارج، نظر زين لـ تالين ببتسامه:
ــ وانتي بقا عايزه تروحي فين؟

هزت راسه بجهل قائله:
ــ مش عارفه، شوف كده ممكن نروح فين بما انك جيت هنا قبل كده..

ابتسم قائلا:
ــ انا باجي هنا عشان الشغل وبخلص وبرجع علطول.. اخرج هاتفه.. بس هشوف حاجه ثواني..

بدء في البحث عن شئ مميز للذهاب لهما، وجد مكان مميز سوف يعيد لهم طفولتهم معاً، وجه نحوها الهاتف قائلا ببتسامه:
ــ اظن المكان ده هيعجبك جدا..

امسكت يده وهو يمسك الهاتف ببتسامه شاسعه:
ــ جدا طبعا، من زمان جدا مروحتش الملاهي.. نهضت وامسكت يده وهي تركض قائله..: يلااا بينا..