قدري الأجمل (متوقفة)

الجزء الأول

كريمة... بحزن... سيبيهالي أربيها يأمنيه ،أنا أولى بتربيتها بدل رميتها دي، أيتن أنا أولى بيها محدش هيهتم بيها زي ماهم بيها صدقيني وبكرة تقولي اختي قالت
أمنيه... بضعف... قولتلك مش هينفع ياكريمة، أبوكي لو عرف مكانها مش بعيد يقتلها، ودي اللي بقيالي من ريحة حبي لمنير وأنا مش هخلي أهلي يقتلوها
كريمة.... بحزن.... وفكرك لما تحطيها في ملجأ هيبقى دا الحل؟
أمنيه.... مقداميش غير ده، لإن مش هستحمل أشوف بنتي بتتأذي، أنا هموت ياكريمة، بس مش عايزة بنتي تشوف نفس مصيري
كريمة... يأمنيه ،حرام عليكي والله كدا هيوصلها
أمنيه.... بضعف... خلاص حطيها قدام باب مسجد واهو اللي هيلاقيها هيكسب فيها ثواب ويربيها
كريمة... يأمنيه حرام عليكي، بقا عايزة بنتك تمرمط وانتي وارثه العز دا كله؟
أمنيه ... مش أحسن مايكون مصيرها القتل؟ محدش عارف مصير البني آدم إيه؟ ربنا أكيد مش هيسيبها وهيكون جنبها
، بس وصيتي بالله عليكي، إبعدي عنها لإن لو عرفوا مكانها مش هسامحك، وجوزك إوعي يعرف مكانها حتى لو بالصدفه فاهماني ياكريمة؟
كريمة... حاضر يأمنية، حاضر

فلاش ياااااك

جلست هذه السيدة التي قاربت على الخمسين على أقرب كرسي لها في بيتها الواسع
تفكر فيما حدث منذ أكثر من ٢٥ عاما، تنهدت بحزن وأسي كبيرين
وبدأت دموعها في الهطول، إقتربت من صورة معلقه على جدار المنزل وبدأت تبتسم وتبكي في آن واحد

كريمة.... شفتي يأمنيه وصلنا لفين؟ لنقطة الصفر من تاني، أنا هرجع مصر يأمنيه، أنا فضلت هنا ٢٥ سنة عشان خاطر أبعد زي ماوصيتيني، بس خلاص الخطر بعد بابا وخلاص هدا الحقد القديم اللي جواه لمنير الله يرحمه وجوزي واهو اتوفى باقي بقا أرجع أنا ومازن وأمنيه عشان ندور على أيتن حتى لو هعمل المستحيل عشان احميها لازم حتى أعرفها وأعرف شكلها وبقت عاملة إزاي؟ و....
قاطع صوتها صوت ذكوري خشن
مازن... ماما؟ إنتي لسه ملبستيش؟ هنتأخر على الطيارة
كريمة... خلاص هجهز بسرعه المهم أختك جهزت؟
أمنيه... خلاص ياماما أنا جاهزة
كريمة... طيب ثواني وهجهز أنا كمان
أمنيه ..... تمام، يلا يامازن نجهز الحاجة عشان نلحق الطيارة.
مازن.... يلا
أمنيه... إستني ،إنت مش ناوي تودع سيدرا؟
مازن... خلاص بقا يأمنيه انتي رزلة أوي
أمنيه... بشك... مازن؟ مالك متغير من ناحيتها الفترة دي؟ حاساك بارد، قوللي مش ناوي تخطبها زي ماقلتلي؟
مازن... أخطب مين؟ دي؟ لا ياماما انا هجوز واحدة من بلدي، من مصر بيقولوا بنات مصر حلوين
أمنيه... يبقى شكي في محله
مازن... شك إيه يابت إنتي؟
أمنيه... إنت قربتلها؟
مازن... اه وإيه الجديد؟
أمنيه... طبع الراجل الشرقي مش هتسيبك أبدا، ممكن تقوللي إيه اللي حصل بالظبط؟
مازن... بصي يأمنيه كل حاجة كانت بإرادتها تمام؟ وأنا وهي قررنا نفضل كدا، بس هي أصرت تجيب بيبي تستحمل بقا، انا مش هتجوز الا من بلدي
أمنيه... إوعي تقول، هي حامل؟
مازن... اه ياستي، وقالتلي هاتربيه لوحدها، خلاص ايه اللي حصل؟
أمنيه.... طبع الندالة وراثه
كريمة... فيه إيه بتتعاركوا على إيه؟
مازن... يلا ياماما هنتأخر على الطيارة
كريمة.... يلا
أمنيه. همست في أذنه... ماشي يامازن حسابنا لسه بعدين وهتتجوزها
مازن.... بعدين