قدري الأجمل (متوقفة)

الجزء الأول

بسم الله الرحمن الرحيم
"إن الله وملائكته يصلون على النبي يأيها الذين آمنوا صلوا عليه وسلموا تسليما"
صدق الله العظيم

عاصم.... حمدلله على سلامتك ياروحي
نظرت حولها بضعف تتأكد من مصدر الصوت، بحثت بلهفه عنه بعينيها لتجده جالسا إلى جانبها حقا

شروق.... بضعف.... هو أنا بحلم؟
عاصم... إبتسم..... لأ ياروحي مش بتحلمي إنتي شايفاني بجد

دمعت عينيها حاولت لمسه لتتأكد من وجوده
شروق... أيوة فعلا إنت عاصم حبيبي، الحمدلله يارب، أنا دايما كان عندي أمل إنك هتيجي وتنقذني
عاصم.... وأديني جيت
شروق... دايما بتبقى سوبر مان الخاص بيا
عاصم.... بس إيه سبب ثقتك دي رغم ان عدي شهرين؟
شروق.... اللي بيحب بجد، واللي صلته بربنا مش بتتقطع لازم يبقى الأمل جواه وبيقول ياصبر أيوب

إبتسمت بسعادة وبعدها بدأت تتحسس بطنها بتنظر أمامها بصدمة
شروق.... عاصم ! إوعي تقوللي إن دي حقيقة
عاصم... أيوة فعلا حقيقة
صرخت شروق بنفي... مستحيل ،لا مستحيل

عاصم... بلهفه... إهدي ياحبيبتي هو إيه اللي مستحيل؟
شروق... أنا خسرت بناتي؟ مستحيل
عاصم... بصدمة.... خسرتي بناتك؟ قصدك إيه؟ البنات جوا في الحضانة بتاعت الأطفال
شروق... بصدمة وزفرت... بتتكلم بجد؟
عاصم... اه ،بس إنتي ليه إفترضتي إنك خسرتيهم؟
شروق... بألم... لإني فعلا كنت بنزف واخر حاجة فاكراها عامر وهو بيحاول يقتلني، إلا هو صحيح فين؟ اترحل؟
عاصم.... مكانه الطبيعي
شروق.... بأمل.... الحمدلله بس إزاي قدرتوا توصلوا في كام ساعه، يعني ممكن تكونوا حددتوا مكان عامر بس عرفتوا منين اننا في المستشفى؟
عاصم.... أنا بقالي يومين هنا
شروق... بصدمة... يعني إنت كنا هنا من فترة بتراقب عامر؟
عاصم... لأ انتي هنا في المستشفى بقالك يومين
صدمة أخرى يومين ايه واستني لحظة أنا لسه داخله الشهر السابع معقولة اني أولد كدا؟
عاصم... دي كانت الطريقة الوحيدة اللي ينقذوا بيها بناتك
شروق... بس قوللي أنا بجد كنت نايمة بقالي يومين؟

لم يرد إخبارها بشئ عن الغيبوبة ومحاولة قتلها حتى لا يرهبها من العائلة
عاصم .... إنتي بتسألي أسئلة كتيير أووي
شروق... خلاص مش هسألك ،بس قوللي ماما عملت العملية؟
عاصم... اه وبخير، نرجع احنا بس والكل يطمن
شروق.... ممكن تكلمها؟
عاصم... حاضر ،بس نخرج بالسلامة الأول
شروق... لأ ماهو أنا عاوزه أقضي يومين تلاته هنا
عاصم. ... عيوني، بس هتدفعي فلوس الإقامة؟
شروق.... وحبيبي راح فين؟
عاصم.... موجود طول مانتي موجودة ومدياني سبب عشان أعيش
شروق.... عاوزه أشوف بناتي ياعاصم، عاوزه أساميهم، عاوزه بناتي جنبي
عاصم... طيب شوية الدكتور يجيبهم
شروق... دكتور ؟إنت خليت دكتور هو اللي يولدني ياعاصم؟ وإيه فايدة الدكاترة الستات دلوقتي لما راجل هو اللي يولدني؟
عاصم.... إهدي بس ياحبيبتي أنا مكنتش موجود وقت ولادتك عشان معلومة زي دي وإنتي عارفه إني بهتم بأدق تفاصيلك، بس أنا جيت وإنتي والده
شروق... طيب عاوزه أشوف البنات، بس هو أنا ليه حاسة بوجع أوي كدا؟ هو أنا والدة طبيعي ولا قيصري
عاصم.... إطمني إنتي والدة طبيعي بس دا وجع عرضي طبيعي يعني متخافيش مفيش أي ألام دي مش ولادة قيصري
شروق... بمرح... وإنت عرفت منين بقا إن الولادة القيصري بتنتج وجع أكبر من الطبيعي؟
عاصم... عشان حبي ليكي ومقابل نظرة حب اللي شايفها في عينك دا غير نظرة الثقه اللي تخليني أعرف أي حاجة تخصك وتخص عيلتنا الصغيرة وحتى يتولدوا إزاي؟