قدري الأجمل (متوقفة)

الجزء الأول

بسم الله الرحمن الرحيم
"إن الله وملائكته يصلون على النبي يأيها الذين آمنوا صلوا عليه وسلموا تسليما"
صدق الله العظيم

سوسن... ببكاء... الله يرحمك يابابا، الله يرحمك كان نفسي تكون جنبي تقوللي أعمل إيه في موقف زي ده؟ أنا كنت محتاجلك أوي جنبي مكنتش عاوزه الراجل الصلب ده بالعكس كنت عاوزه الراجل اللي طول عمره معوضني حنان الأم ومخلتنيش أشتاقلها ولا يوم، يمكن لو كنت موجود كنت بقيت جنبي ودبرتني، أنا بقيت حاسة إن السر اللي مخبياه لأكتر من ٢٥ سنة هيبدأ يظهر، بس خايفه لو ظهر صداقتي لأمنية تنتهي
بس ياترى هييجي يوم وحد هيكتشف إن صفا هي أيتن بنت أمنية؟ خايفه أخون سري آنا وأمنية

وياتري صفا هيبقى رد فعلها ايه لما تعرف ده؟؟!!

فلاش بااااك

سوسن.... إنتي بتقوللي إيه يأمنية ؟إنتي واعية للي إنتي بتقوليه؟ عاوزه تركي بنتك قدام جامع؟
أمنية... بضعف... يعني عاوزاني أعمل إيه؟ أسيبها تتدمر وسط العيلة وخاصة لو بابا عرف مكانها تقدري تقوليلي مصيرها هيبقى إيه؟
سوسن.... خلاص يأمنية أنا هخدها أربيها واهي تعيش وسط عيلتها على إنها بنتي
أمنية... لأ انتي لا بلاش انتي أرجوكي ياسوسن، أنا خايفه منك إنتي وبعدين أنا أتفقت أنا وكريمة إنها هتفضل معاها حتى لو من بعيد
سوسن... خايفه مني أنا يأمنية؟
أمنية...اللي عملتيه إنتي وبابا في كاميليا وإبنها يخليني أقولك لا وألف لا كمان
سوسن.... هو انا للدرجادي معنديش قلب؟ يمكن أنا أنانية وبفكر في نفسي أكتر ويمكن اللي عملته في كاميليا كان أكبر أنانية بس أكيد مش هقدر أرجع الماضي وأصلحه
أمنية... اللي فيه كار يابنت عمي مش هيسيبه
سوسن.... تتنهد.... أمنية فكرك إن كريمة هتخلص من إيد جابر مثلا؟ دا مش بعيد أول مايشم خبر ويعرف مكانها يروح يخلص عليها من غير يرجع لأبوكي في أي حاجه
إمنية... كريمة وعدتني مش هتجيبله سيره او تخليه يشك فيها
سوسن.... صح كريمة هتوفي بوعدها بس جابر تقدري تقوليلي هو هيسكت؟ مش دا اللي كان هيهد الدنيا عشان يتجوزك؟
أمنية.... بخوف... طب والعمل دلوقتي؟ جابر فعلا مش هيسكت وكريمة ضعيفه قدام حبها ليه، وإنتي أكتر واحدة خايفه منك رغم القرابة والصداقة و....

قطعتها سوسن.... جربيني المرادي وبنتك هتبقى في الحفظ والصون صدقيني ، وعشان تصدقي انا جاية من ورا عمك، يعني مفيش حد يعرف إن صداقتنا لسه مستمرة، يمكن اه بحب نفسي أكتر شئ ويمكن ماحبتش عزت أكتر من كاميليا بس لازم تحسي بواحدة نفسها تعيش، وعمها وفرلها مستوى ومن وهي صغيره بيمهدلها دا كله وإن هي هتبقى الملكة في قصر إبنه وخلاص بقا أمل جوايا وتيجى واحدة تدخل قلب الراجل اللي خلاص بقا دنيتها وتبقى هي الملكة قوليلي شعورك وقتها هي إيه؟ يأمنية وقت الست تحس إن هي مهددة من ست غيرها ومكانتها وحلمها خلاص بيموتوا قدامها خصوصا وقت عرفت ان كاميليا خدت مكاني في قلب عزت ومكاني في القصر وكمان في الأمومة، كان لازم أحافظ على مكاني ومتقلقيش إبنها إبني