قدري الأجمل (متوقفة)

الجزء الأول

كانت شروق مصدومة من حديث فيروز، بعد أن كشفت لها نية عاصم وماينوي فعله قد يدمر حياتها،
ولكن مايصدمها أكثر حياة بناتها، لن تسمح له بفعل شئ مثل هذا مهما كلف الأمر

شروق... عاصم شكله فقد عقله ، شكله بيحكم عليا وعلى بناته بالموت قبل مايشرفوا على الدنيا، أنا خايفه يافيروز، وبعدين انتي المفروض تخافي أكتر مني
فيروز... هخاف ليه ياشروق مادام ناويين التصالح وننسي الماضي؟
شروق... فيروز ،اللي فيه كار مش هيبطله، يعني تفتكري مؤمن ناصف بجبروته وهيبته واللي اتسبب في عذاب إبنه سنين بعيد عن عيلته هيقبل بوجودي؟
فيروز... ياحبيبتي إنتي هتبقى في أمان طالما إنتي أم بنات العيلة؟
شروق... بسخرية... إنتوا شكلكم كلكم فقدتوا الذاكرة، نسيتي ولا إيه ماما كاميليا، مش كانت مهيش مرغوبة في العيلة؟ صح؟ عمها وحطي ميت خط تحت عمها رماها في مستشفى واخد منها ابنها وكتبوا بإسم حد تاني؟ مابالك أنا واحدة غريبة من طبقة فقيرة زي ماهو بيقول هايعمل فيا ايه؟ هيحرمني من بناتي ومش بعيد يقتلني، ماعلينا انا يمكن قبل سنتين ماكنش خايفه لكن خسارتي دلوقتي كبيرة انا مش بس هخسر بناتي أنا هخسر حب عمري الوحيد، عاصم أنا ممكن أروح فيها لا لا مستحيل
فيروز.. اهدي بس علشان التوتر غلط عليكي
شروق... وهو عاصم عمل حساب التوتر ده؟
فيروز... ياحبيبتي ،هو حاسس ان احنا محاصرين مش عارف يعيشك العيشة اللي تستاهليها عشان كدا قرر يصلح الأمور، ماهو احنا مش هنفضل مستخبيين العمر كله؟
شروق.... عيشة إيه اللي إستاهلها يافيروز؟ إنتي فاكرة إني متذمرة من عيشتي؟ تبقى غلطانة انا أجمل سنين حياتي عايشاها وسطكم طول السنتين
بس قوليلي إيه هيبقى مصيرك إنتي وحسن فكرك مؤمن ناصف هيوافق عليه؟ وهو راسه وألف سيف يجوزك عاصم
فيروز... بقلق... بس انا مش بحب عاصم، أنا بحب حسن وكلكم شاهدين على كدا.
شروق... شفتي؟ مفكرتيش حتى مصير اللي بتحبيه، أنا مش موافقة، لا ياعاصم، هتعرضنا كلنا للخطر، ومصير ماما كاميليا؟
فيروز... شروق أنا بدأت أقلق، لازم نتكلم مع عاصم في الموضوع
شروق... رني عليه وقولي....
وفجأة بدأت شروق ترتجف وتصرخ بصوت يعلو تدريجيا
فيروز... بخوف... مالك؟ مالك ياشروق؟
شروق... إلحقيني يافيروز ! إلحقيني قبل متحسر بناتي، بطني بتوجعني أوي
فيروز... طيب ثواني هلبس الطرحة ونروح المستشفى بسرعه
شروق.. بصراخ... بسرعه الله يخليكي
فيروز... بتوتر.... حاضر، حاضر

جلست تبكي في هذا المكان الخالي أيعقل ماتفكر به الأن؟ ولكنها ليست متأكدة من ذلك، ولكن مالذي يمنع تكذيب هذا الأمر كل الأفكار تؤدي إلى نفس النتيجة أنها حفيدة تلك العائلة
ولكنها لاتتقبلهم كعائلتها وهذا بعد علمها بما حدث لأمها وأن مافعلته أمها كان حماية لها ولكنها لن تسمح بهذا الأمر ولكن ماذا وقد تأكدت كريمة ونيفين من هذا؟
إبتسمت بشر وهي تقول (والفلوس اتخلقت عشان إيه؟ عشان نلعب بيها وتتري في المكان الصح وأنا مهما إغتنيت هفضل أحن لأيامك ياشروق وأنا اللي هعمله ده مش عشاني أنا بس عشان أقتل غرورهم وأنتقم للي عملوه فيكي وكانوا السبب في تطفيشك
فيه مليون شغله في دماغي، أنا بقى هأكدلهم إني مش أيتن حتى لو دول طيبين بس لازم أنفذ هدفي وأنتقم لموت أمي ورميتي بعيد ع العز ده اللي هو من حقي ٢٥ سنة، أنا حاليا هحول أحلامكم لجحيم ،معلش بقا ياميزو، مضطرة إني أخدك كوسيلة لهدفي، رغم مشاعري ناحيتك، بس خللي المشاعر على جنب انا ليا شغل مع العيلة اللي مهنتش حد على حياته أبدا
صحبتي وأمي وناس كتيير راحت ضحية العيلة دي، وجه دلوقتي وقت الإنتقام وبالأخص عامر الجبالي، أنا عمري ماهنسي هو عمل في شروق إيه؟