قدري الأجمل (متوقفة)

الجزء الأول

بسم الله الرحمن الرحيم
"إن الله وملائكته يصلون على النبي يأيها الذين آمنوا صلوا عليه وسلموا تسليما"
صدق الله العظيم

جلجل صوتها في الأرجاء، وهي تجري خلفهم ،تمسك بكوبان من الحليب
فيروز.... عيب بقا ياشروق غلبتيني معاكي، وإنتي ياست مارام مش عيب تجروني وراكم كده؟ عيب ولا مش عيب؟

هنا صدح صوتها الصغير برقة ودلال طفولي
شروق... لأ ياماما انا مس بحب اللبن
فيروز... عيب ياروح ماما، المفروض ان اللبن دا جميل، فيه حد مش يحبه؟
مارام... أنا مس بحبه
فيروز.... بس الأطفال الحلويين لازم يحبوه، عشان يكبروا بسرعه ويبقوا حلويين، بس إنتوا مش عاوزين تكبروا ومش عاوزين تبقوا حلويين
مارام... بسرعه... لأ انا عاوزه ابقا حلوة وهشرب اللبن
فيروز....اتفضلي ياست البنات، وإنتي ياست شروق
شروق.... لأ انا مس هسرب، مس عاوزه لبن
مرام.... خليكي طفلة وحسة، وأنا أحلى منك

بكت شروق إثر إغاظة توأمتها لها
فجرت عليها فيروز وإحتضنتهم سويا وعنفت مرام على فعلتها
فمهما كان هم طفلتان يتيمتان أب وأم، كيف لهم أن يفعلوا ذلك في بعضهم

شربت الأختان الحليب وأسرعوا للعب سويا، ووقفت هي أمام صورتهم بدموع تملئ عينيها

فيروز.... ياه دا العمر فعلا بيجري بسرعه والدنيا تلاهي وكله نسي إن بكرا ذكرى وفاتكم، ياه مرت سنتين بسرعه أوي زي مامروا قبل كدا ياريتهم ماعدوا وفضلتم معانا وجنبنا، كنت دايما بشوف الحب في عنيكم، بشوف عاصم اللي عمره مانكسف يعبر عن حبه لشروق وبشوف شروق اللي بتفضل تعبر عن حبها بالنظرات اتعودت منها على الصبر والأمل، بس انا مش مطمنة وحاسة إن حياة بناتهم هيمروا بنفس اللي مروا بيه، عشان كدا انا لازم آربيهم احسن تربية دول مش أي حد دول بقوا حتة من روحي

حورية.... صباح الخير
فيروز.... صباح الخير، على فين كدا.؟
حورية.... عندي حصص كتيير النهاردة، والمدير مأكد عليا ماتأخرش النهاردة عشان نودع مدرسة الفرنساوي هتتقاعد بدري، عاملين حفلة واليوم مليان حصص
فيروز... طيب إفطري الأول
حورية.... لأ أفطر إيه؟ مش فيه وقت، هبقي أفطر مع المدرسات هناك
فيروز.... مازن هيوصلك ولا هتروحي بعربيتك؟
حورية... ببسمة.... شاغلة بالك بالكل، ماتاخديش في بالك؟ يعني حد سائل فيكي؟
فيروز.... بس انا مش عاوزة اهتمام حد ياحورية، شروق علمتني زمان، اني اعمل خير ومستناش مقابل، وانا على كدا من يوم ماعرفتها يعني بقالي ٤ سنين
حورية.... لينا كلام لما ارجع
فيروز.... لو نفس كلام امبارح، يبقى ملوش لازمة، يلا خدي الساندوتش ده نقنقي فيه وانتي ماشيه
حورية.... في رعاية الله

صفا.... صباح الخير
فيروز.... بضيق... صباح الخير
صفا... إيه ياروزا ؟فين حبيب عمتهم؟
فيروز... بضيق... في الجنينة بيلعبوا
صفا.... إيه دا فطار؟ انا واقعه من الجوع
فيروز... بالهنا والشفا، إتفضلي