قدري الأجمل (متوقفة)

الجزء الأول

بسم الله الرحمن الرحيم

الله لإله إلا هو الحي القيوم واتوب اليه
لإله إلا الله محمد النبي رسول الله صلى الله عليه وسلّم تسليما كثيراً طيباً إلي يوم الدين

سأبقي بإنتظار يوم جميل صنعته بمخيلتي
الكاتبة الصغيرة
الفصل السابع

عاصم... بصدمة... جدو حسين إتوفي؟
الجد... أيوة الله يرحمه، انت عارف انه كان أعز إصحابي
عاصم... بشفقة... وفيروز حفيدته دي بقت لوحدها خالص دي خسرت أهلها كلهم، إنت سيبتها هناك ياجدو

إبتسم الجد لأن مهمته أصبحت سهلة وأنه من وجهة نظره يخاف علي فيروز ويحبها
ولكنه لايعرف أنه يفعل ذلك من باب الإنسانيه وأنه كان يحب جده حسين وكان صديق فيروز وصفا من الطفولة ليس إلا
وأنه لايوجد بقلبه ولايحب أحدا سوا شروق حبيبت قلبه الذي أشرق علي يديها أولي درجات حبه
الجد... لا متقلقش فيروز جت معانا وعملنا اعلان وراثة ونقلنلها كل حاجة هنا علي مصر عشان تستقر معانا وهنجوزها هنا
عاصم... شئ كويس، هي لازم تتجوز دا أسلم حل ليها ياجدو عشان نحافظ عليها، بس لازم نشوفلها عريس مناسب
الجد.... بس أنا فعلا لقيت العريس المناسب
عاصم... بإبتسامة... وهو مين سعيد الحظ ده؟
الجد.... بإبتسامة أكبر ... عاصم ناصف، إنت ياعاصم
عاصم.... بصدمة.... أنا؟!
الجد... أيوة ياعاصم، مال وشك جاب ألوان كدا ليه؟
عاصم... أه ياجدو، بس انت مأخدتش رأيي قبل ماتاخد قرار مصيرى زي ده
الجد... بالراحه بس قرار إيه اللي إنت محتاج تاخده ها؟ الموضوع سهل خالص هتتجوز فيروز، إيه اللي مأخدتش رأيي في كدا بقا؟
عاصم... بس أنا مش هتجوز فيروز ياجدو، أنا بحب واحدة تانية وعاوز أتجوزها
الجد... ببسمة... وماله بلاش فيروز، قوللي بقا بتحب مين؟ قوللي بنت مين وأنا أطلبهالك فورا حتي لو كانت بنت رئيس الجمهورية متقلقش نفسك إنت
عاصم... بإرتباك... بس ياجدو دي مش من عيلة كبيرة
الجد... بحيرة... قصدك إيه؟
عاصم... بتوتر... باباها ميت وهي مش من عيلة معروفة
الجد.. بحدة قليلا... يعني إيه؟ بردو مش فاهم فهمني
عاصم... يعني هي بنت من طبقة بسيطة
الجد... بإندفاع... من طبقة إيه؟ بسيطة؟ وبتقولها في وشي ياعاصم؟ انت عارف نتيجة كلامك دا إيه؟
عاصم.... بس أنا ❤بحبها فعلا ياجدو ومش تمثيل أنا بجد بحبها أووي مأقدرش أتخيل حياتي من غيرها
الجد... لاتخيل ياعاصم، لإن إنت أكتر واحد عارفني وعارف يعني إيه طبقة راقية وأد إيه يهمنا الموضوع ده، إنت عاوز الناس تقول عننا آيه؟
عاصم... بغضب... يقولوا اللي يقولوه ويعملو اللي يعملوه فاهمني باجدي، أنا نفسي أفهم إنت ليه مش متعظ لحد دلوقتي، بنتك عملت معاها زمان اللي مفيش أب ممكن يعمله وقتلتلها بنتها وجوزها وقتلتها هي كمان وكل ده عشان الحسب والنسب عشان خاطر ابن اخوك الغني وكمان حطت راسك في التراب انها اتجوزت شغال عندك؟
الجد... انت ازاي تكلمني بالطريقة دي يولد؟ انت نسيت نفسك ولا إيه؟
عاصم... بسخرية... اه ياجدو فاكر؟ فاكر بابا فاكره انت عملت فيه إيه؟ رميته في السجن صح وعارف كل ده ليه عشان بس فكر يخرج عن طوعك صح؟ انا ناسي نفسي من يوم مادخل البوليس واقتحم البيت والكلبشات حاوطت بابا ويبصلك بألم وانت تقابله بجمود بس لاء ياجدو انا لاهخاف زي عمتو واتجوز في السر ولاهعمل زي بابا واخاف علي زعلك طالما أنا بعمل الصح
الجد... بإستفزاز... بس إنت كده بتعصي ربنا
عاصم... بثقة... الأية في القرآن بتقول (بسم الله الرحمن الرحيم)...«وإن جاهداك على أن تشرك بي ماليس لك به علم فلا تطعهما وصاحبهما في الدنيا معروفا» صدق الله العظيم
الجد... طيب بس طلب منك ماتعصهمش صح؟ وبعدين فين الشرك هنا؟ انت بتفتي؟
عاصم... مش بفتي بس بقربلك الصورة ان الفرعنة دي ملهاش أساس وان الناس سواسية، اخرج من اللي انت فيه ياجدو انا لحد اللحظة دي كنت عامل إعتبار انك والد والدي بس لما توصل لدرجة انك تمحي شخصيتي وتقرر عني يبقي فيها كلام تاني، كل إنسان مننا مستقل بشخصيته مش مسموح لأي بني أدم علي وجه الأرض يتدخل في حياته انا هاجي اتحاسب بدالك؟ انت هتتحاسب بدالي؟ كل بني ادم هيتحاسب عن شخصه بس يبقي ليه تاخد قرارات حياتي؟ أنا حر في حياتي
الجد... بس انت كدا بتضر سمعة العيلة باللي إنت بتعمله ده
عاصم... وأنا مش هعمل غير ده، شوفها زي ماتشوفها
الجد... بغضب... هتخليني أحسرك علي حياتها قبل ماتتهني بيها وساعتها هتسمع كلامي وهتعمل اللي هقولك عليه
عاصم... وأنا هحميها بدمي
الجد... الحوار مخلصش ياعاصم وأنا عند كلامي مش ههنيك عليها وبعدين أكيد هي حباك عشان فلوسك وجاهك ونسبك و....
عاصم... انا ماشي ياجدو، رايح أقابلها عشان فعلا النهاردة هتفق معاها علي كل حاجة
وقبل أن يتكلم جده خرج وأغلق الباب بقوة خلفه
الجد... بغضب وتحدي... الزمن بيعيد نفسه واللي عملته أمنيه زمان ناوي عاصم يعمله دلوقتي، لازم تتصرف يامؤمن لازم تعرف هتتعامل مع الموضوع ده ازاي من غير ماتورط نفسك، ماشي ياعاصم انا هخليك ترجع تترجاني تاني ماشي