قدري الأجمل (متوقفة)

الجزء الأول

بسم الله الرحمن الرحيم
والصلاة والسلام على رسول الله صلى الله عليه وسلم.....
اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين

سأبقى بإنتظار يوم جميل صنعته بمخيلتي
أسماء العمري
الفصل العاشر

... ماهي أقوالك فيما نسب إليكي بتهمة التحريض على قتل زوجك السيد عامر فهد الجبالي ؟
شروق.... أنا مش مرات حد ياباشا أنا لو كنت هبقي مرات حد كان هيبقى عاصم ناصف
... بس ياشروق دامعاه ورق موثق بجوازكم
شروق... كذب وتزوير حضرتك
..... إنتي هتفضلي تنكري كدا لحد إمتى؟

هنا أتي صوته
... والله ياباشا حاولت أصالحها كتيير بس كانت دايما ناشفه معايا وعاوزه تتخلص مني لدرجة إنها دبرتلي جريمة قتل و..
شروق.. إنت كداب ياعامر، أقسم بالله إنت كداب، ليه الإفترى ده. ؟مكفكش اللي عملته في الماضي.؟
عامر... والله ياشروق إنتي مراتي، واتجوزتك شرعا وقانون وأظن إنتي فاهمة قصدي ياشروق
.... لو سمحت ياعامر سيبنا نكمل شغلنا، أنا نخليها تعترف بجريمتها أما موضوع جوازكم ده، المحكمة اللي هتحدده
عامر... حاضر يا باشا، بس بلاش الموضوع يوصل للمحاكم عشان سمعتها، دي مراتي برضه

شروق... بسخرية.... لاء حنين أوي إنت
عامر.... لو سمحت حضرتك ممكن أتكلم معاها على إنفراد شوية؟
... طيب، بس بلاش تأخير عشان نشوف هنعمل إيه؟
عامر.... حاضر

خرج كل من بالمكتب ولم يتبقى سواها هي وعامر
وبمجرد إغلاق الباب صاحت به
شروق.... عامر إنت مش مكسوف من نفسك؟يمكن اللي حواليك يصدقوك، طيب مفكرتش لما تكسب قدامي هيبقى موقفك إيه؟ فين غرورك ياعامر بيه؟ فاكر؟ يارب بس تكون فاكر، فاكر أنا عملت ايه؟ وانت أديت المقابل ايه؟
عامر... ببرود... خلصتي؟ لو خلصتي محاضراتك ياريت تسمعيني عشان ننهي الموضوع من غير محاكم أفضلك إنتي، أنا بدور عليكي من زمان عشان ليا معاكي تار، موت إبني
شروق... بتذكر... كان غصب عني
عامر... والنهارده هتدفعي التمن، لإن إبني كان هيغير حياتي، بس إنتي خليتيني أكرهك وأبدأ معاكي دوامة إنتقام
شروق... مش مكسوف من نفسك؟ تقدر تقوللي لو كان الطفل عاش كان هيتقاله يابن إيه؟ إنت مش مكسوف من نفسك إنك بتعترف بإن إنت السبب في تدمير حياتي؟ يأخي أنا عمري ماشفت بنيأدمين كدا وخلاص كنت هتأقلم وأنسى وأكمل حياتي طلعتي إنت بالكذب والخداع تقول مراتي لاء وتتمنى بمحاولة قتلك، انت معندكش دم تعرف لولا ستر ربنا انه بعتني ليك في وقت صعب كنت هتبقى فين، دانت المفروض تبقى مكسوف من نفسك رغم اني عرفتك بس كملت من باب الإنسانية
عامر... كل دا ميهمنيش قصاد انك خبيتي عليا حملك، انا كنت هتجوزك لو كنتي قلقتيلي وكنت مستعد أطلق صفا، تعرفي أنا مستني أبقى أي من إمتى؟ أنا كنت على إستعداد تام إني أتخلى عن كنوز الدنيا مقابل، مقابل أشوف ضفر عيل يقوللي يابابا ويشيل إسمي بس إنتي بسبب كبريائك وكرامتك منعتني من ده
شروق... بثقه وحزن.... ربنا بيخلص أبدان على أبدان، شوف يأخي الدنيا إنت أخدت حاجة غصب عني ومش من حقك وقصادها الطفل يموت جوايا حتى من غير مأقصد بس اللي مش فاهماه إنت عرفت إزاي؟
عامر... بحزن ولكن يسيطر صوته الخشن على كبرياؤه.... في اليوم اللي كنتي فيه عند الدكتور انتي وصاحبتك كنت أنا وصفا مستنيين دورنا عند نفس الدكتور لإننا لفينا على دكاترة كتيير ومفيش فايدة ولما رحنا عند الدكتور ده شفتك وانتي خارجه مع صاحبتك ومسنودة عليها وطبعا دا بعد ماختفيتي ومكنتش أعرف عنك أي حاجة، كشفت أنا وصفا وطبعا مفيش فايدة ولما خرجت صفا استجوبت الدكتور بمعرفتي عنك قاللي طبعا كنتي حامل في الشهر الخامس بس للأسف الجنين نزل وطبعا عرفت انه ولد، واللي أكدلي انه ابني اسباب كتييير منها اني كنت اول واحد في حياتك وتاني حاجه ان بقالنا ٥ شهور من آخر لقاءاتنا، بعدها اختفيتي تاني بعد ماشفت ومقدرتش ألاقيكي، تخيلي بس جه وقت الحساب
شروق... كويس، كويس، ممكن بقا تخلص عاوز ايه؟
عامر... تبعدي عن عاصم ناصف وعن أي راجل تاني
ضحكت شروق بسخرية... ليه إنشاء الله تكونش إمتلكت حياتي عشان تتحكم فيها؟
ثم أكملت بغضب .... لا ياعامر أنا ربنا خلقني حرة زي بقيت خلق الله محدش يقدر يمتلكني ويتحكم فيا غير اللي خلقني فاهمني
عامر... بس انا مسمحش لحاجة كانت ليا انها تروح لغيري حتى لو مش هستخدمها
شروق... أنا السجن أهون عليا من كلامك البايخ اللي ملوش أي معنى، وبعدين أنا ليا ربنا قادر يحميني منك ومن أمثالك
عامر... حتى لو هتخدي ٢٠ سنة؟
شروق... حتى لو أخذت إعدام، أنا هتجوز عاصم وواثقه فيه إنه هينقذني
عامر... بغضب... قولتلك هتبعدي عنه وعن أي مخلوق ذكر خلقه ربنا، لإنك ليا أنا وبس مع وقف الإستعمال برضه
شروق... بغضب... إنت مالك بتعاملني كإني سلعه عندك تبيع وتشتري فيها، إيه؟
عامر... خلاص هستخدم ضدك القانون حتى لو مزيف