My doctor is my sunflower🌻Part_14🌻
လီဆာတို့ နေ့လည်စာ
စားပြီးချိန်မှာတော့ ခဏ
အနားယူပြီးနောက်
သင်တန်းချိန်ပြန်စဖို့ ပြင်ဆင်ရတယ်
ကလေးတွေက
၃နှစ်မှ ၅နှစ်အတွင်းဖြစ်ပြီး
အကသင်တန်းဆိုတာထက်
သူတို့လေးတွေကို ဂီတနဲ့
စီးမျောစေတာမျိုး ဖြစ်သည်
အခြေခံကကွက်လေးတွေ သင်ပေးရင်း
ပျော်အောင်လုပ်ပေးတာ မျိုးဖြစ်သည်
လီဆာက ကလေးချစ်တတ်သူမို့
ဒါမျိုးလေးဖွင့်ဖို့ အကြံရခဲ့တာဖြစ်သည်
မိဘတွေ တစ်ယောက်ပြီး တစ်ယောက်
ကလေးတွေအား လာပို့ကြပြီး
လီဆာအား နှုတ်ဆက်ကာ
ပြန်သွားကြသည်
ကလေး အားလုံးပေါင်း
အယောက် အစိတ်လောက်ရှိပြီး
အားလုံးက တစ်ယောက် တစ်မျိုးစီ
ချစ်စရာကောင်းလွန်းသည်
ယောင်းက ဝင်လာထဲက
ကလေးမလေး တစ်ယောက်ကို
မျက်တောင်မခတ် ကြည့်နေတာကို
သတိထားမိသည်
အခု သင်တန်းချိန်စဖို့
၁၀မိနစ်လိုနေ သေးတာမို့
လီဆာ ကလေးတွေကို အစာပြေမုန့်
ကျွေးဖို့ရန် မုန့်ထုတ်လေးတွေ ဝေလိုက်သည်
ထိုစဥ် ယောင်းက
လီလီ့ ဆီက မုန့်ထုတ်လေး
တစ်ထုတ် တောင်းယူရင်း
သူအစထဲက မျက်စိကျနေသော
ကလေးမလေးနား ချဥ်းကပ်သွားသည်
လီလီ ယောင်းဘာလုပ်မလဲဆိုတာ
သိချင်နေတာကြောင့် ဘာမှမပြောပဲ
မသိမသာ ယောင်းအား ကြည့်နေလိုက်သည်
"ကလေး ဒီမှာမုန့်"
ကလေးလေးရှေ့ ဒူးထောက်ထိုင်ကာ
ယောင်းက မုန့်ထုတ်လေးအား
ဂရုတစိုက်ပေးသည် တစ်ခါမှ မမြင်ဖူးတာမို့
ကလေးဘက်ကတော့ အနည်းငယ်
စိမ်းသက် နေပုံ ပေါ်သည်
"ချစ်စရာ ကောင်းလိုက်တာ မမ မုန့်ဖောက်ပေးရမလား"
ကလေးပါးလေး တစ်ဖက်အား
အနည်းငယ်ညှစ်ရင်း မုန့်ဖောက်ပေးဖို့
တောင်းဆိုနေသော ယောင်းမှာ
တကယ်ကို ထိုကလေးတစ်ယောက်တည်း
အပေါ်မှာသာ စိတ်ရောက်နေတာဖြစ်သည်
ကလေးက ခေါင်းလေး အသာ
ညိတ်ပြတာကို တွေ့လိုက်ရတာကြောင့်
ယောင်းက အပျော်ကြီး ပျော်ကာ
မုန့်ထုတ်လေးအား ဖောက်လိုက်ပြီး
ကိုယ်တိုင် ခွံ့ကျွေးနေသေးသည်
