My doctor is my sunflower🌻Part_10🌻
လီလီ ရေချိုးကာ ထွက်လာတော့
ကုတင်ထက် ပိုးသားအပျော့
ဂါဝန်လေး တစ်ထည်
တင်ပေးထားတာကို အသင့်တွေ့ရသည်
ခန္ဓာကိုယ်ကို ရေခြောက်အောင်
သုတ်လိုက်ပြီး အသင့် ပြင်ပေးထားတဲ့
အင်္ကျီလေးကို ဝတ်လိုက်သည်
အောက်မှာ ရှိနေမယ်ဆိုတဲ့ ယောင်း
စကားကြောင့် လီလီ အိမ်အောက်ကို
ဆင်းလာခဲ့သည်
အလာတုန်းက သတိမထားမိခဲ့တဲ့
လှေကားဘေး ဘက်နံရံပေါ်က
ဓာတ်ပုံတွေကို သေချာကြည့်ရင်း
အောက်ကို ဆင်းလာခဲ့သည်
ယောင်းပုံတွေ နံရံထက်မှာ အားလုံးဟာ
ယောင်းပုံတွေချည်းပဲ ယောင်းအဖိုး
ယောင်းအပေါ် ထားတဲ့အချစ်ကို နံရံထက်က
ဓာတ်ပုံတွေက သက်သေပြနေသယောင်
လီလီ မြင်တွေ့ခွင့်မရခဲ့တဲ့ ယောင်းရဲ့
ငယ်ဘဝပုံရိပ်တွေအပါအဝင် အခုလက်ရှိ
သိပ်ကိုလှလွန်းတဲ့ ပုံတွေအထိ
ယောင်းရဲ့ အိမ်ရှိ နံရံလေးက
အထီးကျန်နေသလောက် ယောင်းအဖိုးအိမ်ရဲ့
နံရံတွေကတော့ ယောင်းအပေါ်ထားတဲ့
အဖိုးရဲ့အချစ်တွေနဲ့ စိုပြည်နေလိုက်တာ
ပုံတွေကြည့်နေရင်း လီလီ့အပြုံးတွေကို
မရပ်တန့်နိုင်ခဲ့ပါ ယောင်းငယ် ငယ်တုန်းက
ပုံလေးတွေက သိပ်ကို ချစ်စရာကောင်း
နေလွန်းသည်
မီးဖိုခန်းဟု ထင်ရသော အခန်းတစ်ခုထဲ
တွင် ယောင်းရဲ့နောက် ကျောလေးကို
မြင်နေရတာမို့ လီလီ ထို အခန်းအတွင်းသို့
ဝင်သွားလိုက်သည်
"ယောင်း ဘာတွေလုပ်နေတာလဲ"
လီလီ့ စကားကြောင့်
ယောင်းဟာ လီလီ့ဘက်လှည့်ပြီး
ပြုံးပြလာတယ်
"Udonလေ"
(အူဒုန်_ဂျပန်အစားအစာတစ်မျိုး)
"ဟာ ဟုတ်လား လီလီ ဘာကူပေးရမလဲ"
"ရပြီ ပြီးပြီ"
"ပင်လယ်စာနဲ့လား"
"အင်း ဟုတယ် အသားတွေ သိပ်မစားချင်လို့လေ လီလီ ကြိုက်ရဲ့လား"
"အွန်း ကြိုက်ပါတယ်"
"ဒါလေး စားပွဲပေါ် သယ်သွားပေး တို့တစ်ပန်းကန်သယ်ခဲ့မယ်"
