My doctor is my sunflower🌻Part_11🌻
လီလီ ညနေပိုင်းအတန်းက
ကောင်မလေးတွေကို အကသင်နေရင်း
သင်တန်းသားတွေရဲ့ မျက်လုံးတွေ
အားလုံး နီးပါးက ဝင်ပေါက် ဘက်ကို
ရောက်နေတာမို့ လီလီ လှည့်ကြည့်လိုက်မိသည်
အပေါက်က လီလီ့ရဲ့ ကျောဘက်မှာဖြစ်ပြီး
သင်တန်းသားတွေရဲ့ မျက်နှာချင်းဆိုင်ဘက်
ဖြစ်သောကြောင့် တော်ရုံလူဝင်လာရင်
လီလီ မသိရပေ
လှည့်ကြည့်လိုက်တော့ အပါက်ဝမှာ
ရပ်နေတဲ့ ယောင်းက လီလီ့ကို ပြုံးပြလာသည်
လီလီ ယောင်းရှိတဲ့ဆီ မြန်မြန်လေး
သွားလိုက်သည်
"ယောင်း ရောက်လာပြီလား နောက်၁၅မိနစ်လောက်နေရင် လီလီလဲ ပြီးပါပြီ"
"........."
"ယောင်း !!"
လီလီ့ရဲ့ သင်တန်းသား၊သင်တန်းသူတွေ
အားလုံးရဲ့ ရှေ့မှာ ယောင်းက
လီလီ့ကို ဖက်လိုက်တာကြောင့်
လီလီ အံ့သြကာ ယောင်းနာမည်လေးကို
တအံ့တသြခေါ်လိုက်မိသည်
သင်တန်းသားတွေရဲ့
"Wow"ဆိုတဲ့ အသံကတော့ အခန်းထဲတွင်
ပဲ့တင်ထွက်သွားသည်
ဘယ်အချိန်ထိ ခံစားချက်တွေ
မဖော်ပြပဲ ပိုင်စိုးပိုင်နင်း ဆက်ဆံ
နေအုံးမှာလဲ ယောင်းရယ်
လီလီတော့ ရူးချင်တာပဲ
"ယောင်း ဖယ်ပါ သင်တန်းကြီးမှာ"
"ဟင့်အင်း ဟိုဘက်ထောင့်က ဆံပင်အနီရောင် ဆိုးထားတဲ့ တစ်ယောက်က လီလီ့ကို သဘောကျနေတာမို့လား"
ဘုရားရေ
ယောင်းက ဒါကိုဘယ်လို
သိနေရပြန်တာတုန်း သင်တန်းကို
အခုမှ ပထမဆုံးရောက်ဖူးတဲ့ ယောင်းကလေ
"ယောင်းက ဘယ်လိုလုပ်..."
"မသိသာဘူးလား သူမင်းကိုကြည့်နေတဲ့ အကြည့်တွေက"
"အင်းပါ သူကြိုက်လဲ လီလီမှ သဘောမကျတာပဲ ဖယ်ပါတော့နော် လိမ္မာတယ် အခုက သင်တန်းသားတွေရှေ့ကြီးမှာ"
"တို့ပါးကိုနမ်း"
"ယောင်း"
"မနမ်းရင်ဖယ်မှာ မဟုတ်ဘူးနော် သူအခုထိ တို့နှစ်ယောက်ကို စိုက်ကြည့်နေတာ မျက်တောင်တောင် မခတ်သေးဘူး လီလီ့ရဲ့ ပိုင်ရှင်က တစ်ချိန်ကျရင်တို့ပဲ ဖြစ်လာမှာလေ အချိန်လေး တစ်ခုပဲလိုတော့တာ"
