My Doctor is my sunflower🌻Part_19🌻
ပုံမှန်ဆို ယောင်းက
အရင်နိုးနေကျဆိုပေမဲ့ အရင်ညက
အိပ်ရေး တွေပျက်ခဲ့တာကြောင့်
ဒီနေ့တွင်တော့ လီလီက ဦးစွာ နိုးလာတော့သည်
ယောင်းအတွက် မနက်စာပြင်ပေး
ချင်ပေမဲ့ လီလီလုပ်တတ်တာဟူ၍
သိပ်မရှိပေ
သို့ပေမဲ့ ကြိုးစား ကြည့်ချင်တဲ့စိတ်ကြောင့်
လီလီ ယောင်း နှဖူးလေးပေါ်
နမ်းရှိုက်ရင်း အိပ်ယာမှ လူးလဲထလိုက်သည်
ခေါင်းထဲမှာ စဥ်းစားမိတာက
ပေါင်မုန့်ကြက်ဥကြော်မှ လွဲပြီး
တခြားမရှိပါ
အလွယ်ကူဆုံးကနေ စတင်ရမှာပဲ
ဟုတွေးရင်း ပေါက်မုန့်ကြက်ဥကြော်ရန်
ပြင်ဆင်လိုက်သည်
ကော်ဖီလဲ ကောင်းကောင်း
မဖျော်တတ်သည်မို့ နွားနို့ပူပူလေး
လုပ်ဖို့သာ စိတ်ကူးထားသည်
အတွေးတွေထဲမှာတော့ အရာအားလုံးဟာ
ချောချောမွေ့မွေ့အဆင်ပြေနေသည်
ကြက်ဥသုံးလုံးကို သကြားအနည်းငယ်နဲ့
ရောခေါက်လိုက်ပြီး ထို့အထဲသို့
ပေါင်မုန့်ပြားကို နှစ်ချလိုက်သည်
ထောပတ်ခဲ အရည်ပျော်သည်အထိစောင့်ပြီး
ပေါင်မုန့်ကို အိုးထဲထည့်ကြော်လိုက်သည်
ပေါင်မုန့်လေးပြား အိုးထဲထည့်အပြီးမှာ
လွယ်သားပဲဟု စိတ်ထဲက တိတ်တဆိတ်
ရေရွတ်လိုက်မိသည်
ပေါင်မုန့်ပြားတို့ကို
တစ်ဖက်လှည့်ဖို့ စောင့်နေတုန်းမှာပဲ
ခါးဆီကို တိုးဝင်လာတဲ့
ယောင်းလက်တံတွေရဲ့ အထိအတွေ့ကို
ခံစားလိုက်ရတာကြောင့် လီလီ
နောက်လှည့်မယ်ကြံတုန်း ယောင်းက
ဦးစွာ လီလီ့ ကိုယ်လေးကို
ဆွဲလှည့်လိုက်သည်
လက်တစ်ဖက်နဲ့ လီလီ့ခါးကို ထိန်းကိုင်ရင်း
တစ်ဖက်မှ မီးဖိုကို "ဂျက်" ခနဲ
လှည့်ပိတ်လိုက်တဲ့ ယောင်းကို လီလီ
တအံ့တသြ ကြည့်နေတုန်းမှာပဲ
လီလီနှုတ်ခမ်းပါးပေါ် နုညံ့နွေးထွေးမှုတို့
ကျရောက်လာသည်
မညင်းဆန်နိုင်တဲ့ အဆုံးမှာတော့
လီလီ့ မျက်လုံးတို့ကို
မှိတ်ချ ပစ်လိုက်ကတော့သည်
