بعد ما طلعت كريستينا جلس عماد وهو معصب ويفكر
(هلأ ليش مصره هالقد اني جيب رنا معي؟ ..ياربي شو ناويه تعمل معها او شو ناويه تعمل قدامها؟! معقوله بدها تشوف اذا فيه بيناتنا حب ولا لا.. المشكله كريستينا كتير نبيهه بتفهم كل شي من نظره ..كمان مافيني قول لرنا شي غير انو تمثل متل العاده ..يبعتلك ستين حمى يا كريستينا )
عالعصر رنا كانت جالسه مع ام عماد يتفرجون تلفزيون فزلت أروى وقالت
"هاي مامي"
"اهلين شو هلأ فقتي؟"
"ايه نمت امبارح متأخر كنت مع رفقاتي"
"شو بعدو ايمن ما اجا؟"
تأففت أروى وقالت
"مبين عليه كتير مشغول حبيب قلبي"
شوي و يسمعوا صوت باب البيت فقالت أروى بفرحه
"ايه بيكون اجا هلأ"
دخل عماد ولمحهم بالصاله فقالت أروى
"فكرتك أيمن"
رد عماد
"بتمنى ماكون خيبتلك املك"
ضحكت رنا و ألتفتوا فيها فقال عماد
"رنا تعي بدي ياك بشغله"
خافت رنا وقامت ..سحب عماد رنا على جمب وسألها بتردد
"كان بدي اسألك اذا عندك فستان كتير حلو و منيح؟ "
استغربت رنا بس ردت
"على حسب كيف تبغاه مافهمت قصدك؟ "
"يعني لحفله بسيطه بس فيها ناس مهمين"
"لا ما اظن عندي فستان يناسب هالنوع من الحفلات "
"طيب فيك تنزلي عالسوق و تشتري واحد كتير ضروري"
"ابشر متى انزل الان؟"
"هو الحفله مش اليوم بكرا بس بدي كل شي يكون جاهز اليوم بس يضل معك بكرا تروحي عند الكوافيره "
"تمام متى اروح اشتري فستان؟"
"بعد المغرب رح حاكي طوني يوصلك على محل كتير بيبيع فساتين بتجنن و ماركه ..كمان رح حولك مصاري لحتى تشتري كل لوازم الفستان.. بدي بكرا ماينقصك شي"
"طيب زي ماتحب"
طلعت رنا الغرفه وكانت ام عماد و أروى يطالعون فيهم من بعيد ..فلما دخل عماد الصاله و جلس زفر فقالت أروى
"شوبك هيك هلكان يالطيف مش من العاده شوفك هيك"
ضحك عماد وقال
"انت شكلك نسيتي اني انسان متلك بتعب ..ليش متفاجئه اذا انا تعبان"
"يعني من العاده ما بتبين هالشي قدامنا"
أنت تقرأ
بين الحب والحرب
Short Storyما اصعب الحياة عندما تكون قسوتها من اقرب الناس اليك.. مؤلمه حد الموت عندما يكون الطعن في الظهر من اقرب الناس اليك..ماذا قد تفعل عندما تخونك عائلتك او تطعن ظهرك ..عندما تجبر على فعل شيء من اجلهم ..هل ستعاتب ام تسامح ام تتبع الحب الذي شعرت به!!..
