بين الحب والحرب

part(2)

انصدمت رنا وسألت بتردد
"ممكن أعرف السبب اللي خلاك تتراجع عن استأجار الملحق؟"
"والله اذا بدك الحقيقه مافي سبب مقنع بس كل القصه ومافيها انو هلأ تأكدت انو ماراح ضل غير ٦ شهور هون فما حبيت استأجر شي غالي عارفه كيف"
تحطمت رنا وقالت بنبرة احباط
"اها اوك اللي يريحك"
مرت لحظة صمت فسأل مازن
"انت منيحه؟"
"ايه مو مشكله كل القصه انو امر بفترة طفره حاليه عشان كذا كان حلي الوحيد اعرض الملحق للإيجار"
"فكرتك بتشتغلي!"
"لا لسى لي شهرين من لما تخرجت من الجامعه تقريباً وقاعده اقدم على وظائف ولحد الان ما جاني قبول"
"شو تخصصك؟"
"إدارة اعمال ..يعني رغم اني ما أحب تخصصي كثير بس دخلت اكث١ر تخصص عملي"
"اي ماحدا بيحصل عاللي بدو اياه ماهيك ..بتمنى تعذريني ماكان قصدي اعطيك أمل واخر شي بكنسل كل شي"
"لا عادي مو مشكله"
"رغم انو مساحة الملحق مو سيئه ما كأنو ملحق ..لو كنت راح ضل أكتر من ٦ شهور كنت راح استأجرو لانو عندي اغراض كثير لوحات وهيك شغلات فما بعرف اذا راح لاقي شقه تكفي اغراضي"
سألت رنا بغرابه
"لوحات ؟ مافهمت؟"
"ماشي مهم بس بحب ارسم باوقات فراغي كرمال هيك بحب انزل بكل اغراضي حتى لو كانت المده قصيره"
تفاجئت رنا وقالت بحماس
"جد انت ترسم؟"
"ايه ليش مستغربه؟"
"لا ابد مو مستغربه بس ..ماقد صادفت احد يحب يرسم او ماخذ موهبة الرسم بشكل جدي"
"ليش انت بتحبيه؟"
"ايه كان ابويه يشجعني ارسم اكثر ..بس تعرف صعب تلاقي دخل من الرسم"
"وانت ليش مركزه هالقد عالدخل ..خلي الرسم دايما الشي اللي بتفرغي فيه مشاعرك "
"والله حاليا الدخل اهم "
ضحك وقال
"طيب شو رأيك تخفضي سعر الايجار شوي وبستأجر الملحق وراح ساعد في المصاريف اليوميه "
انبسطت رنا وقالت
"جد!!"
"اي عم بحكي جد ..بما انو الملحق كبير وراح ينفعني مساحتو بلوحاتي وبما انك بترسمي فينا نتبادل خبرات ماهيك؟"
"اتفقنا"
"يالله بكرا راح أجي لَكَن"
"ان شاء الله "
"باي"
"باي"

___
..عالساعه ٢ الظهر دخل أيمن عند امه فسألته
"كيف كانت مقابلة الشغل معك؟"
جلس أيمن جمب أمه بتعب وقال
"مو منيحه بنوب"
لفت امه عليه وقالت
"إمت بدك تلاقي وظيفه منيحه ..نسيت انو لساتك ماتزوجت"
ضحك أيمن وقال
"وانت ليش هالقد متلهفه تزوجيني؟"
"انت نسيت انو عمرك فوق ال ٢٧ ولساتك ماتزوجت ..اللي بعمرك هلأ عندهن ولاد "
مسك أيمن يد امه وقال لها
"ماتقلقي راح اتزوج وراح تنبسطي كتير بزواجي بس انت ماتوتريني بكل مره تشوفيني تسأليني هالسؤال"
وقف وكان بيروح لغرفته فسألته امه
"عشو عم تخطط؟"
ابتسم أيمن وقال
"بتعرفي اني مابعمل شي الا بيفرحك ماتقلقي"
وطلع غرفته

____
اليوم الثاني وصل مازن للفيلا اللي تعيش فيها رنا
"اهلا وسهلا فيك "
ابتسم مازن ولما دخل كانت الساحه الخارجيه كبيره جداً وفيها مسبح فقال مازن وهو مذهول
"عنجد الفيلا كتير كبيره ماتخبريني انك عايشه لحالك هون!"
ابتسمت رنا وقالت
"أمي واخويه نقلوا يعيشوا على لبنان وانا بقيت هنا بما ان ذا الشي الوحيد اللي تركه ابوي لي بعد مامات"
استغرب مازن وقال
"وليش فلوا على لبنان؟"
"امي واخويه اللي من امي لبنانيين لذلك راحوا على هناك"
"وليش ما اخدوك معهن"
ابتسمت رنا بألم وقالت
"تعرف مشاكل الجنسيه وكذا "
مارد مازن ودخل ..وصفت له رنا كل شي
"هذا الملحق له مدخل خاص ومخرج خاص يعني كأنك ببيت مستقل لحالك تعال اوريك الملحق من الداخل"
دخل مازن مع رنا فشاف الملحق وعجبه كثير
"كتير كبير ماتوقعته هيك "
"كأنه شقه مصغره ..عشان كذا فكرت اعرضه للإيجار "
راحت رنا عند تيلفون ارضي وقالت
"اذا احتجتني بشي دق عليه منه عالرقم ٣٣٣ "
ابتسم مازن وقال
"عنجد يسلمو"
"انا بروح الحين انت ارتاح ..في المطبخ حلى وفطاير اذا جعت كلها ..باي"
وطلعت رنا..كان مازن يفكر وهو يطالع في المكان
(لَكَن عايشه لحالها بهالبيت الكبير ..مبين ان القصه اكبر من مشاكل بالجنسيه ..الله يكون بعونها)
كانت رنا مبسوطه لأنها قبضت اول ايجار ..جلست تعده بعدها فكرت
(طيب لازم اتوظف عشان اقدر ادفع حاجاتي قدامي مهله ٦ شهور لين ينتهي ايجار مازن ويروح ..لو اعرض الفيلا للبيع كم تجي تقريباً ..لا لا لا مستحيل افكر ابيعها مستحيل ذا الشي الوحيد اللي بقي لي من أبوي ..لازم ألاقي وظيفه لازم)

_____
كان أيمن بكوفي ينتظر أحد ..لما وصل الشخص المنتظر قام يحضنها
"دخيلك شو اشتقت شوفك عالطبيعه "
ابتسم أيمن وقال
"إلي شهر هون اروى كنت عم انطر إمت ترجعي من سفرتك"
جلست اروى وقالت
"شو أعمل احتجت سافر كرمال شغله وصاني فيها أخي توصلها لحدا ..تركنا من هالحكي اخيراً رجعتوا على لبنان"
ابتسم أيمن وقال
"اخيراً شفتك ..هي انسب "
ضحكت اروى وقالت
"كلكن إجيتوا عهون؟"
"لا رنا ما إجت ضلت بالفيلا اللي تركها بيّ لألها"
"اي منيح ضلت "
بعد صمت ثواني سأل أيمن اروى
"اخوك بيعرف عاللي بيناتنا؟"
"انت عنجد عم تحكي؟ لو بيعرف كان قتلك وقتلني معك"
"شو الحل طيب"
"مابعرف بس مافيني خبر اخي عنك راح يعطيني محاظره على هالشي"
"يعني راح نترك كل شي مخبى هيك ؟"
"مابعرف أيمن ماتوترني أكتر انا خايفه من انو اخي يكشف عن العلاقه اللي بيناتنا والله مستحيل يرحمنا"
تأفأف أيمن وقال
"أروى بتعرفي انو علاقتنا إلها سنتين ..ما بنكر انو كانت إلكترونيه بس هلأ انا هون مافيني انطر اكتر "
مسكت اروى يد أيمن بحنيه وقالت
"والله عم حاول يا روحي ..خبرتك انو قبل فتره اخي عرض عليه واحد بدو يتزوجني كرمال انو من نفس طبقتنا الاجتماعيه ..اخي مافيه يقبل بحدا اقل من طبقتنا الاجتماعيه وانت طبقتك متوسطه كرمال هيك ماراح يوافق بعرفو..عالاقل لاقيلك شي شغل تحتى يكون فيني اقنعو"
"وقد ايش بدك وقت تحتى تحاكي خيّك؟"
"أيمن حبيبي انطر شوي القصه مو سهله بنوب"
ابتسم أيمن وقال
"اي راح انطر اهم شي تكوني لألي"

______
عالمغرب دخل عماد البيت ولقى أمه جالسه بالصاله فسألته
"شو هلأ خلصت من شغلك ..صرت ترجع متأخر كتير عالبيت بمتى ماعم تعذب حالك بالشغل"
طالع عماد في امه وقال
"خلصت شغلي عالعصر بس رحت قابل حدا وهلأ رجعت "
تلفت عماد وسأل امه
"وينها اروى مو رجعت اليوم من سويسرا؟"
"ايه بس قبل شوي طلعت مابعرف على وين "
ما قال شي عماد بعد كلام امه وطلع الغرفه .
رجعت اروى بعد ساعه من لما رجع اخوها فجلست عند امها
"شو وين كنت اخوك كان بيسأل عنك"
خافت اروى وقالت برجفه
"عماد كان بدو اياني ؟ شو كان بدو ماخبرك ؟"
طالعت امها فيها وقالت بإستغراب
"شو مثلا راح يكون بدو منك غير انو يشوفك إلك شهر من لما سافرتي عسويسرا اكيد مشتاق لألك الا اذا ماتكوني عامله مصيبه وعرف عنها"
ضحكت اروى وقالت
"شو هالحكي امي ما عملت شي ..بس بتعرفي اخي مابيقعد معنا ولا بيحكي كتير كرمال هيك كنت متفاجئه"
"الله يستر من عمايلك مو ناقصنا مصايب متل اخر مره"
تأففت اروى وقالت
"ليش هالقد محسسيني اني عملت مصيبه كبيره "
"ماتنسي ان كل البلد بيعرفوه لأخوك غلط صغير منك بينشر والكل بيدرى عنو ويحكوا فيه ..اخوك مو ناقص فضايح"
وقفت اروى وقالت
"دائما عماد بيهمك وانا ولا مره فكرتي تسأليني شو بدي او شو بريد"
وطلعت غرفتها ..بقيت امها تكلم نفسها
(اخوك بيهمني اكتر لأني بخاف يغلط او يتصرف بشي مو منيح بسبب قسوة قلبو ..كرمال هيك بضل اهتم فيه اكتر مابدي يطلع متل ابوه ..بخاف هالشي يصير ).