ကော်ဖီထိုင်သောက်နေသော ကျွန်တော့်အနားသို့ အမေ ရောက်လာသည်။
" နင်မနက်ဖြန် မန္တလေး သွားရမယ်နော် "
အမေ့ရဲ့ရုတ်တရတ်စကားကြောင့် ကော်ဖီတောင် သီးချင်သလို ဖြစ်သွားသည်။ မန္တလေးမြို့ဆိုတာ ကျွန်တော်အချစ်ဆုံး အသွားချင်ဆုံး နေရာတစ်ခုမဟုတ်ပါလား။ အခုဒီမြို့လေးကို ကျွန်တော် သွားရတော့မယ်။ ကျွန်တော့်ရင်ထဲ ပြောမပြတတ်အောင် ပျော်သွားသည်။
" ဘာသွားလုပ်ရမှာလဲ အမေ "
ကျွန်တော့်စိတ်ကို အတတ်နိုင်ဆုံးထိန်းပြီး အမေ့ကို ခပ်တည်တည်ပဲ မေးလိုက်သည်။
" စောခြည်က စစ်ကိုင်းတောင်မှာ သီလရှင်သွားဝတ်တော့မယ်
သူ့အိမ်မှာကလည်း သူ့သမီး ဇာခြည် တစ်ယောက်တည်း "
ဇာခြည်
ဒီနာမည်ကို ကြားလိုက်တာနဲ့ နှလုံးသားတစ်စုံဟာ ယောက်ယက်ခတ်သွားသည်။ အမေရှေ့မှာ ကိုယ့်ကိုယ်ကိုယ် ဟန်မပျက်အောင်ထိန်းရင်း အမေ့စကားကို နားထောင်နေခဲ့၏။ အမေက ဆက်ပြောသည်
" အဲ့ဒါ ဇာခြည် အဖော်ရအောင်လို့ "
" ဟုတ်ကဲ့ အမေ "
ကျွန်တော့်ရင်ထဲက ပျော်ရွှင်မှုက အခုဆို မနှိုင်းတတ်အောင်ပါပဲ။ ကျွန်တော်အရမ်းပျော်တယ် ကြည်နူးဝမ်းသာနေတယ်ဗျာ။
အမေနဲ့ကျွန်တော် စကားနည်းနည်းပါးပါး ဆက်ပြောပြီးတာနဲ့ မန္တလေးသွားဖို့အတွက် ပြင်ဆင်ရလေသည်။
.............................................
မန္တလေးမြေပေါ် ခြေချလိုက်တာနဲ့ ငြိမ်သက်နေတဲ့ နှလုံးသားလေး တစ်ဖန်နိုးကြားလာခဲ့သည်။ ကျွန်တော့်ရင်ခုန်သံကို ပြန်စမ်းလိုက်တော့ ရင်ခုန်သံက ပေါက်ထွက်မတတ် ခုန်နေသည်။ ကျွန်တော် ကျေနပ်စွာပြုံးရင်း အမရပူရမြို့ကို နှုတ်ဆက်လိုက်၏။
ချစ်သောသူလေး ရှိတဲ့ ချစ်တဲ့အမရပူရရေ
ငါတစ်ဖန် ပြန်ရောက်လာခဲ့ပြီ
ငါ့ကို မင်းကြိုဆိုနေသလား
ငါကတော့ ဒီမြို့လေးကို
တစ်ရက်တောင် မမေ့ခဲ့ပါဘူးကွာ
မင်းကိုငါ ချစ်တယ် အမရပူရ သူမကိုရောပဲ။
YOU ARE READING
မမ ( Complete )
Romanceမန္တလေးမြေပေါ် ခြေချလိုက်တာနဲ့ ငြိမ်သက်နေတဲ့ နှလုံးသားလေး တစ်ဖန်နိုးကြားလာခဲ့တယ်။ ကျွန်တော့်ရင်ကို ပြန်စမ်းလိုက်တော့ ရင်ခုန်သံက တစ်ဒုတ်ဒုတ်နဲ့။ ကျွန်တော် ကျေနပ်စွာပြုံးရင်း အမရပူရမြို့ကို နှုတ်ဆက်လိုက်တယ် ချစ်သောသူလေး ရှိတဲ့ ချစ်တဲ့အမရပူရရေ ငါတစ်ဖန်...
