ညနေခင်း နေဝင်ချိန်က ခါတိုင်းနေ့တွေထက် ပိုပြီး လှပနေသည်။ နှစ်ဦးသဘောတူ သတ်မှတ်ထားတဲ့ ချစ်သူနှစ်ဦးမှာလည်း တစ်ယောက်ကို တစ်ယောက် ထွေးဖက်ထားရင်း နေဝင်ချိန်နဲ့အတူ လှလှပပရှိနေသည်မှာ ပန်းချီကားတစ်ချပ်လို။
တစ်ယောက်ကပုခုံးကိုမှီ တခြားတစ်ယောက်က ခါးကိုဖက်ထားရင်း ချစ်စကားလေးတွေ ပြောနေကြသည်မှာ အိမ်တန်းတက်တဲ့ ငှက်ကလေးတွေတောင် ပြန်လည်ငေးမောရတဲ့အထိ။ ချစ်သူနှစ်ဦး တစ်ယောက်ကိုတစ်ယောက် အရမ်းကို ချစ်ကြတဲ့ သူတို့နှစ်ဦး။
" မမ "
" ဟင် "
ကျွန်တော့်ပုခုံးကို မှီထားရင်း အတွေးတွေ များနေသော မမအား တကယ်ကို သနားမိသည်။
" ပြောလေ ဒိတ် ဘာပြောမလို့လဲ "
ဟင်း..........
" စိတ်ညစ်စရာတွေ မတွေးပါနဲ့ ဒိတ်ရယ် "
ကျွန်တော့်လက်ကို ဆုတ်ကိုင်ပြီး မမက အားပေးစကားပြောနေသည်။ မမရဲ့ မျက်နှာမှာလည်း အဆင်မပြေမှု အရိပ်အယောင်တွေ ထင်ထင်ရှားရှား မြင်နေရသည်။
" ကျွန်တော့်ကြောင့် မမစိတ်ညစ်နေရပြီ "
" မဟုတ်တာ ဒိတ်ရယ် "
" ကျွန်တော့်ကြောင့် မမက ကျွန်တော့်ကြောင့်ပါဗျာ "
မမကို ဖောက်ပြန်တဲ့မိန်းကလေးလို့ တခြားသူတွေမြင်မှာကို မလိုလားပေ။
တစ်ယောက်ကိုတစ်ယောက် တင်းတင်းကျပ်ကျပ် ပွေ့ဖက်ထားရင်း နှစ်သိမ့်ပေးနေမိသည်။ ကြင်ကြင်နာနာ နမ်းဖို့ကိုတော့ လိပ်ပြာမလုံနိုင်ပါ။
" ပြန်ကြရအောင် မမ "
စိတ်ညစ်စရာတွေကို အတတ်နိုင်ဆုံးဖျောက်ထားပြီး မတ်တပ်ရပ်ကာ မမကို လက်ကမ်းခေါ်သည်။ တစ်ယောက်လက်တစ်ယောက်ဆွဲကာ နေဝင်ချိန်မှာ အိမ်သို့ပြန်ခဲ့ကြသည်။
စားသောက်စရာများကို အတူတူချက်ပြုတ်ကြရင်း စုံလင်သော အရသာ မစားဖူးသော အရသာများလည်း ထူးထူးကဲကဲ ခံစားကြရသည်။
မမရဲ့ နှုတ်ခမ်းဖူးဖူးလေးကို ကြည့်ရင်း အိမ်ရှေ့မှာ ဖူးငုံနေသော နှင်းဆီဖြူကို လှောင်မိလိုက်သည်။
YOU ARE READING
မမ ( Complete )
Romanceမန္တလေးမြေပေါ် ခြေချလိုက်တာနဲ့ ငြိမ်သက်နေတဲ့ နှလုံးသားလေး တစ်ဖန်နိုးကြားလာခဲ့တယ်။ ကျွန်တော့်ရင်ကို ပြန်စမ်းလိုက်တော့ ရင်ခုန်သံက တစ်ဒုတ်ဒုတ်နဲ့။ ကျွန်တော် ကျေနပ်စွာပြုံးရင်း အမရပူရမြို့ကို နှုတ်ဆက်လိုက်တယ် ချစ်သောသူလေး ရှိတဲ့ ချစ်တဲ့အမရပူရရေ ငါတစ်ဖန်...
