" မင်းသဘောနဲ့မင်း ထွက်လာတာလား "
ကျွန်တော် သီဟကို မကြည်သလို စိုက်ကြည့်နေလိုက်သည်။ လက်ထဲက စီးကရတ်ကို တစ်ချက်ဖွာလိုက်ရင်း
" ငါက ထွက်မလာလို့ ဘယ်လိုစိတ်နဲ့ ဆက်နေရမှာလဲ "
" ငါသာ မင်းနေရာမှာဆို ရသလောက် ကြိုးစားအုန်းမှာ
သူတို့ယူဖို့ ဆယ်ရက်လောက် လိုသေးတယ်လေ အဲ့ဆယ်ရက်အတွင်း "
" မင်းအခု ကြိုးစားလား "
သီဟ ပါးစပ်ဟောင်းလောင်းနှင့် အသံတိတ်သွားသည်။ ပြီးမှ အရှေ့က မြက်ပင်များကို နှုတ်ရင်း
" ငါက မဖြစ်နိုင်လို့ ရှေ့ဆက်မတိုးတာ "
" အင်း
ငါက မဖြစ်သင့်လို့ နောက်ဆုတ်လိုက်တာ "
အချစ်တစ်ခုမှာ ဘယ်အရာက အရေးကြီးပါသလဲ။ ချစ်နေဖို့ပဲလား ပိုင်ဆိုင်ဖို့ရော မလိုအပ်ဘူးလား။ ကျွန်တော် သေလောက်အောင် ချစ်ပါသည် ဒါပေမယ့် သူ့ဆန္ဒမပါရင် သူ့အနားတောင် မကပ်ခဲ့။ အချစ်ဆိုတာ ဒါကိုပြောတာ ဖြစ်မည်။
" မင်း ဘယ်အချိန်ထိ ဒီမှာနေသွားမှာလဲ "
" ဘာလို့လဲ "
" မင်းမရှိရင် ငါလည်းဆက်မနေချင်ဘူး
မင်းသိလား ငါက မမဇာခြည်ကို ဒီရောက်မှ မြင်ဖူးတာ မဟုတ်ဘူး "
" ဟင် မင်းက ဘယ်အချိန်ကတည်းက "
" ထားလိုက်ပါတော့ "
သီဟက သက်ပြင်းချရင်း ခေါင်းငုံ့ထားသည်။ သူတကယ် မသိစေချင်တဲ့ပုံ ပေါက်တာကြောင့် ကျွန်တော်လည်း ဆက်မမေးခဲ့ပါ။
" ငါလည်း သိပ်မနေပါဘူး မမတို့ယူပြီးရင် ပြန်မှာ "
" အင်း လွမ်းစရာကြီးနော် "
သီဟက ဘာကိုဆိုလိုမှန်းမသိပေမယ့် ကျွန်တော့်အတွက်တော့ တကယ်ကို လွမ်းစရာကြီးဖြစ်သည်။ ချစ်တဲ့မြို့ရော ချစ်သောသူလေးရောနဲ့ သိပ်မကြာခင် ခွဲရတော့မယ်။ တကယ့်ကို ကြေကွဲစရာ။
" ကိုကြီး ဒိတ်
မေမေ ခေါ်နေတယ် "
ခြံထဲက ဒေါ်လှတဲ့သမီးလေး လာခေါ်တာကြောင့် ကလေးကို ချီကာ တဲဘက်သို့ ထွက်ခဲ့သည်။
YOU ARE READING
မမ ( Complete )
Romanceမန္တလေးမြေပေါ် ခြေချလိုက်တာနဲ့ ငြိမ်သက်နေတဲ့ နှလုံးသားလေး တစ်ဖန်နိုးကြားလာခဲ့တယ်။ ကျွန်တော့်ရင်ကို ပြန်စမ်းလိုက်တော့ ရင်ခုန်သံက တစ်ဒုတ်ဒုတ်နဲ့။ ကျွန်တော် ကျေနပ်စွာပြုံးရင်း အမရပူရမြို့ကို နှုတ်ဆက်လိုက်တယ် ချစ်သောသူလေး ရှိတဲ့ ချစ်တဲ့အမရပူရရေ ငါတစ်ဖန်...
