" မနက်ဖြန် လာဖြစ်အောင်လာနော် ဒိတ် "
" စိတ်ချပါ မမမိုး "
ကိုယ့်ရင်ကို ခွဲပြီး ကိုယ့်နှလုံးသားကို လုယူသွားတဲ့သူမကို ရန်သူတစ်ယောက်လို သဘောမထားပါ။ သူနဲ့ထိုက်လို့ သူရခဲ့တယ်လို့ မှတ်ယူထားသည်။ ကိုယ့်ကို အခွင့်အရေးတွေ အများကြီး ပေးပါရက်နဲ့ ကိုယ်က အသုံးမကျခဲ့ပါ။
စွန့်လွှတ်ခြင်းကို မြတ်တယ်လို့ တွေးထားသမျှ ဒီတစ်ခါတော့ နောင်တရမိသည်။ ကိုယ့်နှလုံးသားလေး အတည်ကွဲပြီ။
" အမ ပြန်တော့မယ်နော် "
" ဟုတ်ကဲ့ "
တစ်ယောက်ကိုတစ်ယောက် နှစ်နှစ်ခြိုက်ခြိုက် ပြုံးပြပြီး အိမ်ပြန်လမ်းမှာ လမ်းခွဲလိုက်သည်။ သူက မမဆီ ပြန်သွားပြီး ကျွန်တော်က ခြံဘက်သို့ ပြန်လာခဲ့သည်။
လမ်းမှာ အရှုံးဆိုသော ခလုတ်တစ်ခုကို တိုက်မိသည်။ အရမ်းလေးလံပေမယ့် မနိုင်နိုင်အောင် မပြီး ဘေးသို့ ရွှေ့လိုက်သည်။ ဒီခလုတ်ကို နောက်နောင် ဘယ်သူ့ကိုမှ မတိုက်စေချင်။
" ကိုကြီး "
ခြံဝရောက်တော့ ကလေးမလေးက ပြေးလာသည်။ မျက်ရည်များဝဲရက်နဲ့ပင် ကလေးမလေးအား ချီကာ ပွေ့ဖက်နမ်းရှိုက်လိုက်သည်။
" ကလေးလေး "
ကလေးကို ပွေ့ချီရက်ပင် မျက်ရည်များ စီးကျလာသည်။ သီဟ လာနေတာကို မြင်မှ ကလေးကို ပြန်ချကာ မျက်ရည်များ သုတ်ရင်း
" အဆင်မပြေလိုက်တာကွာ "
ကျွန်တော် ပြုံးရင်း ပြောလိုက်သည်။
" အင်း
နောက်တစ်ပတ်နေရင် ငါအလုပ်ထွက်တော့မယ် "
" အင်းပါ "
" ဦလေးတို့ဆီ သွားလိုက်အုန်း "
ကလေးလက်ကို ဆွဲရင်း တဲဘက်သို့ လျှောက်လာခဲ့သည်။
" ကျွန်တော် မရှိတော့တဲ့နောက် အစစအရာရာ ဂရုစိုက်ကြနော်
အမြဲတမ်း သတိရနေမယ် "
" မပြန်ပါနဲ့လားကွယ် "
ဒေါ်လှမျက်နှာ မကောင်းတာကို ကြည့်ရင်း ကျွန်တော်စိတ်ထဲမကောင်းပါ။ဦးလေးကတော့
YOU ARE READING
မမ ( Complete )
Romansaမန္တလေးမြေပေါ် ခြေချလိုက်တာနဲ့ ငြိမ်သက်နေတဲ့ နှလုံးသားလေး တစ်ဖန်နိုးကြားလာခဲ့တယ်။ ကျွန်တော့်ရင်ကို ပြန်စမ်းလိုက်တော့ ရင်ခုန်သံက တစ်ဒုတ်ဒုတ်နဲ့။ ကျွန်တော် ကျေနပ်စွာပြုံးရင်း အမရပူရမြို့ကို နှုတ်ဆက်လိုက်တယ် ချစ်သောသူလေး ရှိတဲ့ ချစ်တဲ့အမရပူရရေ ငါတစ်ဖန်...
