تضحية من أجل الحب الجزء التانى.. الكاتبة ايمان شوقى

البارات السادس ♥️

ازيكم يا حلوين عاملين ايه وحشتوني والله جدا جدا طمنوني عليكم ويارب تكونوا بخير عارفة اني بتاخر بس غصب عني والله علشان الدراسة وكدا هحاول ان شاء الله أنزل بارات بكرا بس اوووع ا تنسوا النجمة بتاعتي ياحلوين ⭐

# بقلم ايموووووو... ايمان شوقى 💙 🦋

صلوا على الحبيب المصطفى صلى الله عليه وسلم 🦋 💙

وقفنا عند لما زين راح بيت روان واتصدم ان مازن ابن عمه وأخوه كان خاطب روان..

روان باستغراب : بس لحظة واحدة ماما حضرتك مع سيادة المقدم بتعملي ايه انا مش فاهمه حاجة..

زينب بتوضيح : اهدوا انتوا الاتنين روان لما اتخطبتى انتي ومازن كان زين عايش في البلد مع أهله وشغله كان فى سينا علشان كدا متعرفهوش... أما انت فاكرة فى الخطوبة كلن عندك مأمورية تبع شغلك ومقدرتش تيجي وفي الفرح كونت هتصل نفس اليوم.. لتكمل ببعض الدموع بس ربنا ماردش واخده..

زين بفهم : خلاص يا زوبه معتش ينفع.....

زينب بمقاطعة : اسكت انت.... وانتى يا رورو انا فهمه احساسك كله بس يا قلبى لامته هتفضلى كدا... هتبوظى حياتك علشان حد مش موجود حبيبتي الود ده بيحب اوووعى تخسريه..

روان ببعض الدموع : بس يا ماما حضرتك عارفة انى مستحيل انسى مازن... لتكمل بخجل انا منكرش انى اتشديت لسيادة المقدم شوية واعجبت بشخصيته بس انا مش هقدر انسى مازن..

زينب : حبيبتى الحياة مبتقفش على حد معين وصدقنى مازن اكيد زعلان على حالتك دى... أعطى لنفسك فرصة مش هتخسرى حاجة... وكمان صدقنى انا امك وعاوزة مصلحتك زين بيحبك..

أمجد : ايه رايكم تقعدوا سوي تتكلموا..

زينب : اهاااا طبعا قوم يا رورو... وانت قوم قوم يلا ولا عوزك حد يشدك..

زين بحاجب مرفوع : قومنا اهواااا...

جلسوا سوى فى الجنينة بدون ولا كلمه... كل واحد فى قلبه كلامه نفسه يقوله بس متردد..

زين بتردد : احم احم.. روان انا عارف انك لسه بتحبى مازن وبصراحه معاكى حق مازن كان قلبه طيب مينفعش حد يتعرف عليه وميحبوش...

روان بحزن : مازن روحى عمرى ما هقدر انساه مهما كان.. انت عارف ديما بحسه جابني انا فعلا مش عاوزة اتجوز علشان لما اموت اتقابل معاه فى الجنة..

زين بحزن : خلاص لو دى رغبتك انا هقولهم ان احنا مينفعش لبعض..

روان بتردد : انا عارفة انك بتحبنى وانا هوافق على الجواز بس مش هقدر احبك ولا هقدر اعطيك حقوقك لو موافق معنديش مانع اتجوزك..

زين ببعض الأمل : وانا موافق...

_ماذا سيحدث ياترى هل سيقدر زين امتلاك قلبها ام للقدر رأى اخر؟