အခန်း(၉၄)
" ခန့် မွေးနေ့တောင်ရောက်တော့မှာလား "
ယွန်း ပို့ထားသည့်စာကိုတွေ့မှ ဒီလထဲ ခန့် မွေးနေ့ရှိိနေတာကို Black သတိရသွားသည်။
ဒီရက်ပိုင်းအလုပ်တွေအရမ်းများနေသောကြောင့် သူငယ်ချင်းတွေနဲ့လည်းမတွေ့ခဲ့ရ။
ဇန်နဝါရီလ ငါးရက်နေ့ကျရင် ခန့် အိမ်မှာမွေးနေ့ကိတ်ခွဲမယ် လာခဲ့ပါအုံး... လို့ယွန်း စာပို့ထားခဲ့တာ လွန်ခဲ့သည့်နှစ်ရက်လောက်ကတည်းက။
စာကိုတွေ့တာနောက်ကျပေမယ့် တော်သေးသည်က မွေးနေ့ရောက်ဖို့နှစ်ရက်လောက်ကလိုသေးသည်။
သူငယ်ချင်းများနှင့်စကားမပြောဖြစ်တာလည်းအတော်လေးကြာနေပြီမို့ Black ကစာရိုက်ပြီး စာမပြန်တော့ဘဲ ယွန်း ၏ဖုန်းနံပါတ် ကိုသာနှိပ်ချလိုက်သည်။
" တီ...တီ "
" ဟလို Black "
" ယွန်းလား ဆောရီး ငါဒီရက်ပိုင်းအလုပ်များနေလို့စာမပြန်ဖြစ်တာ ခန့် မွေးနေ့ဆို "
" ဟုတ်တယ် ငါးရက်နေ့ ...ညနေပိုင်းလောက်မှလာခဲ့ပေါ့ နင်အလုပ်များနေမယ်ဆိုတာသိလို့ စာပဲပို့လိုက်တာ မအားရင်လည်းငါပြောလိုက်မယ်လေခန့်ကို "
" အားပါတယ် အဲဒီနေ့ကျရင်အချိန်မီလာခဲ့မယ် ခန့်ကိုလည်းပြောထားပေး "
ခန့် နဲ့မတွေ့ဖြစ်တာလည်း ကြာနေပြီမို့တစ်နှစ်မှတစ်ခါကြုံတွေ့ရသည့်မွေးနေ့ပွဲလေးကိုတော့သွားလိုက်ပါမယ်လို့ Black ဆုံးဖြတ်လိုက်သည်။
တမင်ရှောင်နေခဲ့တာမျိုးမဟုတ်ပေမယ့် အလုပ်လည်းရှိသွားပြီမို့ အဆက်အသွယ်က အကြာကြီးပြတ်သွားခဲ့သည်။
သူ့ဘက်က ခံစားချက်များကို ကိုယ့်ဘက်က ပြန်လည် မတုံ့ပြန်ပေးနိုင်ပေမယ့် သူငယ်ချင်းကောင်း အနေနဲ့တော့ ရှိနေပေးနိုင်ပါသည်။
ပြီးတော့ထိုနေ့မှာ ခန့် နဲ့ကိုယ်နှစ်ယောက်ထဲရှိနေမှာမှမဟုတ်တာ။ခန့်၏မိသားစုဝင်များနှင့်
ယွန်းတို့မောင်နှစ်မနှစ်ယောက်ကပါရှိနေမှာဖြစ်သည်။
ထို့ကြောင့် မျက်နှာပူစရာစကားတွေကိုလည်း ပြောဆိုဖြစ်မှာမဟုတ်။
YOU ARE READING
Dark's Black _ Season(2) *{Completed}*
Romance" Dark's Black " Season-(2) Start (02.8.2021) ✍ [Darkness's own creation]💯 A novel written with my heart.👨❤️👨 I created a new imaginary life for the two of them 📚
