Dark's Black _ Season(2) *{Completed}*

အရင်အတိုင်းပဲ

အခန်း(၉၈)

" အိမ်တံခါးကဖွင့်ထားတာပဲ "

ဖွင့်လျက်သားဖြစ်နေသည့် တံခါးများကြောင့် Black မှာဘဲလ်ပင်တီးစရာမလိုဘဲ ခန့် ၏ခြံထဲသို့ဝင်ခွင့်ရခဲ့သလို ယခုလည်းအိမ်ထဲသို့ပင်ရောက်​နေပြီဖြစ်သည်။
အလုပ်ကနေတိုက်ရိုက်လာခဲ့ရသည်မို့ Black ၏လက်နှစ်ဖက်စလုံးမှာလုံးဝမအား။
လက်တစ်ဖက်က ထမင်းခြင်းတောင်းကိုဆွဲထားရ​ပြီးကျန်လက်တစ်ဖက်က ခန့် အတွက်လက်ဆောင်ပန်းစည်းကိုကိုင်ထားရသည်။

အခြားပစ္စည်းတွေလက်ဆောင်ပေးဖို့က ခန့် ဘာကြိုက်တတ်တယ်ဆိုတာကိုမသိ၍တစ်ခါမှမဝယ်ပေးဖြစ်ခဲ့။မွေးနေ့ရောက်တိုင်းတော့ Black ကအမြဲ ပေါ်တင်မေးဖြစ်ခဲ့ပါသည်။

ခန့် ဘာလိုချင်လဲဆိုပြီး...
မေးတိုင်းလည်း ခန့် ကBlack သဘောကျတဲ့အရာက ခန့် ကြိုက်တဲ့အရာပဲလို့သာအမြဲပြန်ပြောခဲ့သည်။

ထို့ကြောင့် Black မှာပန်းစည်းကိုသာ လက်ဆောင်ပေးဖို့ရွေးချယ်ဆုံးဖြတ်ခဲ့သည်။
ထို့သို့ ပန်းစည်းအားလက်ဆောင်အဖြစ်ပေးဖြစ်ခဲ့ခြင်းဟာ ကိုယ်မြတ်နိုးသဘောကျသည့်အရာမို့ပေးဖြစ်ခဲ့တာမဟုတ်။
ဘာပေးလို့ပေးရမယ်ဆိုတာကို စဥ်းစားမရသောကြောင့်သာ ပန်းစည်းအားရွေးချယ်ဖြစ်ခဲ့ခြင်းဖြစ်သည်။

ဘဝတွင် Black အမှန်တစ်ကယ်သဘောကျသည့်အသုံးအဆောင်ပစ္စည်းက လက်စွပ်သာ​ဖြစ်သည်။
သို့သော် တစ်ခါက ခန့် ပါးစပ်ကနေ " Black ရဲ့လက်ချောင်းလှလှလေးတွေပေါ် မှာရှိနေလို့သာ ဒီလက်စွပ်လေးတွေကိုသဘောကျတာ ခန့် ကိုယ်တိုင်သာဆိုရတနာဆိုင်ရောက်လည်း တစ်ခါမှလှည့်ကြည့်ဖြစ်ခဲ့မှာမဟုတ်ဘူး...ခန့် ကရတနာ​တွေကိုမနှစ်သက်ဘူးလေ "ဆိုသည့်စကားအားပြောခဲ့ဖူးသည်မို့ ထိုပစ္စည်းများနှင့်ပတ်သက်ပြီးတစ်ခါမှမဝယ်ပေးဖြစ်ခဲ့။

Black ကဧည့်ခန်းထဲသို့ရောက်လျှင် ထမင်းခြင်းတောင်းနှင့် ပန်းစည်းအားစားပွဲပေါ်သို့ တင်ထားလိုက်သည်။
ပြီးသည်နှင့်အပေါ်ထပ်လှေကားဆီသို့လှမ်းကြည့်လိုက်သည်။
အပေါ်ထပ်တွင်အရမ်းတိတ်ဆိတ်နေပုံအရ လူကြီးတွေမရှိလောက်ဘူးထင်သည်။
တစ်ဆက်တည်းမှာပင်ခန့် နဲ့ ငါ နှစ်ယောက်ထဲတော့မဟုတ်လောက်ပါဘူးနော်ဆိုသည့်အတွေးက Black ခေါင်းထဲသို့ဝင်ရောက်လာခဲ့သည်။
ဒီလိုသာဆိုရင်တော့...ဟူး...