အခန်း(၈၄)
သူများပစ္စည်းကို သွားခိုးနေတာလည်းမဟုတ်ပါဘဲ သူခိုးတစ်ယောက်လိုမျိုး ခိုးကြောင်ခိုးဝှက်နေထိုင်နေရတာ ဘယ်ဘဝကအကုသိုလ်ကြောင့်ပါလိမ့်။
ဝတ်ထားသည့်ရှပ်အပြာနုပေါ်မှာလည်း ဇောချွေးတွေကြောင့်ဖြစ်မည်။
ဟိုနားကတစ်ကွက် ဒီနားကတစ်ကွက်နှင့် အတော်လေးကြည့်ရမကောင်းအောင် စိုရွှဲနေခဲ့ပြီဖြစ်သည်။
သူ့အတွင်းရေးမှူးလာချပေးသွားသည့် ရေအေးအေးတစ်ခွက်ကိုလည်းရင်ပူပူနဲ့ သောက်ချလိုက်တာ တစ်ခွက်လုံးကပြောင်သွားပြီဖြစ်သည်။
သူဌေးရဲ့အခန်းလို့ပြောစရာမလိုအောင်ကို ခမ်းနားထည်ဝါမှုအပြည့်ရှိသည့် အကောင်းစားအခန်းကြီးထဲမှာ ချွေးတစိုစိုဖြစ်နေသည့်လူက Black ဆိုသည့် ကိုယ်တစ်ယောက်ထဲသာ ရှိလောက်မည်။
အဲကွန်းက အေးလားမအေးလား။
ရေမရှိတော့သည့် ဖန်ခွက်ဘေးနှုတ်ခမ်းမှာတောင် ရေခဲရေသီးလေးများက ဖြစ်တည်နေခဲ့လျက်။
စိတ်လှုပ်ရှားလျှင်လုပ်တတ်သည့်အကျင့်အတိုင်း
ဆံပင်တွေကိုဆွဲဖွပစ်ချင်ပေမယ့် ဦးထုပ်ကိုငိုက်စောင်းထားရ၍ ဆံပင်များဆီသို့လက်ကမရောက်။
အဲဒီအစားလည်ပင်းတွေဆီသို့သာနေရာပြောင်းပြီးပွတ်သပ်နေမိသည်။
အစကအခြားလူနဲ့ပဲတွေ့ရမှာမို့ နေကာမျက်မှန်ကိုမတပ်တော့ဘူးလို့ဆုံးဖြတ်လိုက်ပြီး ကားထဲမှာပဲချွတ်ထားခဲ့မိသည်။
Dark နဲ့တွေ့ရမယ်လို့ဆိုမှ မျက်လုံးချင်းဆုံရင် ဘယ်လိုမှလိမ်လို့ရမှာမဟုတ်ဘူးဆိုတာကို သိလိုက်ပြီး ကားထဲသို့အပြေးပြန်သွားကာ မျက်မှန်ကိုယူတပ်လိုက်ရသည်။
အတော်ကြာသည်အထိ ဘယ်သူမှမရောက်လာခဲ့လျင် လက်နှစ်ဖက်စလုံးကို ဂျင်းဘောင်းဘီအိတ်ထဲသို့ထိုးထည့်လိုက်မိပြန်သည်။
မဟုတ်လျှင်ဆွဲပွတ်ရလွန်းလို့ လည်ပင်းသားတွေလည်း တစ်စစီ ပွန်းပဲ့ထွက်သွားနိုင်သည်။
သို့သော်ထိုပုံစံအတိုင်းကိုလည်း အကြာကြီးမနေလိုက်နိုင်။
လက်တစ်ဖက်ကိုပြန်ဆွဲထုတ်လိုက်ပြီး မတ်တပ်ထရပ်ကာဦးထုပ်၏ လျှာကိုအနည်းငယ်ငိုက်ချလိုက်မိသည်။
YOU ARE READING
Dark's Black _ Season(2) *{Completed}*
عاطفية" Dark's Black " Season-(2) Start (02.8.2021) ✍ [Darkness's own creation]💯 A novel written with my heart.👨❤️👨 I created a new imaginary life for the two of them 📚
