အခန်း(၉၃)
" ဧည့်သည်ရှိနေတာလား "
မနက်ကတည်းက ရုံးတွင်ပုံမှန်ထက်လူပိုစည်နေသော မြင်ကွင်းကြောင့် မဇူး၏လက်ထောက်ကို Black ကလှမ်းမေးလိုက်ခြင်းဖြစ်သည်။
အခြား company ကဝန်ထမ်းများကိုပါ တစ်ခန်းဝင်တစ်ခန်းထွက်မြင်ခဲ့ရသည့်အတွက်။
Black ကမဇူး ၏လက်မှတ်ထိုးရန် လိုအပ်သည့်ဖိုင်တွဲများကို ကောင်တာပေါ်သို့လှမ်းတင်လိုက်သည်။
ထိုအခါ မဇူး၏လက်ထောက် သဇင်နုက ခေါင်းကိုညိတ်ပြလာပြီး မျက်နှာကိုပါရှုံ့မဲ့သည်။
ပြီးမှ မဇူး၏အခန်းတံခါးကို လက်ညွှန်ပြ၍...
" ဟုတ်တယ်...မခေမီ ရောက်နေတာ သူ့လူတွေရောပဲ သူ့ဆီကအလုပ်တွေ ယူလာတာပဲနေမှာပေါ့...ကိုယ့်သူဌေးဆီမှာ ပညာသင်ယူနေတယ်ဆိုတဲ့ခေါင်းစဥ်နဲ့ တို့ကိုပဲလာခိုင်းစားနေတာ "
သဇင်နုပြောသည့် နောက်ဆက်တွဲစကားများကို ကြားလိုက်သေးပေမယ့် လူကတော့ထိုနေရာရပ်ဝန်းဆီကနေ နောက်ပြန်လှည့်ပြီးဖြစ်သည်။
သို့သော်...
" မောင်လေး Black...အစ်မဆီလာတာလား "
" အို...ဘယ်သူ "
" ကျစ်...! "
စိတ်ပျက်ခြင်းကြောင့် ကျစ်ခနဲစုတ်သပ်ပြီးသည်နှင့် Black ကဆံနွယ်နက်များကိုအနောက်ဘက်သို့သပ်တင်သည်။
အစ်မဇူးရဲ့အသံက နားခါးစရာအကြောင်းမရှိပေမယ့်တအံ့တသြပုံစံမျိုးထွက်ကျလာသည့် ခေမီ လေသံကြောင့် စိတ်ဆင်းရဲသွားခြင်းဖြစ်သည်။
မလိုအပ်ဘဲစကားတွေအများကြီးမပြောချင်သည်မို့ ခေမီ ဆိုသည့်နာမည်ကိုကြားလိုက်ကတည်းက ခြေလှမ်း၏ဦးတည်ရာကိုလည်းပြောင်းလိုက်ပြီးဖြစ်သည်။
အချိန်ကတော့ မမီတော့။
ခေမီ က Dark ၏လုပ်ငန်းခွင်တွင် သူလေ့လာချင်သည့် ကိစ္စရပ်တိုင်းကို အကျယ်တဝင့်သင်ယူလေ့လာနေမှန် Black အစကတည်းကသိသည်။
Black သွားခဲ့ဖူးသည့်ဌာနတိုင်းတွင်် ခေမီနာမည်ကိုမသိသူမရှိ။ခေမီနှင့်ပတ်သက်သည့် အကြောင်းအရာ ကိစ္စများကိုပြောဆိုဝေဖန်ကြသည့် စကားအနည်းအများကိုလည်း ကြားဖူးခဲ့ပြီးဖြစ်သည်။
YOU ARE READING
Dark's Black _ Season(2) *{Completed}*
Romance" Dark's Black " Season-(2) Start (02.8.2021) ✍ [Darkness's own creation]💯 A novel written with my heart.👨❤️👨 I created a new imaginary life for the two of them 📚
