GO GO Bebe 💕✔︎

🧡 6 🧡

(සය වන කොටස-🤧ජැකීගෙ ඔට්ටුව.)

එදා සිද්ධියෙන් පස්සෙ හැමෝටම වගේ කරපු වැරදි වලට හරියන්න දඩුවම් ලැබුනා...

ටේගෙ අප්පා එයාගෙ ටටාව හිර බාරයට ගත්තෙ ටේ ආපහු එයාගෙ දෙමාපියන්ට වත්,යුන්ගිට වත් කරදර නොකර පාඩුවේ ඉන්නවා කියලා පොරොන්දු කරගෙන වුනත් ගෙදර පොඩි එකාගෙ තරම දන්න නිසාම එයාගෙ ටටාව සිර භාරයේ තියාගන්න ටේගෙ අප්පා තීරණේ කළා...

ඒ වගේම ටේගෙ ඔම්මයි,අප්පයි ආයේ හොල්මන් ෆිල්ම් බැලුවෙ නෑලූ...

එතකොට යුන්ගිට වුනේ වෙනම වැඩක්.එයා එයාගෙ යාලුවොන්ට වගේම ටේගෙ දෙමාපියන්ටත් ඇත්ත නොකියපු නිසා එයාට මීට පස්සෙ ගෙදර බාතෲම් එකට හැරුණු කොට එළියට ගියත් යන්න වුනේ ටේවත් එක්කගෙනයි.අඩුමගානේ යාලුවෙක්ගෙ ගෙදරක එක රැයක් ගත කරන්නවත් ඉඩ ලැබුන්නෑ.නිදාගන්න ටික ඇරෙන්න ටේහ්‍යුන් එක්කම ඉන්න තමයි යුන්ගිට වුනේ.ඇත්තටම යුන්ගි හිතුවෙ මීට වඩා හොදයි යමරජා එක්ක එක ගෙයි කෑවත් කියලා.මිනිහට ඒ තරම් මේ ගෙවුන දවස් ටිකට ජීවිතේ අන්තෙටම කළකිරිලයි තිබ්බෙ...

එතකොට ජන්කුක්ටත් වුනේ ඊට වඩා හපන් දෙයක්.එයාගෙ යට කළිසමේ සිද්ධිය එයාගෙ ඔම්මා එයාගෙ නැන්දම්මා හෙවත් ජන්කුක්ගෙ ආච්චි අම්මා එක්ක කියවලා අන්තිමට ආච්චි අම්මා ජන්කුක්ගෙ නැන්දා,මාමා,බාප්පා,අත්තා,මුත්තා,කිරි ආතා ඔක්කොම එක්ක කියවලා තිබ්බෙ මේ කොලුවගෙ නම්බුව මුලු හත්මුතු පරම්පරාව ඉස්සරහම ලෙප්ට් කරළයි...

එතකොට අසරණ කායිට වුනේ තවත් වැඩක්.අනුන්ට වල කපන්න ගිහින් ඒ වලේ වැටුන කායිට වුනෙත් යුන්ගිට වුනා හා සමාන වැඩක්.දැන් කායි යන එන හැම තැනකම එයාගෙ ඔම්මත් එයා පස්සෙන් ගියේ හරියට මොන්ඩිසෝරි ළමයෙක්ව බලාගන්නවා වගේ.මේ නිසා පන්තියෙ මැර ලේබලේ ගහගෙන හිටපු පොරවල් තුනටම මේ ටිකේ කර කියාගන්න දෙයක් නැතුවයි හිටියෙ...

එතකොට ජිමින්ට අත් වුනෙත් හරිම ඛේදණීය ඉරණමක්.එයාගෙ දෙමාපියෝ එයා ගාව තිබ්බ හොර හොල්මන් ෆිල්ම් වලට අමතරව ජිමින් පොඩි කාලේ ඉදලා ආසාවෙන් බලපු කාර්ටූන් ෆිල්ම් ටිකත් ඔක්කොම එයාලා අයින් කරළා දැම්මෙ සතියක් යනකන් ජිමින්ට ටීවී බලන්න,ෆෝන් පාවිච්චි කරන්න තහනම් කරළා.ඒත් ජිමින් නෙමෙයි සැලුනෙ.එයාගෙ ඔම්මගෙ පරණ ෆෝන් එකක් එයා ගාව හංගලා තිබ්බ නිසා එයා ඒකෙන් මුලු කේළමම එයාගෙ හියුන්ට කෝල් එකක් දීලා කිව්වෙ කිසිම වරදක් නොකරපු සුදනා ගාණටයි...