අහේතුක චෝදනා

නික්ම ගිය නුඹට

ඉතින් සොඳුර ,
මේ අපගේ අවසාන හමුව  විය හැක...
නෙත් කොනින් හෙලන බැල්මක් පාසා
අපි නැවත අපට නොපෙනෙනු ඇත...
ලෙංගතු ප්‍රේමය ආයේ
පපු කැවුත්තට තදින් නොදැනෙනු ඇත...
හුරුපුරුදු මේ මාවත
නුපුරුදු බවක් දැනෙනු ඇත...
ඉතින් නුඹට
සමුගැනීමට අවැසිම යැයි මට
නුඹ පැවසූයෙන්,
නුඹව බලෙන් තබා ගන්නට
මා හට උවමනා නැත...
සොඳුර ,
හැකිනම් එක්දෙයක්
මතකයේ ර‍ඳවාගැනීමට 
නැවත එන්නට වුවමනා නම් නුඹට
මගේ හදකව්ළු ඔබ නමින් විවරව  ඇත ...