අහේතුක චෝදනා

සිහගිරි අප්සරාවුනි ,

සීගිරි ගලේ සිතුවම් කර නුඹෙ රූප
තනි මංසලේ විඳිඳ්දි හිඳ දුර ඈත
කැටපත් පවුරෙ ඔබ කටු ගෑ කවි ගීත
සුළගේ ගසා විසිරී යයි ළගපාත ..

ළගා වෙන්න බැරි ඈතක නුඹ පිපිලා
දෙඹරු ඉන්න පවුරු කොනේ මඟ රැදිලා
ළගට ගියේ බලා එන්න රුව දැකලා
එවිට දුටුවෙ සිහිනයක්ව නුඹ මැවිලා ..

නෙළුම් මලක් දෝත දරන් නුඹ කීවා
තවත් නෙළුම් සීගිරියේ ඇතිය කියා
හිතේ ඇදුනු එකම නෙළුම පුබුදු වලා
නටුව හැඬුව ගල් බැම්මේ සැගවීලා ...

සිංහ කටේ දත් තුඩු උඩ සැතපීලා
පන අදිද්දි හෙමින් සැරේ ළය පුපුරා
නුඹ සිටියා නිසොල්මනේ සැගවීලා
සුසුම් නැගෙයි දිය අගලෙන් මෙපිට ගලා ..