YOUR MOON _ JIN_ [Completed ]

2nd moon

Jin's pov

මන් දැනන් හිටියා එයා එනවා කියලා. මට වැඩක් නෑ එයාගෙ පැමිණීම. ඒත් මගෙ හිත එයාව බලාපොරොත්තු වුණා. අපි දෙන්නා නොගැළපුනාට මොකද මගෙ මෝඩ හිත තාම එයා ගැන හැඟීම් මරලා දාලා නෑනෙ.

අපි නොගැළපුනා ගොඩක්. මම කලාවට එයා ව්‍යාපාරවලට. මම නිවිච්ච ඉවසීම තියෙන කෙනෙක් , එයා පොඩ්ඩ ඇත්තන් ඇවිලෙන ජාතියේ ඉවසීම බින්දුවක් තිබ්බ කෙනෙක් . එයා නපුරියක් මන් අහින්සකයි.. කොහොම අපි යාලු වුනාද කියලාත් හිටෙහනව දැන් . කොටින්ම අපි කන කෑම අඳින ඇඳුම පවා සෑහෙන නොගැළපුනා. අපේ ආසාවන්... හැමදේම නොගැළපුනා.

මේලෝකෙ ගැළපෙන ජෝඩු නෑ මන් හිතන විදියට. ඒ නොගැළපීම ගළපගෙන ජීවත් වෙන තැනයි ආදරේ තියෙන්නෙ. කසාදයක් කරගන්නකම් අපි දෙන්නා ලස්සනට හිටියා. ඒත් පස්සෙ මොන හෙණයක් පාත් වුනාද මන්දා . මන් උත්සහ කලත් එයාට බැරි වුනා මන් එක්ක හොඳින් ඉන්න. වෙලාවකට කොච්චර ආදරෙන් හිටියත්, ආදරේ සීමා පන්නගෙන වෙන්න ඔනෙ හැම දේම අපි අතර වුනත් ඊළඟ තප්පරේම ඇති වෙන පොඩි රණ්ඩුවත් මහා ලොකු රණ්ඩුවලට එයාම පෙරලගනිද්දි මටත් මගෙ නිවිච්ච ගතිය ඉවසීම තව දුරටත් තියන් ඉන්න බැරි වෙද්දි අපි දෙන්නම රණ්ඩු කලා. සමහරවිට අපේ පවුලෙ අය ඉස්සරහත්.

නීත්‍යානුකූලව අපි වෙන් වෙමුයි කියලා ගත්ත තීරනේ පස්සට ගියෙ අපි දෙන්නගෙම ආදරේ බීජයක් වෙලා එයාගෙ ඇඟ ඇතුලෙ හැදෙන්න අරන් කියලා දැනගත්තට පස්සෙ.

"ජින් මන් ඔම්මා කෙනෙක් වෙන්න යන්නෙ.. "

එයා මට ඒක කිව්වෙ ඕනාවට එපාවට. මට සතුටු හිතුනද දුක හිතුනද කළකිරුනද අනේ මන්දා. අපි වෙන් වෙන්න හිටියෙ. ඒත් හදිසියේ බබෙක්..

අපි අතර තිබුන වැනෙන සම්බන්ධෙ අස්සෙ මට තිබුනා එයා එක්ක වෙන වෙන හැඟීම්වලට ඉඩ නොදී ඉන්න. වුණ දේවල් ආපස්සට ගන්න බෑ . ඒ වෙනකොට අපි දෙන්නගෙ බබා එයාගෙ කුසට ඇවිල්ලා ඉවරයි.

අපි දෙමව්පියො වෙන්න යන වග දැනගත්තම හැමෝම සුභ පැතුවට කවුරුත් දැනන් හිටියෙ නෑ අපි අතර තිබුන ප්‍රශ්න. ඔම්මා කෙනෙක් වෙන්න යන නිසාවත්.. එයා වෙනස් වෙයි ආයෙ අපිට ඉස්සරම වගේ ඉන්න පුලුවන් වෙයි කියලා මන් බොරු හීන මවාගත්තත් ඒක වුනේ නෑ...