YOUR MOON _ JIN_ [Completed ]

19th Moon

Jin's pov

හෙට අනිද්දා තියෙන අවෝඩ් සෙරමනි එකක පෆෝමන්ස් වල ප්‍රැක්ටිස් මැද්දෙ ආරෝ මුලු ස්ටාෆ් එකම ඉස්සරහා ගෙදර යන්න ඕනෙ කියලා අඬන්න ගත්තා. ඒකත් උදේම. අඩුම පැයක්වත් අපි ප්‍රැක්ටිස් කරලා තිබුනෙ නෑ.

"පොඩි එකාට විවේකයක් තියනවද, සොක්ජින් කරන්නෙ ලමයගෙන් සල්ලි හොයන එකනෙ.. පව් පොඩි කෙල්ල! "

එක එක්කෙනා කුටු කුටු ගාන ඒවා ඇහෙන්නෑ වගේ මන් හිටියා. මට ආරෝගෙ ඇඬිල්ල නවත්තන්න කරන්න තිබ්බ එකම දේ ගෙදර එක්කන් එන එක විතරයි. පියානො එක ළඟින් නැගිටල මන් නම්ජුන්  දිහා බැලුවම නම්ජුන් ඇවිත් ආරෝව වඩාගත්තා. 

"හැමෝම බලන් ඉන්නවනෙ ජින්.. ඒනිසා ගෙදර යන් . අදට ඔය ප්‍රැක්ටිස් ඇතිනෙ.. "

ආරෝ නම්ජුන්ගෙ උරහිසක් බදාගෙන ඉකි ගහනවා. මන් ඔලුව වනලා ආරෝව නම්ජුන්ගෙන් මගෙ අතට ගන්න හැදුවට ආරෝ මගෙ අතට එන්න කැමති වුනෙ නෑ. ස්ටාෆ් එකේ අය ඉස්සරහා මට ලැජ්ජ හිතුනා. ලැජ්ජාව මගෙ මූණෙන් එලියට පේන්න කලින් මන් එතනින් ආවෙ නම්ජුන්ට ආරෝව අරගෙන එන්න ඉඩ දීලා. මන් වාහනේ පිටිපස්සෙ සීට් එකට වෙලා බලන් හිටියා එයාල එනකම්.

"ආරෝ… හරිම නරකයි ඒ හැසිරුණ විදිය නම්.. "

නම්ජුන් ආරෝට තරවටු කරලා වාහනෙ මගෙ ළඟින් අරෝව වාඩි කලා. ඒත් ආරෝ බුම්මගෙන ගස්සගෙන සීට් එක උඩින් පැනල ඉස්සරහ සීට් එකේ වාඩි වුනා.

"ආරෝ අප්පාත් එක්ක තරහ වෙලාද.. "

නම්ජුන් ආරෝගෙ සීට් බෙල්ට් එක දාන ගමන් ඇහුවෙ. ආරෝ අහක බලාගත්තා.

"ජින්! "

නම්ජුන් මගෙත් එක්ක් කතා කරන්න පටන් ගත්තෙ ආරෝට නින්ද ගිහින් කියලා දෙතුන්පාරක් බලලා ශුවර් කරගෙන.

"පාර බලන් වාහනෙ එලවන්න ජුන්.. ආරෝව උස්සන් යන්නෑ කවුරුත්! "

"නිදි නේද කියලා බැලුවෙ… ජින් අපි ආරෝට ටික කාලෙකට විවේකයක් දෙන්න ඕනෙ නැද්ද "

"මන් ආරෝගෙන් සල්ලි හොයනවා කියන කතාවට ඔයත් එකඟයි එතකොට? "

"මොකා, කවුද කියන්නෙ… "