YOUR MOON _ JIN_ [Completed ]

8th moon

Seo yejin's pov

මන් හිතුවට වඩා අද දවස ගොඩක් හොඳ වුනා මට. මට ආරෝ එක්ක ගොඩක් ළං වෙන්න පුලුවන් වුනා අද. ජින් මට තර්ජනය කලත් ආරෝ ලගට එන්න එපා කියලා අන්තිමේ එයාට මගෙ උදව් ඕනෙ වුන එක ගැන මන් අමුතු සතුටක් ලැබුවා.

මන් කවදාවත් ආරෝට ඇඳුම් අන්දලා නැතුව ඇති. එයාගෙ කොන්ඩෙ ලස්සනට හදලා නැතුව ඇති . අඩුම තරමෙ මට ආරෝව වොශ් රූම් එක්කන් යන්නවත් පුලුවන් වුන එක ගැන මන් සතුටු වුනා.

ආරෝව වඩාගත්ත ගමන් ලොකු ඩ්‍රස් එක නිසා එයාගෙ බර වැඩි වෙලා කියලා දැනුනම මට ජින් එක්ක කේන්ති ආවා ලමයට ඒවගෙ අපහසු ඇඳුමක් අන්දපු එක ගැන. ඒත් ඒ ඇඳුම නිසා මට මේ අවස්තාව ලැබුනෙ. මන් ආරෝට ඇඳුම නොතෙමි එයාගෙ වැඩේ කරගන්න පුලුවන් විදියට ඇඳුම හදලා දුන්නා. ආරෝ මන් ඉස්සරහා පොඩ්ඩක්වත් ලැජ්ජ වුනේ නැත්තෙ ඇයි කියලා මට තේරෙන්නැ. සමහරවිට ජින් ආරෝට සමහර දේවල් කියලා දීලා නැද්දෝ කියලා බයක් මට ආවා. 

වොශ් රූම් එක ඇතුලෙදි ආරෝගෙයි  මගෙයි අතර වුන් සීක්‍රට් කතාබහෙන් පස්සෙ මට තේරුනා ජින් ආරෝගෙ අප්පා විතරක් වුනත් ඔම්මා කෙනෙක් විදියට මම දුවට කියලා දෙන්න ඕනෙ හැම දේමත් ආරෝට කියලා දීලා තියනවා කියලා. 

"මන් ඕවා දන්නවා.. අප්පා මට අන්කල් ජුනී එක්කවත් වොශ්‍ රූම් යන්න දෙන්නෑ. අප්පා කිව්වා , ආරෝව අයිති ආරෝට විතරයි. ආරෝ කැමති නැති විදියට කවුරුත් ආරෝව ඇල්ලුවොත් එපා කියන්න. කවුරුහරි ආරෝගෙ මෙතන , මෙතන ඇල්ලුවොත් එපා කියන්න."

එයා පපුවටයි කකුල් දෙඅ මැද්දටයි අත තියාගෙන පෙන්න පෙන්න කිව්වා. ජින් එයාට හැමදේම කට පාඩම් කරවලද මන්දා. ආරෝ ඊලගට ලොකු හුස්මක් අරන් ආයෙත් ගිරවෙක්වගේ කියවන්න ගත්තා.

"තව..ආරෝට රිදෙන, ආරෝ අකමැති මොනවම හරි වුනොත් ඒක අප්පාට අනිවාරෙන්ම කියන්න.. තව-  "

"හ්ම්.. අප්පා කියලා දුන්න විදියට ඉන්නකො එහෙනම් හොඳ දූ වගේ."

"මට බෑ.. අප්පා ආරෝට ඕනෙ විදියට ඉන්න දෙන්නෙම නෑ. ආරෝ අප්පා එක්ක තරහයි."

"අප්පා ඔයාගෙ හොඳටයි එහෙම කරනවා ඇත්තේ.. "

මට බැරි වුනාට ආරොට හොඳ ඔම්මා කෙනෙක් වෙන්න ජින් එයාට හොඳ අප්පා කෙනෙක් වෙලා තිබ්බා. ඒත් ආරෝ පණ්ඩිතයි, ආරෝ කියන දේ අහන්නෙම නැති දඟ ලමයෙක්. ජින්ට එයාව බලාගන්න එක ලේසි වැඩක් නෙවේ වෙන්න ඇති කියලා මන් තේරුම් ගත්තා ඒ විනාඩි කීපයට.