.
.
.
الكاتبه والمبدعه / أديم الراشد.
.
_______________________.
وفي بيت عقاب
اللي دخل بغضب وهو يرمي عهد فيه وسحب حزام بدلته اللي لقاه معلق قدامه ورجع وكان مليان قهر وصبه كله على عهد اللي ماناصرت الحق ابد ولا نصحت وجد وكانت تمدها في طغيانها لين وصلت لهالمرحله والاكثر انها تحرضها بزود تكمل الكذبه على عقاب وتكمل ظلم وعد .
كان يضربها بكل حيله يبي يعيد تربيتها لانها اخته وفي وجهه مهما تصرفت لكن وجد ينتهي امرها بطلاق
كانت عهد تصرخ وهي تحلف : والله ما اعيدها والله
نزل عقاب وهو يصرخ: ياما علمتك وقلت لك امسكي لسانك تأدبيبي فكيني شرك لكن ماتطيعين لكن والله والله والله يا عهد لمشيك على العجين ماتلخبطينه
دفها للغرفه وهو يقفل عليها
ورمى كل شي بيده وجلس تعبان مصدوم ومهدود حيله حط يده على راسها منهك من هالهموم اللي ماتركته من يوم هو صغير وتعب من المسؤوليات وتعب من الفقد في كل مره
_______________________.
ومن بكره
الكل وصلهم الخبر وجاء ماجد وسحر وجت هيا لهم واماني بعد جت والكل ينتظرون طلعت وجد عشان يتحمدون لها بالسلامه لكن جاء عقاب لحاله وجاء في حال غريب وتعبان
وقفوا الرجال مستغربين وركض عزوز: عقاب انت بخير
عقاب : بخير بخير
ام ناصر: وين وجد ياعقاب ليه ما طلعوها
عقاب بغضب مكتوم: طلعوها لكن راحت مع اهلها
ام ناصر:واخزياه ليتها جت يومين نسلم عليها ونراعيها
عقاب: مايحتاج وجد راحت بخيرها وشرها
ابو ناصر: وش ذا الحكي!؟ عقاب : طلقتها
اختلفت الردود مستغربين والكل يناظر الثاني
وقال ابو خلف: طلقتها عشان ولدها مات!!؟ عقاب : لا يا عمي طلقتها لسبب يخصني ولا ابي احد يناقشني بالموضوع وانا جاي هنا ابي وعد بموضوع
الكل مصدوم وساكت لكن تقدم خلف لعقاب وهو يناظره وهمس : تدري ان شوفتك لوعد مستحيله بعد لللي صار
ناظره عقاب بنظره خجله وحزينه: تكفى ياخلف لا تزيد النار حطب اللي فيني مكفيني وانا اخوك ما ابيك تجي مع الدنيا علي
سكت خلف بندم وتقدم وهو ياخذ عقاب برا : وش صار وش فيك!
عقاب : وش اللي بيصير اكثر من كذا!! ولدي وراح وزوجتي وطلعت كذابه وطلقتها وبنت عمي ظلمتها في الوقت اللي لازم اصدقها فيه
خلف : قلت لك ياعقاب وعد ما تأذي احد
عقاب : عرفت وفهمت وانا جاي اكلمها وهذا اخر كلام بيني وبينها
سكت خلف وصد : زين زين
راح للبيت ينادي وعد وياخذ طريق وطلعت وعد وهي ماتدري وش صاير
دخلت المجلس وهي تنتظر دخول عقاب اللي دخل بهدوء على غير عادته ورد السلام بتحفظ وهو مايناظرها وهاذي اول مره
وقفت وعد بهدوء وقالت: الله يعوضك خير في ولدك
عقاب : جزاك الله خير
وسكتت وعد وهي مالها نيه تبرر اكثر لكن راحمه عقاب وانصدمت اول ما تقدم ووقف قدامها وقال: بقولك للمره الثانيه انا اسف واذا ودك بقولها للمره المليون ادري اني ظلمتك كثيييير وادري اني ما سويت فيك خير وانتي بعد ماقصرتي فيني كل واحد منا سوى اللي بيسويه فالثاني ادري ان كل شي سويناه غلط لكن اكتشفت فالنهايه اني ما اضر الا نفسي واكتشفت اني ازيدك قوه وايقنت بعد ان كل البنات لازك يكونون بقوتك وانا من اليوم لين اخر يوم في عمري وانا اسف
كانت وعد مصدمه بس لقتها فرصه وقالت وهي تكابر على دموعها وقالت : لا يا عقاب انا ما سويت فيك شي الا عناد تافهه وبسيط لكنك تدري وش سويت فيني !!انت اللي جبت لي مبارك في طريقي انت اللي عيشتني الايام السوداء مع مبارك نكدت علي حياتي بتحريضك ما كأني بنت عمك وقطعه من دمك وفوق ذا تسببت بموت مبارك
فز عقاب وقال : لا يا وعد لا والله اللي خلق الخلق مالي في موت مبارك يد ابد ويعلم الله اني دورته من بين كل العسكر لين اخذت جثته وماخليته يموت مجهول محد يدري به والله ماني خسيس لهدرجه عشان أيتم طفل صح كنت حاقد عليك لكن كله عشانك في كل مره تواجهين كبريائي وتكسرينه كنت مستعد اسوي اي شي لكن ما توصل اني ارملك ابد ويعلم الله ان مبارك كان عزيز وغالي ويعلم الله اني ما اعد خليفه الا ولدي ولو في قلبي شي على مبارك كان ما احتويت ولده ولا تقدرين تنكرين حب خليفه بقلبي
صد وعد وهي تمسح دموعها وهي بدت تفهم هالسبب من اول ماشافت حنان عقاب على خليفه ولفت وهي تقول : والحين ياعقاب وش تبي !! عقاب : اللي حصل اني عرفت الحقيقه وعرفت ان وجد ظلمتك لكن وجد طلقتها وانتهى امرها لكن مثل ما سوينا كل هاللي سويناه ومحد درا وعشنا قصتنا كامله ومحد يدري بها ابي نسكر هالموضوع بينا واذا ودك نبدأ من جديد اذا ودك تحطين يدك بيدي ونعيش من جديد نعيش بعيد عن المشاكل ونعوض كل شي انكسر
انا مستعد ولك مني اللي تبين
عمرها ماتوقعت هالعرض من عقاب وصدت وهي تقول : تتوقع اني ارجع بعد كل شي سويته !؟ عقاب : قلت نطوي الصفحه وننسى كل شي صار
صد وعد بضيق : مقدر ياعقاب مقدر كاابرت على نفسي كثير كثييير وألين هنا وبس
نزل راسه عقاب بحزن وصد وطلع وقبل يطلع التفت بحرج: ابي اشوف خليفه قبل اروح واسلم عليه
طلعت وعد وارسلت له خليفه مع خلف اللي وقف وهو يعطيه خليفه واخذه عقاب وهو يحضنه بكل حيله اخذ نفس وهو يسلم عليه وعطاه خلف وطلع بسرعه
ورجع خلف لوعد وهو يعطيها خليفه وصدت بسرعه تمسح دموعها وقال : وش صار!؟ وعد : انتهى كل شي ياخلف
حاولت تسيطر على دموعها لكن بكت بتعب لانها في هالسنتين شافت شي ماعمرها شافته ولا فكرت بتشوفه .
تقدم خلف يحضنها وهو يمسح على كتفها: الله يعوضك خير ويكون في عونك
تركها بعد فتره وطلع وهو ماوده يكلم احد بالموضوع لين يتكلم عقاب
_______________________.
عند عقاب
بعد ماسمع رفض وعد طلع وهو يعتبره فصل من فصول حياته وانتهى وقف في حوش جده والتفت : عزوز وشهد اجهزوا بتطلعون معي لبيتي
ابو ناصر: وشوو وين بتاخذهم
ام ناصر: اصلا وين عهد
عقاب : عهد في بيتي واخواني لازم يكونون معي
ام ناصر: وش قصرنا عليهم فيه
عقاب : ماقصرتوا ياجده سويتوا اللي عليكم وزياده لكن لازم يروحون معي
ابو ناصر: معصي والله مايطلعون من بيتٍ ضمهم طول هالسنين
ابو خلف : وشلون تاخذهم من بيت جدهم ياعقاب !!! عزوز: عقاب مانبي نطلع من هنا ولا نضايقك انت ووعد
عقاب : البيت فاضي مافيه احد وانتم بتسكنونه
ابو ناصر: شلون يعني فاضي
عقاب بهدوء: يعني وجد طلقتها لكن وعد ماتبي ترجع معي وتبي الطلاق وكذا انتهى كل شي
ابو خلف : وشوووووو !؟ فيصل: نعم نعم
خلف : يبه هالقرار اتخذوه وتكلموا فيه ومافيه نصيب
ماجد : اعوذ بالله
ابو ناصر: تعوذ من ابليس ياعقاب وش بلاك بتطلق حريمك كلهم وش جاك
قال عقاب بهدوء: قلت لك ياجدي وجد راحت ولا احد يناقشني فيها ووعد مقدر اغصبها على شي ماتبيه وانتهى
التفت لعزوز: يلا اجهزوا احتريكم برا
وطلع وتركهم والكل مستغرب والتفت ماجد لخلف : وش فيك ياخلف المفروض تكون محضر خييير وش جاك
خلف : محضر خير ايييه لكن تدرون انه عقاب ووعد مايقدرون يعيشون مع بعض ولا ابي اتعبهم اكثر
الكل سكت مايدرون وش يسوون واخذ عقاب اخوانه وراح لبيته
ونزلت سحر لماجد بضيق: تكفى ياماجد ودني بيت عقاب بشوف اخواني وش صاير فيهم
ماجد : اذكري الله ان شاء لله مافيه شي
سحر: ماهقيت دام عقاب سوى هاللي سواه
سكت ماجد مايدري وش يقول واخذها لبيت عقاب
_______________________.
وفي بيت ضاري
رجعت وهي مذهوله من اللي صار لفت على ثقل ضاري اللي جلس بجنبها: مضاوي وش فيك تهوجسين
لفت مضاوي عليه وهي تمسك يده بتوتر: خايفه
ضاري : افا بسم لله عليك ليش خايفه سمي بالله وان شاء للله ربي بيسهلك ولادتك وبتقومين بالسلامه
مضاوي : لايا ضاري ماهو هذا خوفي
ضاري : اجل وشو
مضاوي: تدري ان عقاب طلق وجد
قطب ضاري باستغراب :وشووو ليش وش السبب !
مضاوي: مدري لكن بيطلق وعد بعد
ضااري : نععععم انهبل ذا
مضاوي : لا ما انهبل انا متأكده فيه شي صاير مستحيل يكون عقاب متصرف من راسه .
ضاري : مثل وش يعني
مضاوي: عقاب يحب وعد وهو بعد يقول ان هي تبي الطلاق لكن هو اللي طلق وجد من نفسه ولا يبيها عشان كذا احس فيه مصيبه
ضاري : والله انها غريبه لكن دامهم ما قالوا شي معناته مايبون احد يدري
مضاوي: لا ياضاري لو تشوف عقاب يضيق صدرك عليه عشان كذا انا خايفه فيه شي كاسر ظهره بس مدري وشهو ومو قادر يتكلم ابد
ضاري : معقوله!!
مضاوي :ايه
ضاري : اسمعي انتي نامي وانا بروح وبجي طيب
مضاوي: وين ؟!
ضاري : قريب
اخذ اغراضه وطلع مسرع متجهه لبيت عقاب
_______________________.
وفي بيت ابو خلف
اللي رجع وهو ينادي : وعد وعد وينها وعد
ام وعد : بسم لله وش فيك
خلف : يبه الله يخليك لا تضغط عليها
فيصل: وعد ما سوت هالسوات الا مسوي شي
ام خلف: بسم لله وش صاير
طلع ابو خلف وطلعوا العيال معه وام خلف وام وعد
وفتح الباب وكانت وعد جالسه بهدوء : وعد
رفعت راسها: نعم يبه
ابو خلف : وش هاللي صاير ! ليه تبين الطلاق من عقاب!؟ شهقت ام وعد وقالت وعد بهدوء: ماقدرت اعيش معه الحياه مع عقاب مستحيله
ابو خلف : وشوله وافقتي عليه من الاول دامك بتطلقين
وعد : لاني حاولت اني اعطي نفسي فرصه لكن تقفلت كل الابواب بوجهي يبه مقدر مقدر
جلست وهي تبكي والكل مستغرب بكاها لكن عرفوا انها في مرحله من التعب ماتقدر عليها
اتجهه لها فيصل يحضنها: ابد لا تبكين ياوعد اللي تبينه بيصير وانا اخوك تعوذي من ابليس
سكت ابوخلف وتجمعوا الكل حولها يهدونها لين هدت وطلعوا وتركوها ترتاح
نزل خلف وهو يحس بخنقه وفزت له ليلى: خلف بسم لله عليك شنو فيك
خلف : مافيني شي عطيني دواي بس
بسرعه جابته وهي تعطيه وجلس بتعب في غرفة امه كان متوتر من وضع وعد وعقاب مايدري يأيدهم او يساعدهم
ليلى : بسم لله عليك ! شنو صاير فهمني لاتخوفني عليك
خلف بهدوء: وعد بتطلق من عقاب
شهقت ليلى : ليش شنو صااير
خلف بهدوء : قصه طويله اقولها لك بعديك لكن خليك معهم تكفين وانتبهي لنفسك
ليلى: من عيوني لا توصي وانت ريح شوي
خلف : زين
انسدح بتعب من تأثير الدواء وجلست ليلى عنده تمسح على صدره وتقرا عليه لين غفى وطلع للبنات
وقفت بجنب اماني اللي قالت: ليلى ماقالك خلف شي
ليلى: لا بس قال وعد بتطلق وبس
ندى: لا اله الا الله
حنان: ياحبيبتي ياوعد ما ارتاحت ابد
وجدان: كنت ادري ان عقاب نحيس ما احد يتحمله حتى اخذ شهد معه للبيت
حنان: لا حول ولا قوة الا بالله بس
ليلى: الله يهدي سرهم بعد شنقول
اماني : يلا انا بروح جابر ينتظرني
ليلى: سلمي لي عليه واجد
اماني : ابشري .
طلعت مع جابر وهي تقوله اللي صار وجابر مستغرب هالحدث
_______________________.
وفي بيت عقاب
وصلت سحر ورجع ماجد بيت ابو خلف ودخلت وهي تشوف عقاب جالس متكتف وقدامه عهد اللي واضح عليها الضرب
شهقت وهي تركض لها لكن وقفها عقاب : ارجعي ياسحر
سحر: شلون ارجع ما تشوف حالتها
عقاب :هي اللي وصلت نفسها لحال وبتربى من جديد
عزوز بغضب: وش سوت وش سوت بعد
شهد كانت خايفه وهي واقفه بجنب سحر بخوف وعهد تبكي
عقاب : غردي قولي لهم وش مسويه انتي هاللي ما تستحي معك
نزلت راسها عهد تبكي وقال عقاب بصراخ: ابد حبيبة قلبها وجد اللي كانت ماتفوت فرصه عشان تشيشني على وعد قررت في يوم انها تخرب البيت عشان وعد تكرف من جديد مثل الخدامه لها وكبت المويه وهي طيحت نفسها وذبحت ولدي وبكل برود رمتها على وعد وظلمتها وطبعا انا ماقصرت في وعد والاخت المصون عهد كانت تقولها ما تقول لي اللي صار وتكمل في ظلم وعد وتتطلق وعد ويتشمتون فيها وفوق هذا ماخلت شي ماسوته عشان تشعل فتيلة الحرب بيني وبين وعد والمقبس وجد اللي تشحنها بأفكارها السامه
عزوز بغضب: والله اني داري انك ماوراك خير
سحر: ليش ليشششش ياعهد ليش
ماكانت عهد ترد وتبكي عقاب : تبكين لا باقي اذا ماربيتك ما اكون عقاب والله والله لربيك
اخذها وهو يرميها في وحده من الغرف من جديد والتفت لسحر وشهد: لموا اغراض وجد وحطوها على طرف عشان نرسلها لها
سحر: طيب لكن تكفى ياعقاب لا يضيق صدرك تكفى
عقاب هز راسه بهدوء وقال: هالموضوع بينا لا يطلع
طلع وتركهم وراه لكن شاف في وجهه ضاري
عقاب : ضاري وش تبي هنا!؟؟ تقدم عقاب بهدوء وهو يخبط على كتف عقاب :جيت ابيك
عقاب : اذا بتهاوش مالي خلق
ضاري : لا لا ماجيت ادور هواش جيت ابي اتطمن على صاحبي
ناظره عقاب باستغراب وقال : جاي تستهزئ وتشمت
ضاري : افا ياعقاب انا اتشمت فيك لا والله ما قاله الله صح ان بينا هواش لكن هذا مزح اصحاب ومهما كان انت صاحبي وغالي علي ولا ارضى بضيقك وتبي ولا ما تبي انا اخوك وصديقك وسندك سواءً رضيت او مارضيت بوقف جنبك اشيل حزنك وضيقك ولا تطيح وينحني ظهرك وانا معك
انشرح صدر عقاب وطار نص همه كان محتاج هالكلام وابتسم وهو يتجهه له وحضنه : والله انك ياضاري اخو وصديق وعزيز والله انك ما تقصر
ضحك ضاري وقال بمزح: ماشاء الله وش هالحضن الزين ، عشان كذا محرمنا منه
دفه عقاب بضحك ضايق : والله ماهو وقتك
ضاري : علمني طيب وش فيك
التفت له عقاب وهو يعلمه باللي صار اخر فتره ماذكر قصته مع وعد كامله .
ولفوا على صوت نادر اللي جاء ورجع عقاب يعلمهم السالفه وهم متكتفين
نادر: احسن انك طلقت وجد هاللي ماتخاف الله
عقاب : راحت بخيرها وشرها
صدمهم ضاري اللي قال:دامك تحب وعد وتبيها وشهوله تطاوعها بالطلاق ليه ما تحاول مره واثنين وثلاث ومليون ولا تخسرها ولا تخسر خليفه اللي تحبه
عقاب بإنكار: انا ما احبها
نادر: اقول اسكت ترا واضح واترك هالمكابر ياعقاب
عقاب : اقولكم ما احبها لكن بيصعب علي الفراق عن خليفه
ضاري : مُصر يصير حمار
عقاب : وبعدين
نادر: لا لا تدري اجلس مع نفسك وفكر وبتشوف إنا صادقين
عقاب: فكونا بس
ضاري: دام هذا كلامك اجل قوموا بنتقهوى فالبيت وانت عقاب مضاوي تبيك تبي تتطمن عليك
عقاب : عز للله اني في حاجة مضاوي والقهوه
نادر: انا مقدر بروح عندي شغل
ضاري: وييين!! نادر: اغراض ضروريه بجيبها للبيت بس قلت اتطمن
ضاري: زييين
راح نادر وطلعوا ضاري وعقاب لاول مره مع بعض بدون هواش وصراخ
لكن اول ما وصلوا عند بيت ضاري وقف ضاري وانقلب وجهه وقال يغضب: هذا وش جايبه
عقاب : منهو!؟
ضاري بضيق: واحد يقول انه جدي ابو ابوي ورماني عند المسجد والحين بيرجعني
عقاب : ايششش !؟ ضاري : اقولك بعدين خلني اشوف وش يبي
اتجهه بغضب: نعم نعم
صالح: ضاري اسمعني
ضاري : قلت لك مابيني وبينكم شي
صالح اللي كان في انهيار قال: تكفى يا ضاري ابوك بين الحياه والموت تكفى لا تحرمه من شوفتك تكفى لو دقايق
ضاري: اقولك مابيني وبينكم شي تفهم ولا لا
عقاب : تسمع الكلام ولا لا
صالح: افهم لكن تكفى اسمع اسمع وكلمه بس وبعدها قرر
مد الجوال لضاري اللي اخذه بغضب في نيته يهاوش لكن سمع صوت باكي ويرتعش وهو يقول : تكفى ياولدي تكفى تعال بشوفك تكفى فرحني فيك لا تظلمني فوق ظلم الدنيا لا تعقابني بذنب غيري تكفى لو خمس دقايق
التفت ضاري بقوه لعقاب وجهه اسود وصد عقاب بضيق
وقال صالح: تكفى خمس دقايق بس تكفى
عقاب اللي كان في قلبه ضعف من الفقد وقال بهمس : ضاري خلنا نروح ونشوف وش يصير
ضاري: لا يا عقاب لا هالخمس دقايق ضيعت حياتي قبل٢٩ سنه
عقاب : مارح نخسر شي نشووف وش نهايتها
رضخ ضاري بعد كلام عقاب وقرر يروح وراحوا مايدرون وش ينتظرهم
_______________________.
وفي احد المستشفيات الكبيره
وفي غرفة كبيييره فيها شايب متهالك فيها عيسى هالشايب اللي انتهت سبل الحياه عنده بعد فقد زوجته وولده وبعد ظلم ابوه وصار طريح فراش واخر مناه يلتقي بولده او زوجته كان يبكي من الساعه اللي قال له ابوه انه لقى ولده وبيجيبه كان يرجف من المشاعر والمرض
التفت على صوت الباب وكان ابوه لكن وراه رجالين ملامحهم جامده لكن فز قلبه لرجال اللي واقف بطول فارع ووعرض اكتاف ملحوظ عيون حاده وهو عاصب شماغه بقوه هالشخص اللي يشبهه في كل شي يشبهه حتى في وقفته ايه هذا ولده اللي نسخه من شباب ابوه كان ضاري اللي يناظر الشايب بذهول وصمت
لكن لفو على صوت الشايب اللي يقول : عيسى لا تقوم
لكن عيسى اللي يرتجف ابعد عنه اللحاف ووقف بصعوبه كان يمشي بصعوبه بالغه وهو متجهه لضاري اللي ما توقع انه يعرفه خصوصاً انه مع عقاب والمفروض مايعرفه لكن اتجهه له ومسك ذراعه برجفه وهو يقول : ولدي ايييه اييه انت ولدي ايه انت سعود
ارتمى عليه يحضنه وضاري متجبس ومتكتف عجز يسوي شي كان يحس برجفة الشايب وخايف لكن نبهه عقاب اللي يمسح على كتفه
كان عيسى يرتجف ومسكه ضاري بخوف انه يطيح لكن انهار عيسى وهو يحضنه ويبكييي كان ينوووووح ينووووح بشكل مرعب كان يحضن ضاري وهو يردد: ياما دعيت ان الله يردك لي ياما تعبت من فراقك ياما قلت يارب خلني لين اشوفه واخذ عمري حمدلله شفتك ياسعود الحمدلله اللي جبر قلبي بشوفك الحمدلله
(كان اسم ضاري سعود لكن ام ضاري سمته ضاري )
كان ضاري مرعوب وهو يحس قلبه يدق ويوجعه من بكى هالشايب يحس في قلبه شي غريب مايدري وشهو كل ما بكى هالشايب كان يخاف ضاري
وجلس عشان يجلس عيسى اللي يحسه بيطيح وجلس عيسى على ركبه وهو كل شوي يحضن ضاري يناظر وجهه ويبكي
وعقاب اللي خنقته العبره وصد اما ضاري يحس انه في بحر مرعب بيخنقه ويموت
واخيراً قال: وش دراك اني ولدك يمكن غلطان
ضحك عيسى من بين دموعه وفز وهو يرتجف ومشى للمخده رفعها وهو يطلع صوره وضمها لصدره ورجع لضاري اللي للحين جالس مد له الصوره برجفه وجلس قدامه بدموعه وهو يأشر : هذا انا شوف شوف وشلون تشبهني شف كيف انك مثلي
كان ضاري مفجوع من الشبهه الكبير بينهم وقرب عقاب وانفجع من الشبهه لكن قال عيسى وهو ياخذ يد ضاري وحطها على صدره اللي ضلوعه بارزه وهو يقول : اذا تبي اثبات اكبر هذا هو قلبي لللي بيطلع من صدري وهو من سنين ما دق بهالشكل ابداً مادق الا بشوفتك ياسعود
غمض ضاري وهي قلبه يدق له بنفس الشعور
ماكان يدري وش يقول لكن عيسى كان يعتذر منه وألجم ضاري
وتقدم صالح: عيسى تعال اجلس على سريرك لا تتعب .
صرخ عيسى بدموع: مابييييي مابييي شي لا تسرق من هاللحظه بعد لا تسرق حياتي مره ثانيه خلني افرح بولدي اللي اخذته مني خلني اشبع منه قبل اموت
التفت لضاري وهو يمسك يده وقال ببكى: سعود تكفى لا تخليني يا سعود لا لا ضاري اللي تبي سعود ولا ضاري لكن تكفى لا تخليني يا ولدي لا تتركني تكفى انا مالي حياة الا فيك تكفى يا ولدي تكفى لا تظلمني بذنب غيري لا توجعني وتقسى علي مع هالدنيا كفايه علي فقد امك مابي افقدك بعد ما لقيتك
بدا يتنفس بسرعه وهو يترجى ضاري اللي يناظر عقاب
لكن جاء صالح يركض : عيسى عيسى
وصرخ في عقاب: ناد الممرضييين بسرعه
طاح عيسى وركض عقاب مفجوع وفز ضاري يرفعه لسرير مع صالح ودخلوا الممرضين وهم يطلعونهم برا ووقف ضاري مرعوب لكن الصوره في يده للحين ويناظرها ويناظر الباب خايف ومتوتر وصالح يدور وهو يدعي اما عقاب كان يحاول يهدي ضاري
_______________________.
وفي بيت عقاب
بعد ما نظفوا سحر وشهد كل اغراض شهد وحطوها على جنب جلسوا بحيره وعزوز واقف ومتكتف بضيق
شهد: وش السوات وش بنسوي الحين
عزوز: وش بنسوي يعني صار اللي صار وسواتهم ماينسكت عليها
سحر: الله يهديهم وش لهم بهالشر
عزوز بغضب: كنت حاس ان هالثنتين مايجيبون خير
شهد:ماهمتني وجد ولا ابيها لكن مابي عقاب يطلق وعد والله هي اكثر وحده تناسبه وهو متعلق بخليفه
عزوز: عقاب ووعد كلهم قويين ومايقدرون يكملون مع بعض
سحر: اااه ياربي تكون في عونا بس وش نتحمل عشان نتحمل
سكتوا على دق الباب وكان ماجد وطلعت له سحر وهي توصي اخوانها على انفسهم
ماجد : سحر ياقلبي وش فيك وش مضايقك!؟ صار شي!؟ ماكانت سحر قادره تقول المشكله لماجد لكن قالت: متضايقه من حال عقاب
ماجد : ماعليك لا تشيلين همه عقاب رجال وعقله في راسه ويعرف كيف يتصرف
سحر: يارب انك تهديه لطريق الصواب
ماجد : امين
تحركوا متجهين لدمام وتركوا الخفجي بحوسة مشاكله
_______________________.
وفي المستشفى من جديد
للحين ينتظرون وللحين ضاري خايف لين طله لهم الدكتور وهو يكلم صالح وجاء عقاب مع صالح لكن ضاري ما تحرك وبعد شوي جاء عقاب وجلس جنب ضاري وهو يقول : حمدلله ماصار له شي بس يقولون هاذي طبيعة مرضه
همس ضاري بضعف: وش مرضه !؟ عقاب :عضلة قلبه ضعيفه وعنده انسداد قوي فالشرايين وحتى رئته متضرره
صد ضاري يحاول يثبت ووقف وهو يقول : خلنا نروح ياعقاب تكفى
عقاب : وتخليه
ضاري : اكيد نايم وغير كذا امي وراي ومضاوي بعد مقدر اخليهم .
عقاب : اجل يلا حتى انا خواني وراي
راحوا حتى ماودعوا صالح وهم يفكرون باللي شافواو وراح عقاب بيته وارتمى بتعب ونامز
اما ضاري دخل وشاف مضاوي جالسه مع امه وهم متوترين
وفزوا:ضاري وينك فيه خوفتنا عليك
ضاري اللي يحاول يكون طبيعي قال:ليه خايفين كان عندي شغل
ام ضاري : وين هالشغل اللي ماندري وينك فيه
ضاري : كنت مع عقاب يا يمه
مضاوي : وكيف عقاب
ضاري : بخير بخير
ام ضاري: زين اجل دامك جيت ادخل ونام تأخر الوقت
ضاري : زين زين
ودخلت ام ضاري وراح ضاري للغرفه يبدل وهو مايحس بنفسه ورجع يجلس وهو في دوامه مفجعه
مضاوي : ضاري بسم لله وش فيك لونك مخطوف عقاب فيه شي
هز راسه ضاري بهدوء ( لا)
مضاوي : اجل وش صاير
طلع ضاري الصوره بهدوء وهو يعطيها مضاوي اللي اخذتها وهي تناظر وقالت : متى تصورت!؟؟ومن هاللي معك
صد ضاري بعيون مغورقه: هذا ماهو انا هذا ابوي ومعه امي
شهقت مضاوي : وشو؟! ضاري: ايه اليوم ... كمل لها كل اللي صار ومضاوي مفجوعه تناظره بصدمه لكن كسر خاطرها ضاري اللي يحاول يكافح دموعه وهو يوصف لها شعوره المرعب : مدري ليش قلبي يرتجف يامضاوي مدري ليش خفت احس اني في حلم وبصحى منه بخيبه اخاف اصدقه ويطلع كل شي كذب وتصير غلطه وتدمر حياتي خايف يا مضاوي خايف مدري وش اسوي
قربت مضاوي بخوف تحضنه وهي تمسح على ظهره: اذكر الله ياضاري وتعوذ من ابليس وهذا هو قدامك الدليل شوف شكثر تشبهه له ناظر وبتشوف اصلا اسمع دقات قلبك وانت تسولف عنه .. ماهقيت انه غلط ياضاري
رفع راسه ضاري بخوف : وش اسوي طيب وين اروح !؟
مضاوي : دامه مظلوم وماله ذنب اجل لا تعاقبه بذنب غيره وهو كبير ومريض سامحه واعتني فيه اخر عمره وفرحه فيك واخذ حقك من اللي ظلمك وظلمه
ضاري : وامي يامضاوي وانتي وولدي
مضاوي : ياضاري ياحبيبي انت ما رح تخلينا بالعكس جب ابوك هنا معنا وعيش معنا تحت عين امك وانا معك وحتى ولدنا معك
ضاري : يعني اسامح
مضاوي: مادام ماله ذنب حرام لا تعذبه اكثر
رجع ضاري يحضنها بخوف مايدري وش يسوي اول مره يحس انه خايف ومتشتت
_______________________.
وخلال هاليومين
صار ضاري يكابر على روحه ويروح لابوه اللي كل دقيقه يتصل فيه ويطلبه مايخليه
وطبعاً راح ضاري وسامحه بعد ما اخذ اراء كل اللي حوله
وكان ضاري يعيش شعور غريب لكنه حلو كان ينبسط اذا ابوه بدا يسولف عن ذكرياته مع امه وانه مايدري عنها سنين لكن فجأه وصله خبر موتها وهذا اللي هد حيله ورفض ضاري وجود صالح رفض قطعي ولا يقابله في اي مكان او زمان
اما عيسى كان في فرحة الله عليم فيها وهو كل دقيقه يسجد شكر لربي
اما مضاوي كانت تدعم ضاري بكل حب رغم مشاعره
المضطربه الا انها معه لحظه بلحظه
اما ام ضاري اللي كان خوفها من فقد ضاري مستمر وهي تشوف ضاري نص يومه يروح فالمستشفى عند ابوه لكن يرجع مشتاق لها ويجلس معها ويراضيها
*** وعند عقاب اللي يحاول ينسى كل شي ويرجع من جديد يعيش ورغم محاولات جدته ام حامد انه يرجع وجد لكنه رفض وكان متفرغ لتربية عهد وحرصه على اخوانه وبين فترات حنينه لخليفه
وعند وعد اللي اللي ماتدري وش قلب حالها وليه هي حزينه كانت تخاف تصدق فكره في راسها مرعبه بالنسبه لها وكانت تبذل المستحيل عشان مايأثر غياب عقاب على خليفه
**** اما ليلى وخلف
كانوا الوحيدين اللي يعيشون ربيع حبهم ومشاعرهم الحلوه مع طفلهم المنتظر
رغم ان خلف مشغول باله بوعد وعقاب وضاري وابوه لكن مستحييل ينسى ليلى او يهملها *****
وجابر واماني اللي بدوا مرحله العلاج بدون علم احد وكل يوم جابر يدعي ان الله يفرحهم بطفل
وكل يوم واماني تثبت له ان حياتها معه تسوى الدنيا ومافيها حتى لو ماجابوا عيال
*******
اما ماجد وسحر
كانوا مشغولين بكفاحهم واصرارهم على النجاح والعلا كانت سحر مجتهده في كل شي وماجد مايقصر معها ابد **** اما نادر وشوق
كانوا غرقانين في بحر عيالهم التوأم اللي اكلوا الجو على الكل واللي كانوا درع قوي لشوق من هجوم اهلها واهل نادر
كانوا في رضا وبحب وسلام ويدعون انه مايغيب
********
واخيراً محمد اللي جاء واول ماعرف بسالفة وعد وعقاب تضايق وضاق صدره لكن فالنهايه كان مأيد قرارهم ويشوف حياتهم مع بعض مستحيله
_______________________.
وفي الليل في بيت ابو خلف
اللي كان هدوء وقف خلف بعد العشاء وهو يقول : يلا يبه انا برجع لبيتي
ام خلف : تكفى ياخلف انتبه لنفسك ولا تفكر
خلف : لا توصين حريص يمه
ابو خلف : ناموا عندنا وش وراكم ..؟
خلف : لا والله ما ودنا نضايقكم والبيت قريب
ابو خلف : اقول نام هنا بس
ام خلف : ايه ياخلف
فيصل: اجلس عشان تكون قريب من وعد هي تسمع كلامك وتطيعك
ام وعد : ايه ياخلف وتخليها تاكل وتطلع من هالغرفه
خلف : دام كذا اجلس زين
وجدان: اللــــه اشتقنا والله انك تنام عندنا
ضحكت ندى: ابشركم بعض الناس بيسنتر عنده
لفوا كلهم لغيث اللي ابتسم بحرج وقربه خلف لحضنه وهو يحضنه وسالم بجنب خلف بعد
فيصل: ايه بيسحبون اليوم علي
وجدان: مالومهم على اللي تسويه فيهم
ابو خلف : لا لا محد ينام عند احد خلف وليلى ينامون بغرفة العيال والعيال ينامون بالمجلس
خلف : بننام بالمجلس عادي
ابو خلف: لا تكثرون كلام ويلا
تفرقوا كلهم وراحوا العيال ينامون لكن فزت وجدان وهي تمسك خلف: طالبينك ياخليف تسهر معنا انت وليلى توه الليل بأوله
خلف : هاه يا ليلى
ليلى ببتسامه: تم ماكو مشكله
وجدان: يالبييه ياشيخه
حنان: اجل دام كذا بروح اسوي لنا شي نسهر عليه
ندى:كفو
خلف : انا بشوف وعد
راح لوعد ودق الباب ودخل واعتدلت وعد : هلا خلف انت هنا للحين
خلف : ايه وبنام هنا وبنسهر بعد ونبيك معنا
وعد :ماشاء لله غريبه
خلف : نغير جو ويلا قومي ابيك معنا
وعد : زين ابشر انوم خليفه واجي
خلف : هاتيه انا انومه اشتقت له
وعد ابتسمت وهي تشوف خلف يدور بخليفه وتذكرت عقاب وصدت بضيق
وبعد فتره نام خليفه وطلعوا كلهم السطح وفرشوا واجتمعوا وسوالف وضحك
وقالت حنان: ليلى يقولون صوتك حلو غني لنا خلينا نغير جو
ندى: ولو سمحتي نبي اغاني چويتيه
ضحككت ليلى: من عيوني
استند خلف على التكايه وهو يحب هاللحظه كثير يحب ينام وهي تغني له
كلهم استعدوا يسمعون لكن قال خلف بضحك: ليلى
لفت ليلى بحب: ياعيون ليلى
لفوا البنات بحرج وانحرجت ليلى اللي طلعت كلمتها بدون ماتحس ابتسم خلف وهو يقول : غني لهم اغنية عتاب اللي توها نزلت
ليلى : ايه والله صاچ اجل يلا
( اليوم له يومين ما مر عليّه
منين اجيبه منين .. يصعب عليّه
يمكن .. منعوه هله
يمكن زعلوه هله
احسب نجوم الليل نجمه على نجمه
قلب الولف ينام قلبي شي نيمه
يمكن منعوه هله
النجم تالي الليل دزيته ساعي
يا نجم شوف هواي نايم لا واعي
يمكن .. منعوه هله
يمكن زعلوه هله
كانت وعد للحظه تسرح وتفكر في عقاب وهو فعلاً يومين مايندراء عنه ولا جاء ولا ينشاف اخذت نفس وصدت وهي تبتسم لهم وهم يغنون ويرقصون ومبسوطين
_______________________.
وفي بيت عقاب
بعد ما رجع من دوامه ودخل شاف البيت ظلام واخوانه نايمين وقف بهدوء يناظر غرفة وعد اللي محد جاها ودخل بهدوء وتكتف يناظر كل زاويه فيها تنهد بضيق وهو ولهان على خليفه ولهان انه يتهاوش مع وعد ومشتاق لكل شي يجمعهم لكن القرار جداًصعب التفت على صوت شهد اللي وقف جنبه : اشتقت لوعد صح .
ناظرها عقاب بحده:وش تخربطين انتي لا اشتقت لها ولا شي وبعدين هالكلام اكبر منك
شهد: لا ماهو اكبر مني اصلاً ناظر نفسك وشوف حالك هذا وهي يومين وامتلى وجهك حزن اجل لو تطلقها وش بيصير
عقاب : شهد لا تنرفزيني وروحي نامي
شهد: بروح لكن اعرف انك اذا طلقت وعد كلكم بتخسروم خساره كبيره
راحت وتركته وكان عقاب متيقن ان كلامها صح بس وش بيده مافي يده شي
_______________________.
وفي المستشفى
كان ضاري جالس على الكرسي مقابل السرير ويسمع سوالف عيسى اللي قال ببتسامه فرحانه: ضاري تكفى بطلبك
ضاري : ابشر وتم
ابتسم عيسى برجفه: لا تكلمني كأني غريب نادي يبه ودي اسمعها ياولدي
ابتسم ضاري بارتباك وقال: انا ما اعرف هالكلمه ولا ادري كيف تنقال لكن ابشر يايبه
قرب عيسى برجفه وهو يحضنه: اااه ياما تمنيت اسمعها منك الحمدلله الحمدلله
ابعد بفرح وهو يقول :تعال تعال جنبي بوريك باقي الصور
كان ضاري مبتسم وفرحان وجلس جنبه وهو يسمع سوالفه لكن اول ماصار وقت نومه وقف ضاري وهو يقول : تأخر الوقت ولازم تنام وترتاح وانا بروح
عيسى برضا: زين بس بكره لا تأخر
ابتسم ضاري من عيوني يا ... يايبه
ابتسم عيسى فرحان ومبسوط وطلع ضاري بعد ماتطمن انه نام براحه
كان ضاري راضي وسعيد وكل مايتذكر فرحة ابوه اول ماقاله انه يتنظر مولود يحس انه فوق الغيم
وصل البيت وشاف امه كالعاده صاحيه لكن هالمره بقلق وتوتر
ضاري :يمه بسم لله عليك وش فيك
ام ضاري : جيت والله جابك مضاوي تعبانه والظاهر بتولد
ضاري : وشووو !وينها وينها
ام ضاري : في الغرفه
ركض ضاري اول ماوصل شاف مضاوي اللي تبكي بألم وركض لها : مضاوي بتولدين!؟
مضاوي : اللحقني تكفى
مايدري كيف اخذها لسياره وطار مع امه للمستشفى كلن متوتر وخايف وامه تهديه
_______________________.
وعند نادر
اللي نسى نوم اللي من بكى عياله كان يحس انه في دوامه من الصراخ البكى واذا تفاقم الامر وزاد صياحهم انهارت شوق معهم وهي ماتدري كيف تصرف
لكن فجأه تدخل ام نادر وتنقذهم من هالحرب
ورمى نادر نفسه بتعب : يارب انا انتهيت .
شوق : نادر وش بنسوي
نادر: نصبر واجرنا على الله
شوق : الله يكون فالعون
ضحك نادر وقال: سبحان من نزل السكينه على قلب امي
شوق بضحك: اي والله والا رحنا فيها
نادر: الحمدلله فالنهايه وانا بموت نوم خلاص
شوق : وانا بعد
قرب ضاري يحتضنها ونامت معه شوق اللي من زمان عن نوم الراحه
_______________________.
وفي المستشفى
استبشر ضاري بوجهه الممرضه اللي جت مبتسمه وهي تقول : مبروك زوجتك جابت ولد
وقف ضاري بفرح وهو يلتفت لأمه اللي حضنته بحب وهي تبارك له : مبروك يابعد الدنيا مبروك يا سندي بهالدنيا مبروك يا ولدي مبروك يا ضاري
حضنها ضاري بفرح وهو يبوس راسها: للله يبارك فيك يارب الله يبارك فيك
ام ضاري : الله يفرحك ياحبيبي وحمدلله على سلامة مضاوي
ضاري : الله يسلمك ياحبيبتي والله يخليك لي
رجع ضاري مع الممرضه يخلص باقي الاوراق وبعدها ركض يبي يشوف ولده وقف هو وامه يناظرون هالطفل اللي ملمس يدينه مثل القطيفه ناعم وحنّين
التفت لأمه اللي تقول : حمدلله اللي بلغني وشفت عيالك
ابتسم ضاري وهو يبوس راسها: حمدلله
اخذت الممرضه الولد لمضاوي وراحو معها واول مادخل ضاري وشافها ابتسم وهو يشوفها تعبانه وفي عيونها دموع لكن اول ما قرب لها وحضنها انهارت تبكي وهي تضربه بخفه وتردد: لييييه ماقلتوا لي ان الولاده كذا كان والله ما حملت
شد عليها ضاري وهو يضحك وقال : ماجربنا والله
ام ضاري: اجر وعافيه يابنتي اجر وعافيه وحمدلله على سلامتك
مضاوي بحرج: الله يسلمك
ابتسم ضاري : الف حمدلله على سلامتك
مضاوي : الله يسلمك
لف ضاري عليها : شوفي شوفي
لفت مضاوي تناظر الولد بحب واخذته لحضنها ونست الدموع والبكى اللي مر عليها نست الولاده وألمها كانت تناظر بضحكه وحب تناظر ضاري اللي يناظرها ويناظر ولده وماهو مصدق اللي تشوفه عيونه كان من اكبر المستحيلات عنده انه يتزوج ! وتزوج وأخذ أجمل واطيب انسانه في نظره ورزقه الله بمضاوي مثل العوض الطيب في حياته
وماكان يحلم انه يشيل طفله بين يدينه واليوم شاله اليوم قلبه دق بفرح وانعشه
وقف وهو يكافح دموعه وصد وقال: بروح ابشر ابوي
ام ضاري: اجلس شوي لين ترتاح وروح
ضاري :ارتحت ماعليك يلا
ركض ضاري يبشر ابوه ووصل لغرفة ابوه ودخل وشافه نايم بهدوء وبراحه مثل الطفل
وتحرك على صوت خطوات ضاري وفتح عيونه بهدوء وهو يقول: هلا هلا يا ضاري .
قرب ضاري بفرح له وهو يساعده يجلس لكن حضنه بفرحه عظيمه وصلت لقلب عيسى
ومسح عيسى على ظهره : وش فيك ! وش جابك هالوقت
ابعد ضاري بفرحه وقال: ابشرك ان ربي رزقك بحفيد رزقك بسميك
عيسى بفرح:وشوووو وش قلت
ضحك ضاري : اليوم ولدت مضاوي وجابت ولد لو تشوفه يسحر الحين
ضحك عيسى بفرح: حمدلله ياربي حمدلله والف الف مبروك والحمدلله على سلامتهم
ضاري : لله يبارك فيه ويسلمك
عيسى : حمدلله ياربي ان انكتب لي اعيش هالفرحه الحمدلله
ضاري: الله يعطيك طول العمر وتشوف عيال عيالي
ابتسم عيسى: يارب ،لكن بطلبك طلب
ضاري : تم تم
عيسى: ابيك تجيبه لي
ضاري : وش ورايك تطلع معي للبيت وتكون عندهم ٢٤ ساعه
عيسى: لكن ادويتي
ضاري: انا اعطيك اياها انا طبيبك وممرضك واللي تبي بعد وانت بخير وتقدر تكون برا المستشفى
عيسى ابتسم : ابد والله ما اردك لو اموت على بابك
وقف ضاري يبوس راسه وكتفه وقال: انت نام الحين وانا برجع لهم وبكره نتفاهم
عيسى: الله معك
راح ضاري مبسوط وفرحان يحس انه فوق الغيم
_______________________.
ومن بكره الصبح
الكل عرف بولادة مضاوي والكل يركض ويستعد عشان يروحون لها في بيتها لانها بتطلع
ومع اذان العصر الكل كان موجود مع ام ضاري في بيتها ويساعدونها لاستقبال مضاوي و ولدها
مجلس ضاري مليان والكل ينتظر
وكل الناس في كفه وعقاب اللي يناظر خليفه بحضن خلف في كفه كان يتأمله وده يقوم ياخذه ويحضنه لكن يحاول يكافح نفسه ويبطل يتعلق فيه
حاول كثير وتصدد كثير لين وصل ضاري ووقفوا كلهم له واتجهوا لمضاوي وهم حولها واللي يفتح لها الباب واللي ياخذ اغراضها واللي يسندها والكل حولها ويضحك ويبارك
وضاري اللي حاضن ولده بكل حيله وهو يدور بين العيال يوريهم
والكل ملتم حوله كلٍ يضحك لكن عقاب اللي في قلبه غصه يتصدد لكن كل اللي يسويه يدعي في قلبه ان الله يفرح ضاري بولده ويعوضه هو العوض الصالح
ولف على صوت محمد يهمس ويقول : نصيحتي لك لا تعذب نفسك ، حنيت لخليفه قم واخذه احضنه واشبع منه ترا ماله ذنب كفايه عليه فقد ابوه لا تفقده عقاب اللي حل محل ابوه وانت ادرى ياعقاب بالفقد
التفت له عقاب بهدوء وفز من محله واتجهه لخلف وهو يجلس جنبه وناظره خلف ببتسامه عذبه وقال: اخيراً ياعقاب تعبت وانا انتظرك تكسر هالمكابر وتجي وتفهم ان خليفه ماله ذنب في مشكلتك مع وعد
اخذ عقاب خليفه وهو ييسلم عليه ويحضنه وكلٍ يناظره بهدوء وعقاب اللي هدت روحه على صوت سوالف خليفه
_______________________.
عند الحريم
كانت مضاوي تهول وتشرح اللي مرت فيه وتناظرها ليلى بخوف من شرحها المرعب
ام خلف : الله يهديك يا مضاوي احتسبي الاجر ولا تجزعين وتروعين بعض الناس
ضحكت ام ضاري : لا ماعليها ان شاء للله بسيطه
ام ناصر : ايه ندري ان كل شي بسيط لين يصير لمضاوي ووقتها يصير كبر طويق من كثر ما تهول فيه
وعد : والله انك جبتيها ياجده
مضاوي: افا يمه
ام ضاري : لا ماعليك يا ام ناصر جمعها الله مع ضاري بتسمعين عجب العجاب
مضاوي: وانتي بعد ياخالتي
ليلى : زين يسوون فيچ
مضاوي : اااه ياربي ليتني اصيدك يالچويتيه عشان تعرفين ان الله حق
ضحكت ليلى : ما عووووزچ
ابتدت السوالف بينهم تاخذ مجراها بينهم وقربت شهد بهدوء وهي تجلس جنب وعد
ولفت لها وعد مبتسمه وقالت: شهد وش فيك كأنك متضايقه
شهد: اي والله متضايقه حيل
وعد : بسم لله عليك وش فيك
شهد : ماني مرتاحه وانا بعيد عن بيت جدي وعقاب حابس عهد اللي صارت وحده ما اعرفها ابداً وعزوز دايم طالع مع فيصل وعقاب مكتئب اغلب وقته ومتضايق وجالس لحاله ما يكلم احد الا لين يجي احد من اصحابه وانا ضعت بالطوشه
تنهدت وعد بضيق وقالت: المفروض ماطلعتوا من بيت جدي وانتم عشتوا فيه من البدايه
شهد: ايه لكن مايصير نخلي عقاب لحاله وهو في ذا الوضع
وعد : وش فيه وضعه!! ما نشوفه الا بخير ولا نسمع عنه الا انه في احسن احواله
شهد: هذا للي ودك تسمعينه انتي ! وهذا اللي يبي عقاب الناس يسمعونه لكن فالحقيقه هو مو بخير ماعمري شفته كذا ابداً ، والله ياوعد عقاب فاقدكم فتقد خليفه وفاقد حتى حياته هي صح يومين لكن كل ما التفت له اشوفه يناظر الغرفه ونفسه متعلقه فيها
ضاقت وعد وهي تحاول ما تبين تأثرها وصدت.': وش تبيني اسوي يا شهد حياتي مع عقاب انتهت وهذا هو خليفه موجود اذا يبي يشوفه وكلها ايام ويرجع اخوك على سابق عهده وكل شي بينحل المهمه الحين على ظهرك لازم تلمين شكل اخوانك وتصيرين قويه يا شهد لا تستلمين لضيق نصيحه مني
وقفت وعد وراحت تدور اي شي تسويه ولا تجلس تسمع هالكلام من شهد
_______________________.
وعند ضاري
اللي رجع لابوه وهو يجهزه عشان ياخذه مع لبيته وهو فرحان فيه وفرحان عيسى بعد والتفت على صوت صالح يقول : وين اخذه !؟؟ كان عقاب وخلف معه وهم ينتظرون ضاري اللي التفت بحده : وانت شعليك !!؟ صالح : الظاهر انهبلت، وين بتودي رجال مريض
ضاري : ان كان مريض فهو مريض بسببك ولا تفكر اني بخليه عندك دقيقه
صالح: عيسى ما انت طالع من هنا ابد
ضاري : وش بتسوي يعني!!
صالح: ابوك ادرى وش بسوي فيك
عقاب اللي كان يدور اي احد يطلع فيه غيضه وانفلت عليه بغضب وهو يضرب كتفه بكل قوته: قل وش بتسوي اذا انت رجال قل وش بتسوي
مسكه خلف : عقاب اهجد
عقاب اللي كان يتفلت عليه : انطق انطق
ضاري : عقاب اتركه ما يستاهل تعال ساعدني
عيسى : انا رايح مع ولدي لو تقلب الدنيا على راسي مارجعت
طلع صالح بغضب وطلع ضاري بأبوه وخلف وعقاب معه
وكل ما مروا بشارع كان عيسى يناظر بتأمل من زمان مااشاف الناس والشارع من زمان عن الحياه
وصلوا بيت ضاري والكل كان في استقبال عيسى والكل ينتظر بهدوء أبو ضاري اللي طلع فجأه
ساعده ضاري اللي مهتم فيه اهتمام كبييييير جلسواا بعد السلام
ودخل ضاري وهو ينادي: يمه يمه
ام ضاري : هلا يا يمه وش فيك
ضاري : يمه ابوي هنا وابيك تجيبين الولد ابيه يسلم عليه
ام ضاري: جبته هنا يا ضاري !؟ لو صار له شي
ضاري : لا مارح يصير له شي كذا هو بخير
ام ضاري : اللي تبيه يمه الحين اخلي مضاوي تجيب لك الولد اخاف اشيله واطيحه
ابتسم ضاري : زين
وقف ينتظر وبعد فترة جت له مضاوي واسرع لها: عطيني عنك
مضاوي : خذ
اخذ الولد وهو يمسح عليه بهدوء والتفت : انتي بخير
مضاوي: انا بخييييير وانااشوفك مبسوط وبخير
ضاري : اووه يامضاوي اوووه ياكثر ماني فرحان
مضاوي :لله يتمم عليك ياحبيبي
ضاري : امين .. يلا انا بروح لابوي
اخذ ولده وطلع لعيسى اللي ابتسم اول ماشاف ولد ضاري وجلس ضاري وهو يمده له وابتسم : خذ سميك يا جده
اخذه عيسى بيد ترجف كان يناظره بتأمل والكل يتأملهم
وقال ابو ناصر: اذن فيه اذنه يا ابو ضاري
رفعه ضاري وبدر عيسى يأذن في اذنه وهو يرتجف وصوته يرتجف من العبره وبعد ما انتهى باس ضاري راسه وهو يقول : ياجماعة الخير من اليوم ورايح بتنادوني ابو عيسى
ابو ناصر: الله يفرحك في عيسى يا ابو عيسى
ابو خلف : الله يجعله من الصالحين
محمد: الله يرزقك بره
الكل: امين
_______________________.
ومن هاليوم الحلو
كملت ايام ضاري الحلوه اللي كان كل يوم يصحى ويشوف ابوه وولده وامه ومضاوي يحس انه في جنه وماهو مصدق هالحياه الحلوه
وكانت مضاوي تسعى في انها تسعد ضاري وتطمن روحه كانت كل ماتشوفه مقبل تجلس فترات تتأمله بحب وكيف كانت بتخرب حياة هالانسان ***
وفي طرف خلف
اللي حياته اصلاً من يوم عرف ليلى وهي حلوه واللي كل يوم يشوفها يحمد ربه ان هالصدفه جمعتهم
وليلى اللي بنفس مشاعر خلف كانت مكمله مراحل حملها ***
ونادر وشوق اللي خلاص قفوا باب الايام الشينه وبدت مرحلتهم الحلوه في تربية عيالهم ***
وفي بيت سحر وماجد كانوا مكملين في تفهمهم وماشيين في اسلوب الحب العذب الجميل
*** وفي بيت ابو خلف
ودعوا وحده من شموع بيتهم وتزوجت ندى ممدوح وقام لهم عرس جدد الحياه في نفوس الكل
وصفى بيت ابو خلف على حنان ووجدان ووعد وفيصل وغيث وسالم *** وفي بيت الجد قايد
اللي فضى من فترة اخذ عقاب اخوانه كان البيت فاضي يسكنه ابو ناصر وام ناصر ومحمد اللي اغلب ايامه مسافر
ومضاوي في بيتها وهيا بعد في بيتها ***
وفي طرف اماني وجابر
اللي كل خطواتهم مع بعض كانوا يستعدون لنقله كبيره في حياتهم منتظره من زمان وكانوا يحيطونها بحبهم العذب *** وفي اخر المراحل
كان هناك عقاب اللي ابد مابدت له حياته على مايبي واللي انقلبت في موازينه في شهور بسيطه كان يتوقع انه اكبر من هاللي يصير وانه كل ما تقدمت الايام بيصير اقوى لكن انصدم مع كل ساعه يضعف مع مرور الوقت يحتر صدره اكثر من قبل وبدت تذوبرفي قلبه امور كثيره
كان يظن انه قوي لكن اكتشف انه هش كثييييير ومستند على صفات قديمه داخله قبل تدخل وعد حياته وتهزها
وماكان هو لحاله ملاحظ لا الكل شايف وبدت مرحله الرجوع عند عقاب اللي صار يحاول انه يرجع وعد ولكن ماكانت ترضى وبدا يدخل واسطات لكن مافاد وبعدها بدت مرحلة اليأس والانهيار عنده *** ومن طرف وعد
اللي على كثر ما حلفت وقطعت على نفسها وعود انها تهد عقاب وقدرت تهده وشافت بعينها يمينها وقسمها تنفذ كان المفروض تنبسط لكن للاسف في داخلها ضيق ما دمحته هالشهور ابد
وبدت تتيقن ان عقاب فعلاً بيصير عقوبه ملازمتها في حياتها ماتقدر تبعدها ابد
وخصوصاً ان خليفه تعلق اكثر في عقاب وخرج الموضوع عن السيطره
ومع ذلك كانت مصره ما تخضع ولا تعيد الغلطه وترجع مع عقاب
_______________________.
وبعد ٨ شهور
مر فيها اللي مر من ايام وليالي حلوه ومتعبه
نبتدي بها من بيت خلف
اللي كان من ايامه السعيده ان يطلع مع ليلى لسطح وتدق ليلى العود وهو يغني لها
وفي عز اندماجهم كانت ليلى تردد مع صوت خلف (أنا وأنتي وبس
أنا وأنتي ومامعنا أحد
ولاغابت البسمه من ليالينا أبد
يدك في يديني والنظره في عيني
مدى ماله مدى،لك أنتي وبس
ودي نجوم الليل ماتسهر أبد
إلامعاك إنتي وبس
ولايظهر في الليالي قمر
ولايحلئ للحبايب سهر
إلا لنا أنا وأنتي وبس ومامعنا أحد )
وقبل يختمون اغنيتهم ابعدت ليلى العود وهي تضحك :خلف شووف
فز خلف وهو يناظر بطنها اللي يتحرك ضحك واخذت ليلى يده وهي تحطها على مكان حركة الطفل وضحك خلف اكثر
ليلى: قاعد يذكرنا إنه موجود ماصرنا انا وانت وبس
نزل خلف يبوس بطنها بضحك: ابد انت شرف وابشر بنغني لك اللي تبي
ضحكت ليلى وهي تناظر : يارب تجي بنت قول يارب ياخلف
خلف : يارب
ليلى: لايكون تبي ولد
ضحك خلف : مايفرق معي بس أميل انها تكون بنت لاني عندي ولاء للبنات ومتيقن انهم شمعت البيت
ليلى : صدقت والله
خلف : يلا يلا خلينا ننام عشان ترتاحين انتي من الصبح صاحيه
ليلى : يلا
وقف خلف يساعدها وهو يحن عليها من تعب هالحمل اخر الايام
مد ذراعه وهو يحاوطها وابتسم وهو يقول : الله ياليلى قبل فتره كنت اتشفق على شوفتك كانت اظن اني بموت ماشفتك
كنت اظن ان عثراتي في دروب حبك ما تنتهي كنت اظن اني بجلس احلم بوصلك لين اموت
ياما كبر ظني الخايف ولكن (كان عزاي إنك رجاي العذب لو كل الدروب عثور )
والحمدلله جمعني ربي فيك وامتلى صدري بحبك واكتفيت وهذاني انتظر قطعة منك تملى حياتي
اعتدلت ليلى بصعوبة وهي تحضنه وابعدت تناظره بعيون هيمانه : تدري انك اعظم دعوة حلوه صابتني خلف انا ممنونه للحظه اللي جمعتني فيك والصدفه للي جابتك لي وانا مستعده اضحي بكل شي وتكون مبسوط ومرتاح انا لو افكر مليون سنه شنو سويت عشان الله يرزقني بأطيب قلب صدقني مارح اقدر اقارنك بأي نعمه ثانيه
والله اني كل ما افتح عيوني ادعي ان الله يخليك لي ولا يذوقني حزنك
حضنها خلف بحب وهو خلااااااص وصل اقصى مراحل الحب والعذوبه مع ليلى
_______________________.
وفي بيت نادر
كان نوم الليل مودعهم من فتره وهم متقاسمين العناء
وواقف هو بولده محمد وواقفه شوق بولدهم احمد
وهم يتقاطعون الطريق وهم يهزون فيهم واخيراً بعد جهد ناموا وقربوا ينزلونهم بهدوء وبعدها ارتموا بتعب بجنب بعض مهلوكييييين
شوق : ياربي متى يكبرون تعبت والله
ابتسم نادر وهو يلتفت ويحضنها : والله انا اشوف انهم كل ماكبروا كبر همهم وكل ماكبروا نسينا انفسنا معهم
ناظرته شوق ببتسامه : والله صدقت نسينا الدنيا معهم
مد يده نادر بشويش وهو يشبكها بيدها وقربها ويبوسها واخذ نفس : كل ماقلت انتهى شي نبتدي بشي جديد لكن في كل هاللي يصير اشوف أنها تقربنا حتى لو ابعدنا وكل مره اتذكر الايام الصعبه في حياتي احمد ربي انك كنتي معي وكنتي رجاي العذب اللي ينسيني تعب الدروب وعثراته
شوق : اذا انت تقول هالكلام انا وش اقول يا نادر ! قلي انا كيف ارد جميلك وانت اللي عطيتني الامان والحب الطمأنينه وانت اللي حنيت علي اكثر من امي وابوي وانت اللي اخذتني لبر الامان في كل مره اتعب اول اضيع
انا مدري كيف اجازيك والله اني مدري
ابتسم نادر وهو يحضنها: مابي جزاء الا انك تكونين معي بس وتضحكين وتضحك الدنيا معك
استكنت شوق بحب وهي تدعي ان الله يقدرها وترد الجميل
_______________________.
وفي بيت ضاري
بعد ماعطى ابوه ادويته وتطمن عليه طلع وسكر الباب واتجهه لغرفة امه وهو يشوفها تلف سجادتها بعد ما صلت الوتر
قرب وهو يبوس راسها: تقبل الله ياجنة الدنيا
ام ضاري: منا ومنك ياحبيبي ، هاه عساه ابوك نام
ضاري : حمدلله اخذ ادويته ونام وبالقوه ليين ابعدته هو عيسى عن بعض
ضحكت ام ضاري : لا تلومه يا يمه عيسى ماينمل منه
ضاري : اي وللله المهم يا الغاليه جيت اشوفك تبين شي عندك شي
ام ضاري: لا يا يمه بحط راسي وانا الحين انت روح ارتاح
ضاري : ابشري يلا نوم العوافي
ام ضاري : الله يعافيك
طلع ضاري وسكر الباب وهو يمشي من بين الغرف ويفيض قلبه حب وسعاده ورضا اتجهه لغرفته وفتحها وهو يشوف مضاوي تتسحب بهدوء من جنب عيسى الصغير عشان ياحس عليها ويقوم
بس فزت برعب اول ماحست بيدين ضاري تحاوط خصرها وهمست : فجعتني الله يصلحك
ابتسم ضاري : اشوفه ماقصر ولدي
مضاوي : اااه ياربي بغيت اموت لين نام
ضحك ضاري : اووه مابغيت اخذه من ابوي
مضاوي: تحالفوا ضدنا والله
ضاري : ماعلينا المهم
مضاوي: وشو!
ضاري بهمس : اشتقت لك والله
ضحكت مضاوي بخجل : امم اقدر اقول انا اكثر
ضاري : لا ابداً ولا يمديك نهائياً .. لاني دايماً بكون احبك اكثر ومشتاق لك اكثر وبكون في كل شي اعظم واكثر .. تدرين ليه!!
مضاوي : ليه!
ضاري : لاني لازم ارد لك شوي من هالشعور اللي تخليني اعيشه انتي كل يوم تخليني اشيل معروفك اكثر واشوف اني لازم اكون رجل يليق بك
انتي خليتيني اعيش كثييير امور كنت احسها حلو ومستحيل تصير انت عزاي في كل أمر كسر ظهري انتي رجاي العذب اذا تقطعت بي السُبل وتعبت انتي الامان اذا ارهقتني عثور الدروب
انتي كنتي نقطة تحول في حياتي مستحيل اكون بدونها
مضاوي : تدري اني اندم كثير ياضاري تدري اني احط راسي على هالمخده ولا اقدر انام ! اخاف اني مر هاليوم وضايقتك ولا زعلتك ولا حتى ما لبيت لك اللي تبيه اخاف في خاطرك شي انا مافهمته اخاف تبي شي ولا سويته اخاف كثيير اني اقصر معك وانت اللي معيشني فوق السحاب اندم اني في يوم من الايام كنت بضيعك من يديني اندم على كل لحظة مرت ولا قلت لك وش كثر احبك اندم على كل لحظه تمر وانا ماشفتك تضحك ممبسوط
ابتسم ضاري بتعب وهو ياخذ نفس وقال: عمرك شفتي احد يتعب من السعاده ! والله اني صار قلبي يوجعني من كثر ماني مبسوط وفرحان وعمرك لا تحسين انك مقصره الا في شي واحد اذا مرت دقيقه ماضحكتيني قولي انك مقصره
قربت مضاوي تحضنه ببتسامه وهي تحمد ربها على هالنعيم اللي تعيشه
_______________________.
وفي بيت جابر
اللي كعادتهم بعد ما تعشووا وروقوا وانبسطوا راح للمكتب وصار يرتب اموره عشان يروح للكويت هالفتره ورفع راسه مستغرب وقوف اماني اللي ماتجي في المكتب وهو يشتغل
نزل الاوراق وهو يقول: اماني حبيبتي شنو فيچ!
قربت اماني ببتسامه ووققت: ابد اشتقت لك
ضحك جابر ووقف يحط يده على جبينها : بسم لله عليچ ، شنو صاير
اماني : شفتك طولت بالمكتب وانا زهقت قلت اجي
جابر: افاااا زهقتي اقفل المكتب وابو المكتب بعد ولل يضيق صدرچ يابعد طوايفي والله
ضحكت اماني : طيب خلص واناجهزت القهوه هناك وانتظرك
جابر: يلا
جمع جابر اغراضه على طرف وطلع يدور اماني اتجهه للغرفه وجلس: شنو تسوين
تقدمت اماني وهي وراها علبه ومدتها ببتسامه وقالت: جبت لك هديه
جابر :الله الله شنو هذا
اماني: افتحها وشوف
اعتدل جابر وفتحها ببتسامه لكن استغرب انها ورقه ! طلعها واول مابدا يقراها انصدم وفز يناظرها مصدوم
وقرب : اماني صچ هالمكتوب
ابتسمت اماني : ايه الحمدلله بعد تعب كتب ربي لنا نرزق بطفل
شهق بفرحه وهو يحضنها ماكان مصدق ابد وهو طال انتظاره واخيراً سمع هالخبر اخيييراً
ضحك بفرح وهو يناظر الورقه للمره المليون ضحكت اماني وهي تناظر فرحته العظيمه
ابعد يناظرها وقال: ابشر امي وابوي الحين ولا انطر باچر
ابتسمت اماني: تأخر الوقت الليله خله بكره اذا شفتهم بشرهم
جابر: اي والله تعالي تعالي قعدي قعدي
جلست اماني وهي تحمد ربها مليوون مره
_______________________.
وعند ماجد وسحر
اللي من بعد مابدت الاجازه قررت سحر تحمل رغم ان ماجد كان يبيها تنهي دراستها قبل لكن سحر ماحبت انها تحرمه فرحته بطفل وهو اللي اسعدها طول هالشهور وفعلاً حملت وكانت في شهرها الثالث في عز ايام الوحم المتعبه .
وزي ماكان متوقع كان ماجد مثل النسمه يظللها بحب ولا يبيها تتعب ابد وعاذرها
كانت سحر مجرد مايدخل الليب تنام بدون ماتحس على نفسها ينقضي ليلها وهي نايمه بعمق ما تحس بشي حولها
وفي هالوقت التفت ماجد يناظرها وهي تقاوم ما تنام وتسهر معه لكن غلبها نومه ونامت على كتفه قبل لا تنتهي مقدمة الفيلم حتى ابتسم بحنيه واعتدل وهو يبعدها بشويش واخذها لسرير عشان تنام براحه وسكر كل الانوار ورجع لفيلمه اللي تعود يشوفه لحاله لكن ةل هالتعب على قلبه مثل العسل طالما ان سحر فرحانه ومبسوطه
_______________________.
وفي بيت ندى وممدوح
اللي دوبهم في بدايات حياتهم اللي كانت ندى تسعى انها تجملها قد ماتقدر
انتهت من العشاء الرومانسي اللي قررت تسويه ورتبت نفسها وتعطرت وجلست تنتظر ممدوح اللي رجع ببتسامه الهاديه فتح الباب ووقفت ندى : يا اهلاً يا اهلاً
ممدوح : يا هلا فييييك ياشمعة البيت
ابتسمت ندى واتجهت له وهي تاخذ اغراضه من يده : عساك ماتعبت
ممدوح : والله لو الدنيا واهلها فوق ظهري ما تعبت وانا أشوف هالوجهه الرضي يستقبلني
ابتسمت ندى بحرج : طيب يلا عشان تبدل وتتعشى
ممدوح : يلا
كان ممدوح راضي كل الرضا عن هالزواج وكان متوقع انه بيحصل مثل هالرضا ما دامه اخذ اخت خلف اللي يجسد كل معاني الرضا والسماحه
_______________________.
وفي بيت عقاب
دخل بعد ماجاء من دوامه وهو اصلا نسى حياته بين دوام وهالبيت رمى مفتاحه على جنب ودخل وهو يسحب نفسه وكالعاده مايمر من غرفة وعد مرور الكرام واخر الايام صار ينام فيها
التفت قبل يدخل على صوت شهد : عقاب جيت
عقاب: ايه
شهد : طيب تعال سويت لك عشاء
عقاب : لا مابي مالي نفس
اتجهت له شهد وهي تمسك يده : عشاني ياعقاب الله يخليك لا تضيع تعبي
ناظرها بضيق والتفت : زين هاتيه
جلس بتعب وركضت تحضر له الاكل وجاء عزوز: عقاب
عقاب : هلا
عزوز : اسمع ودي اقولك شغله
عقاب : وشو !؟ عزوز: ودي نرجع عند جدي اليوم متضايق حيل ويقول البيت فضى عليه هو وجدتي وعهد هذا هي تابت وعقلت وماعاد تعيد اللي سوته
تنهدت عقاب بهدوء: سو اللي تبيه يا عزوز تبي تجلس تبي تروح براحتك
عزوز: وعهد وشهد
عقاب : خذهم معك
عزوز: وانت
عقاب: انا بجلس في بيتي
عزوز: تجلس وانت هذا حالك
عقاب : وش فيه حالي طيب وبخير وايام وبتزوج
عزوز: والله
عقاب : ايه ليه وش ناقصني
عزوز: ابد ماينقصك شي وهذا عين العقل
جت شهد وهي تناظره بذهول ونزلت الاكل : صدق بتزوج .
عقاب : ايه بتزوج
سكتوا كلهم مستغربين قراره بس كان عقاب لازم يقوله عشان يحسون انه بخير
اكل بهدوء ورجع للغرفه ولفت شهد: صادق ذا
عزوز: يارب يكون صادق عشان يعيش ويفتك
شهد : ووعد
عزوز: وعد ما تبيه وش فيك مافهمتي للحين
صدت شهد بضيق وهي ضيقها قطرة من بحر ضيق عقاب اللي جلس بهدوء وهو كل ماتطري وعد ياخذ نفس موجع
وانسدح بعد مافتح الراديو على الاغنيه اللي استوطنته اخر فتره (طاري وعد .. يشدني .. طاري وعد
نسمة خريف .. صوت الظلام
وخوفي بعد .. يشدني
طاري وعد .. بين الكلام ..
و اتحدثوا عن اثنين .. مدري متى او وين
اتواعدوا .. واتباعدوا.. واحس بك كثر السما
لا جفت عروقي ضما
صوت الرعد يهزني .. و طاري وعد .. بين الكلام ..
يا غايبه ما تسمعين .. قالوا الهوى في كلمتين
اتواعدوا .. واتباعدوا
و اللي انجرح .. الله يعين و يساعدوا
ضيع وعد .. وباقي وعد بين الكلام )
كان متيقن انه فعلاً ضيع وعد
_______________________.
وفي بيت ابو خلف
انتهت وعد من ترتيب بيت اهلها وطلعت لسطح جلست لحالها والكل نايم ناظرت سطح جدها اللي صار فاضي والباب مفتوح ما تسكر من اللحظه اللي راحوا فيه عيال نايف منه .. هالباب اللي كان لازم يتسكر ويتقفل زيييين عشان عقاب اللي ينام بالسطح
وسكتت فتره على طاري عقاب اللي ماتدري عنه من شهور واذا سمعت خبر تسمع انه عايش وبس تتذكر واسطاتهم انها ترجع بس فيه شي بقلبها كبير ما تقدر تتجاوزه وترجع ولا تحله
كانت في حيره من وضع عقاب لكن في حيرة اكبر من نفسها شلون في الوقت اللي لازم تحيي نفسها وتحيي قوتها صارت تدور الهدوء عشان تفكر في عقاب!!
_______________________.
ومن بكره في بيت خلف
فز على صراخ مرعب حوله والتفت على صوت ليلى اللي تبكي وهي تقول : خلف قوم
اعتدل بخوف : وش فيك وش فيك
ليلى : بولد بوووولد
ارتبك خلف وفز مايدري وش يسوي لكن اول اتجاهه لثوبع لبسه ورجع لها : يلا يلا
اخذها لسياره وهو كل مايسمعها تبكي او تصرخ ينهبل مايدري كيف يسوي لكن وقف عند باب بيت ابوه وركض يدق الباب
وفتح فيصل : خلف وش فيك
خلف : امي امي وين
فيصل : جوا
ركض لها وهو يناديها : يمه يمه
فزوا كلهم : خلف وش فيك
خلف : ألحقي يمه ليلى تولد
ام خلف : طيب طيب
ركضت وجدان تجيب اغراضها ورجعت وهي تعطيها واخذها خلف وطلع وعلى طلعته صدف اماني وجابر
جابر: خلف شنو فيك!؟ خلف : ليلى تولد
جابر: شنو ووينها!؟
خلف : بالسياره .
جابر: يلا يلا بسرعه ألحق يلا .
طلع خلف مسرع ولحقه جابر ونسى سفره للكويت ووقف مع خلف يتنظر ليلى تولد .
_______________________.
وفي السوق
جاء ضاري مبتسم لدكان الجد قايد بس ماشاف خلف لكن التفت على جيت نادر وعقاب في نفس الوقت
ضاري : شرفتوا ياباشوات
نادر: وين الباشا ٤
ضاري : مدري ما لقيته فالمحل ماشفتوه فالطريق
عقاب : لا لكن مامريت بيته ولا بيت جدي
نادر:وانا مريت من ساحة المسجد ولا شفته هناك
ضاري : غريبه
عقاب : ابد ماغريب الا الشيطان بما ان زوجته على وجه ولادة تلقاه عندها مايقدر يخليها
ضاري : في هاذي صدقت
نادر: اجل يلا شوفوا لنا مكان نفطر فيه
ضاري : ايييه وبنكثر الفطور بعض الناس صاير هيكل عظمي
ناظره عقاب بطرف عين : ضاري مالي خلق اتهاوش معك
نادر : لااااا مودع الملاعب طالما انه مايبي هواش
عقاب : امشوا بس امشوا
طلعوا متجهين لمكانهم بعد ما اخذوا فطورهم
_______________________.
وفي بيت الجد قايد
رجع عزوز وشهد وعهد
وفزت ام ناصر تهلي بهم والتفت محمد ببتسامه: اخيراً نورتوا البيت
عزوز : ايه رجعت لنا الحياه
ابو ناصر : بيتكم ومحلكم يا حبايبي
محمد : ووينه اخوكم الردي
شهد:عقاب عنده شغل بيجي شوي
ام ناصر : تعالوا تعالوا افطروا توها حنان مسويه الفطور
جلسوا والكل يسىلف ماعدا عهد اللي في صمت غريب عليها وهي اللي خلاص فهمت انها لو تنقلب الدنيا ماتقدر تضر عيال عمها وعقاب وراها
وبعد الفطور بدا الجد ينادي بيت ابو خلف للقهوه بعد ماعزوز راح ودخل ابو خلف وهو متوتر
ام ناصر: وش فيك
ابو خلف: ابد خلف اخذ زوجته للمستشفى تولد وللحين ماجاء خبر
ابو ناصر: والله الله يرزقه الذريه الصالحه
الكل : امين
محمد : ومادق
ابو خلف : ننتظر للحين
ام وعد : بسيطه ان شاء الله ادعوا الله بالتييسر بس
الكل: الله يسهل عليها
محمد : يلا اجل انا بروح للمحل الجد : كلنا بنروح قم ياناصر لا تقعد تفكر
ابو خلف : يلا يلا
طلعوا الرجال وجلسوا البنات يخمنون وش بتجيب ليلى
ووقفت وعد تجدد القهوه ورجعت وهي تسمع اماني تقول : غريبه رجعتوا يا شهد ماتقولين عقاب بياخذكم على طول
شهد: ابد عزوز ما تحمل يبعد عن جدي وجدتي اكثر وغير ذا عقاب بيتزوج واكيد مارح نجلس ونضايقه
حنان : بيتزوج!!! شهد: ايه
اماني : غريبه!
شهد: ليه ؟!
اماني : يعني احسه صاد عن الزواج هالفتره
شهد : وش يسوي اذا جلس كذا بيموت
وجدان: بسم لله ليه ؟
شهد: من دون ليه ؟ عقاب يبي وعد ووعد ماتبيه ومستحيل يقعد يذل نفسه كل شوي ووعد ترده وتعلق في خليفه ومع ذلك خليفه بعيد عنه صح ابيهم لبعض بس خلاص لازم يتزوج ويجيب عياال بدال ماهو متعلق في ولد ماهو ولده
سكتوا مايدرون وش يقولون وجلست وعد بهدوء برا تستوعب اللي انقال واخذت نفس ودخلت وهي تنزل القهوه وكأنها ماسمعت شي
_______________________.
وفي المستشفى
بعد انتظار طويل طلعت ام خلف وهي تضحك بفرح: ابشرك ياخليف رزقك الله ببنت
فز خلف بفرح: ولله الله يبشرك بالخييير يالغاليه وليلى وشلونها
ام خلف : بخير بخير
ابتسم خلف بفرح وراح لجابر: ابشرك يا خال شرفت بنت اختك
ضحك جابر بفرح: حمدلله على سلامتهم ومبرووك ياخلف
خلف : الله يبارك فيك يارب وعقبالك
ابتسم جابر: قريب ان شاء الله
ما انتبه خلف وهو يقول : بروح ابلغ ابوي وانت بلغ النوخذه
ابتسم جابر: زين
راح خلف يبشر الكل وهو فرحان وبعد ما بشر الدنيا راح لليلى اللي من يوم صحت وهي تضحك وتبكي ماهي مصدقه لين حطت ام خلف بنتها في يدينها ودخل خلف وابتسم وهو يشوفها وطلعت ام خلف وتقدم خلف وهو يحضن ليلى وبنتها وهو من الفرحه يحس ان بيغمى عليه
ليلى : خلف شوف
ابعد خلف يناظر البنت كانت تسحر القلب وضحك وهو يناظر خدها اللي نور بالشامه
مد يده يلمسها بخفه وقال : كنت معذب شامه والظاهر بتصير ثنتين
ليلى بضحك: اخذت شامتي والله يستر لا تاخذ حبي
خلف : افا لا وللله ما ياخذ حبك حتى الموت
ليلى: بسم لله عليك ، وش بتسميها !؟ خلف : بسميها بأسم امي الجازي
ابتسمت ليلى : ياحلاته اسم بنتي
دخلت ام خلف : هاه وينها بنيتي
خلف: هذا هي سميتك
ام خلف : وشو سميتي
خلف : ايه سميتك
ام خلف : لا تكفى طلبتك ياخلف ما تسميها بأسمي
ليلى: ليش ياخالتي
ام خلف : اسمي قديم وكبير عليها سموها اسم حلو عشان خاطري
خلف : دامك ما تبين اسمك اجل انتي سميها
ام خلف : لا تسميها امها
ليلى: انتي امها وجدتها سميها انتي
سكتوا ينتظرون ام خلف تقرر وابتسمت وهي تقول : كان نفسي اذا جاء لي بنت اسميها نور وش رايكم نسميها نور
خلف:تم نور نور
ليلى: حلو ياخالتي وانتي ام الذوق
ام خلف: الله يسعدكم يارب ويجعلها من البارين
خلف : امين .
وفز فجاه : يوووه نسيت جابر
طلع يركض وشاف جابر واقف : خلف وينك
خلف: نسيتك والله المعذره ياجابر
جابر: معذور ابو جديد وعقلك طاير
ضحك خلف : تعال تعال
دخلوا لليلى اللي ابتسمت لجابر اللي يسلم عليها ويبارك وكان اول واحد يشوف بنت خلف من بعد ام خلف وخلف وليلى وانهار عليها ولا نوى يتركها لين اخذوها الممرضات
_______________________.
وفي الليل
انتشر خبر ولادة ليلى والكل جاء عشان يسلمون عليها
حتى النوخذه واهله جو من الكويت
وازدحم بيت ابو خلف والكل داخل طالع وفي عز الزحمه جات وعد وهي تنادي سالم اللي شرع الباب كله وجاء
وعد : تعال خذ خليفه معك وانتبه له
سالم : طيب
راحت وعد تجيب خليفه وهي تعطيه سالم انتهبت لعيون عليها وفزت مرتعبه اول ما حست بيد تسحبها ودخلتها داخل وسمعت صوت عقاب الغاضب يقول : طالعه بدون غطاء ياوعد! ادخلي جوا قبل ادفنك ادخلي
دخلت بخوف وهي تسكر الباب
وسمعت صوت عقاب يقول لرجال: وش عندك هنا يالحبيب
ولا كانت تعرف هالشخص اللي كان موجود كل اللي تعرفه ان عقاب بيدفنه وقفت بخوف تسمع
وكان نهيان اللي ما انتبهه لوعد كثير كان ينتظر امه تجي عشان يدخل لليلى
نهيان: شنو فيك!
عقاب : انت اللي وش فيك واقف عند باب الحريم
نهيان: ماكو انطر امي عشان ادش لليلى اسلم عليها
عقاب بغضب: لا ياروح امك ماتوقف هنا فالبيت محارمنا وتفضل اطلع برا لين يجي خلف ويدخلك
نهيان: انت شلون تحاكيني بهالطريقه
عقاب : اصفق لك يعني !؟؟ جاء خلف على الصوت : عقاب نهيان وش فيه!؟ نهيان: خلف تفاهم ويا هالرجال
خلف: عقاب وش بلاك!؟ عقاب : ابد طال عمرت واقف عند باب الحريم والباب مشرع والحريم مكشوفين
نهيان: ماكنت ادري انه باب حريم ولا شفت احد
خلف : حصل خير يانهيان امسحها بوجهي ودقايق وتجي خالتي انتظر شوي بس
وسحب عقاب على جنب : وش بلاك انت انهبلت تهاوش الضيف
عقاب : لاااا وش رايك اخليه يكشف محارمنا عشانه ضيف
خلف:محد كشف محارمك الرجال ينتظر امه
عقاب : يعني ياخلف!!
خلف : يعني لا تكبر المشاكل ادمي وبيدخل لاخته ويطلع
سحب يده عقاب بغضب وقال :زين ياخلل زين
طلع بغضب من العشاء ومن البيت كله
وهز راسه خلف بيأس وراح وهو ينادي ضاري : سم
خلف : تكفى روح ورا هالخبل لللي انهبل وقعد
ضاري بضحك: حمدلله أيدتوني اخيراً انه خبل
خلف :ضاااري
راح ضاري وهو يضحك وراح وراه نادر بعد ورجع خلف لضيوفه اللي ملوا المكان
_______________________.
وعند الحريم
كانوا كلهم حول بنت خلف ويناظرونها
مضاوي : انا اراهن اذا ما خلف جته سكته قلبيه بسبتها
ام خلف : بسم لله عليه
هيا : بسم لله عليه اكيد لكن مضاوي تقصد ان خلف يموت على البنات وهالبنت بتاكل قلبه
ندى: يوووه ليتكم تشوفونه بالقوه طلع
مضاوي : لا وليلوه مسويه شغل ومورثتها الشامه بعد
مريم بضحك: عشان تضمن الابو وبنته بصفها
ضحكت ليلى وهي تدري ان اكثر شي بيحبه خلف هو هالشامه
وجدان: ليلى ليه ماسميتوها وجدان احلى
ليلى: سمتها خالتي
ام ناصر : عز الله سمتها اسم حلو
ام نهيان: دايم ذوق ام خلف
ام خلف : الله يسلمك
سحر: لايق لها
ابتسمت اماني : دام اليوم حلو اجل ببشركم بشاره
الكل: وشو ؟
اماني : ابشركم اني حامل
فزوا كلهم بفرح وكانت الفرحه الاكبر من نصيب ام نهيان اللي تحضنها وتبارك لها وتزغرط
وانحرجت اماني لكن فرحت لفرحتها لهم
_______________________.
وفي قسم الرجال
وقف جابر بعد وهو يبشرهم ونفس الموقف تكرر الكل وقف يبارك
ابو ناصر : اييه هاذي الاخبار الزينه
النوخذه: ماشاء الله تبارك الله الحمدلله الحمدلله
محمد : الله يديم هالفرحه يارب
الكل : امين
كان خلف يروح ويجي ومشغول باله بعقاب اللي راح وراحوا معه نادر وضاري ومارجعوا للعشاء
_______________________.
وفي اسفل الحاره
كانوا ضاري ونادر يركضون ورا عقاب لين وقفوه
ضاري : خييير انت وش هالنشاط هذا وانت لا تاكل ولا تشرب اجل لو فيك هالطاقه بتطير
عقاب بصراخ : ضااااااريي فكني شرك
نادر: ويصارخ بعد !؟ انت اللي وش بلاك قمت بشرك
عقاب : انا لو ماقضيت على نهيان ذا ماني مرتاح
ضاري : وش سوا لك
عقاب :واقف عند باب الحريم
نادر: واقف يعني مادخل وبيسلم على اخته ويطلع انت وش حارق رزك
عقاب :اقولك يشوف الحريم
ضاري : اكيد ماجاء يشوفهم ولو خلف يدري انت ممكن يشوف احد ما دخله
عقاب اللي فقد اعصابه قال بغضب :انا شفته بعيوني شاف وعد
سكتوا فجأه لكن انفجروا ضحك بعد ما سمعوا كلامه وصرخ اكثر:ضحكت من سرك بلى انت وياه وش يضحك
نادر: ياعقاب ارحم نفسك مية حرمه فالبيت وما لقى نهيان يشوف الا وعد ؟
ضاري : الظاهر انت اللي تشوف وعد ماهو نهيان
عقاب: تتمسخر علي انت وهو
ضاري : يا صاحبي ما نتمسخر لكن حدث العاقل بما يعقل
طنشهم عقاب وراح يمشي لكن في لحظة غلط صقع في واحد من الشباب اللي قال بنفس غضب عقاب : خيييييييييير ما تشوف
عقاب : ايه ماشوف وش بتسوي
ضاري : ألحق يا ولد .
ركض ضاري ونادو بيفرقون بس اشتبكوا هم بعد وقبت مشكله طويله عريضه بينهم ولا فرقتهم الا الشرطه وسحبتهم كلهم للقسم
ضاري : عساك ارتحت الحين !؟ عقاب : لا باقي ودك اكمل عليك
نادر: بس فكوني شركم
سكتوا كلهم ينتظرون بهدوء ومحد يكلم الثاني لكن بعد شوي انفجر ضاري يضحك وهو يتذكر احداث الهوشه وصفوا معه كلهم يضحكون
_______________________.
وفي بيت ابو خلف
الكل تعشوا وراحوا ودخل خلف وهو متوتر وقبل يوصل للغرفه نادته وعد : خلف
خلف : سمي
وعد : ابيك بموضوع انت وابوي وفيصل
خلف : ابشري تعالي
اتجهوا للمجلس وجلسوا ينتظرون وعد تتكلم وكانت متوتره وبعدها قالت: انا موافقه ارجع لعقاب
الكل بصدمه:نعم ؟! وعد: اتوقع ان عقاب عرف غلطته وكذا اقدر ارجع له
ابو خلف:دامك بترجعين وشوله غربلتيه
سكتت وعد ماردت عليهم وقال فيصل:متأكده ياوعد
وعد:ايه خلف:انتي ابخص ياوعد وحنا ودنا تجتمعون ولا تفترقوون
ابو خلف: زين الله يكتب اللي فيه الخير وهذا وانا ابوك في صالحك وصالح ولدك
وعد: ادري يبه
ابو خلف : يلا بكره نكلم عقاب
طلعت وعد وهي ماتدري ليه قررت هالقرار فجأه بس بعد ماسمعت انه بيتزوج ماتدري وش جاها فجأه وقفت تناظر نفسها ببتسامه وهي تشوف انها اخذت حقها من عقاب لان الكل يدري انه ميت عليها ويبيها ترجع ويدفع دم قلبه
كانت ودها يجي بكره بسرعه وتشوف ردة فعل عقاب ..
________________________.
•
•
•
•
