လုမန်နေရာမှာ လုမုန့်လို့ ပြင်ရေးသွားပါမယ်နော်
မှားရေးမိလို့ 😁
လုမန္ေနရာမွာ လုမုန့္လို႔ ျပင္ေရးသြားပါမယ္ေနာ္
မွားေရးမိလို႔ 😁
(Unicode)
.
.
.
သူတို့တည်ငြိမ်သွားတာနဲ့ တစ်ပြိုင်နက်၊ လုမုန့်က လီဇီရဲ့ဖောင်းကားနေတဲ့ လည်ပင်းတစ်နေရာကို လှမ်းပြီး ဖိချလိုက်တယ်၊ ပြီးတော့ သိချင်စိတ်ပြင်းပြစွာဖြင့်... "ဒါ မင်းရဲ့ဂလင်းလား? ဘာလို့ ဖူးရောင်နေတာလဲ?"
လီဇီက သူ့ရဲ့လက်ကိုပုတ်ထုတ်ပြီး၊ မျက်လုံးတွေကို ကျဥ်းမြောင်းကြည့်လိုက်တယ်၊ လုမုန့်ရဲ့ အပြုအမူတွေကို သေချာကြည့်ရင်း၊ ခုဏက သူကိုက်မိမလို ဖြစ်ခဲ့တဲ့ နေရာလေးကို ဖိချလိုက်တယ်။ "ဆိုတော့ ဒါက မင်းရဲ့ဂလင်းပေါ့"
"ငါ့ကို တစ်ခါလောက် ကိုက်ခွင့်ပြုမလား?" လုမုန့်က ပြုံးနေရင်း၊ တစ်ဖက်လူကို ချော့မော့ပြီး ပြောတယ်။ အဲဒီအရာလေးက အရမ်းကို စွဲဆောင်မှုရှိနေတယ်၊ သူ့ကိုယ်သူတောင် အနံ့မခံနိုင်သော်ငြား၊ အဲ့ဒီအရာလေးရဲ့ အနံ့အရသာက ညှို့ဓာတ်အပြည့်နဲ့ မက်လောက်စရာဖြစ်နေမယ်ဆိုတာ သေချာတယ်။
လီဇီ မျက်လုံးတွေကို ပိတ်ထားလိုက်တယ်၊ တစ်ဖက်လူက တကယ်အဲလိုလုပ်ချင်စိတ် ရှိမနေတာကို သူသိတယ်။ သူ သူ့နှုတ်ခမ်းတွေကို တင်းတင်းစေ့လိုက်တယ်၊ "ရတာပေါ့၊ ပြီးရင် ငါ့ကိုလည်း မင်းကို ကိုက်ခွင့်ပြုပေးမလား? မုန့်မုန့်။"
လုမုန့်: "........."
.................
"အိုး.... ဟုတ်သားပဲ၊ မင်းလည်း ဖောင်ဖြည့်ခဲ့တာပဲ။ မင်းရဲ့ ဦးစားပေးအကြိုက်တွေက ဘာတွေလဲ?"
လီဇီ သူဖြည့်လိုက်၊ ခြစ်လိုက်နဲ့ ဒေါကန်ခဲ့ရတဲ့ ကွက်လပ်တွေကို တွေးလိုက်တယ်၊ သူ တကယ်ကို အဲ့အကြောင်း မဆွေးနွေးချင်ခဲ့ဘူး။
"လုပ်စမ်းပါ၊ ပြောပြစမ်းပါ...." လုမုန့် ရှေ့ကို တိုးလာတယ်။ "မင်းရဲ့ pheromones ဦးစားပေးအနံ့က ဘာလဲ?" လီဇီက သူနဲ့မတူဘူး၊ သူက အိုမီဂါတွေရဲ့ ရန့ံကို မဆန်းစစ်နိုင်ဘူး၊ လီဇီက ရနံ့တွေကို ခွဲခြားနိုင်ပေမဲ့ အဲ့ဒီရနံ့တွေက သူ့အပေါ်မှာ သက်ရောက်မှုမရှိတာ။
YOU ARE READING
Two Alpha's 101st Blind Date (MM Translation)
FantasyThe story of two alphas failing at blind dates together. That is, except for their last one. Original Author - 桃之幺 MM Translator - A Yint Yao 31 Chapters + 2 Extras Disclaimers: * This is just a translation work. * I do not own the story. * I do n...
