(Unicode)
.
.
.
"မင်း ဘယ်သွားနေတာလဲ?"
လီဇီရဲ့ ခြေချောင်းက လုမုန့်ရဲ့ ရေကူးဘောင်းဘီပေါ်ကို လှမ်းချိတ်လိုက်တယ်၊ လုမုန့် ထပ်ပြီး မရွေ့ရဲတော့ဘူး။ သူ့မျက်နှာကို လက်တစ်ဖက်နဲ့ သပ်လိုက်တယ်၊ သူ့အသံက အနည်းငယ် ကွဲအက်နေတယ်။
"အအေးခံမလို့"
"ဒီမှာပဲ ရေစိမ်" လီဇီက သူ့ကို ပင်လယ်ထဲထိ ရေနက်တဲ့နေရာကို မသွားစေချင်တာကြောင့် ပြတ်ပြတ်သားသားပြောလိုက်တယ်။
"မင်းကို ငါတကယ်နားမလည်နိုင်တော့ဘူး။" ဒါက ရယ်ချင်စရာကောင်းတယ်လို့ လုမုန့်ထင်တယ်။ "ငါတို့ အရှေ့တောင်ဒေသမှာ စခန်းချနေခဲ့တာ ကြာလှပြီ၊ မင်းခုထိ အဲဒါကိုကျင့်သားမရသေးဘူးလား? ဘယ်လိုပဲဖြစ်ဖြစ် ငါလည်း စစ်ပွဲအတွက် ပင်လယ်ရေနက်ပိုင်းထိ အမြဲသွားနေရတာ မဟုတ်ဘူးလား?" သူတို့နှစ်ယောက်လုံးရဲ့ ရေကူးစွမ်းရည်က စစ်တပ်ထဲမှာဆို ထိပ်ဆုံးကပဲ၊ ဒါပေမဲ့ သူတို့ အားလပ်ရက်တိုင်းမှာ၊ လီဇီက သူ့ကို ရေနက်ပိုင်းထဲမှာ ပျော်ဖို့ ခွင့်မပြုတတ်ဘူး။
"အဲဒါနဲ့ပတ်သတ်ပြီး၊ မင်းမှာ ရွေးချယ်စရာမရှိဘူး။" လီဇီမှာ ပင်လယ်နဲ့ပတ်သတ်ပြီး ကောင်းမွန်တဲ့ ထင်မြင်ချက်မရှိဘူး။ "မဟုတ်ရင် ငါနှင်းတောင်တွေမှာ စခန်းချဖို့ အချိန်မရွေး ပြောင်းရွေ့ခွင့်လျှောက်လိုက်လို့ ရတယ်နော်။"
လုမုန့်က သူ့ရဲ့ခါးကို ဖက်ရင်း ပြေရာပြေကြောင်းပြောဖို့ ကြိုးစားလိုက်တယ်၊ "လီကောကော၊ ကောင်းပါပြီ၊ ငါရေမကူးရုံပဲပေါ့။"
သူတို့ ပင်လယ်ရေမျက်နှာပြင်ပေါ်မှာ မျောလွင့်နေရင်း၊ တိမ်စိုင်တစ်ခုက နေရောင်ကို ကာဆီးသွားတယ်။
အကွာအဝေးတစ်ခုလောက်မှာ၊ တက္ကသိုလ်စတက်ခါစလို့ ထင်ရတဲ့ ကောင်လေးနှစ်ယောက်က အလည်အပတ်လာတဲ့ မိန်းကလေးတချို့နဲ့ အီစီကလီရိုက်နေကြတယ်။
လုမုန့် ရုတ်တရတ် ရယ်မောလိုက်တယ်၊ "အားဇီ၊ ဘာလို့ ငါပြင်ပလောကနဲ့ အဆက်အသွယ်ပြတ်နေသလို ခံစားနေရတာလဲ? ငါတို့ သူတို့အရွယ်တုန်းကဆိုရင်၊ ဘယ်လိုလေ့ကျင့်ရမလဲဆိုတာပဲ သိခဲ့တာလေ။"
KAMU SEDANG MEMBACA
Two Alpha's 101st Blind Date (MM Translation)
FantasiThe story of two alphas failing at blind dates together. That is, except for their last one. Original Author - 桃之幺 MM Translator - A Yint Yao 31 Chapters + 2 Extras Disclaimers: * This is just a translation work. * I do not own the story. * I do n...
