أنا فارغة من البشر ممتلئة بأمور أعظم ، أعتذر لاعتقادك بأنك تهمني .
..................................................................#روايه أبن جبور فصليه
# بقلم مــــــلاك.....
# تصويت للبارت.....
..................................................................
سلطان ....
بعد ما طلعت من المطبخ .. رحت للديوان .. طبيت يم ابوي و الولد .. يحجون بس بالي مو يمهم .. بالي بغير شغله .. افكر و التفكير اخذ حيزه مني .. ليش جاي اسوي كل هذا ليش جاي اخليها تكرهني .. بمكان ما اتقرب منها
نوب اخليها تنفر مني .. اشكال الأفكار اجتني .. يا ساعه أفكار تأيد الي جاي اسوي و افكار تنافي هل شي تماماً...
و اني صافن فكره تجيبني و فكره توديني....
على نفس الگعده... اجه يمي عبد الملك .. گعد من شفته گلبت عيوني .. اعرف بي راح يفضحنه هسه ضليت ساكت ما حاجيتهه هو سأل و گال شبيك ما جاوبته اجه غيث هم صار بصفي بالجيها الأخرى.. ما شاء الله اخوتي الفضول عدهم يقرأ الف .. فارس يباع علينه من بعيد لبعيد لو يطيح بيده هم يجي لأن اني هم اعرفه من شاف ذول يمي و يشاورون بيه و يحجون بصوت ناصي اعرف كتله الفضول .. بس ما يگدر يعوف ابوي وحده .. رجع عبد الملك كرر السؤال . عليه گتله ما بيه شي .. هيج ضايج من سالفه .. رجع باوع على غيث و غمزله .. والله يالله .. ابوي گام و گمنه احنه هم ابوي گال راح اروح ارتاح فد ساعه و العصر نطلع نشوف امير ... طلع ابوي من الديوان .. و فارس اجه يريد يطلع رجع ندار عيه و سأل شكوو شبيكم ليش جنتو تتبسبسون .. بيناتكم ..
گتله ماكو شي هيج سالفه ما تعرف اخوانك .. قابل . عبد الملك... باوع لفارس و غمزله هم .. و گاله سالفه والله يالله .. عبد الملك ولا يتوب . ابد .. هزيت يدي و جيت اطلع .. گال غيث وين .. گتله اريد اروح انام عندك مانع .
هو ضحك و گال لا عيني روح منو لازمك .. و عبد الملك بس يتبسم .. هزيت يدي و گال مالت اي والله مالت ..
و عفتهم و صعدت فوگ طلعت المفتاح من جيبي لأن ادري من اني مو بالغرفه تقفل الباب .. فتحت الباب على كيف .. جيت اطب بس اسمع صوت العيطه و طبگه باب الحمام .. عرفت بيها جانت تبدل بالغرفه .. صرت احجي و ادردم عليها ...
عبالك الي طب غريب مو رجلها و الي حق بكل شبر بجسمها .. اهوووو صح اني الغريب بين قوسين على گولتها ... خنست جوه بالحمام لا طلعت ولا شي .. قفلت الباب مال الغرفه ذبيت الدشداشه مالتي و الفانيله هم بقيت بس بالشورت .. شمرت روحي على الجربايه .. اريد انام حيل تعبان .. واحس روحي مو زين مالي واهس عظامي توجعني و جسمي مكسر تكسر .. يمكن نعديت منها و صار بيه فلاونزه منها .. لأن نومتها بحضني البارحه .. و اني اگول ما انوم مرضه بحضني و تالي نومت مرضه بحضني... خليت يدي على عيوني و جيت انام غمضت عيوني جان شويه و اسمع صوت الباب مال الحام نفتح و رجعت طلعت من باب الحمام .. ضليت مغمض احس بحركتها بالغرفه بس ما تحركت .. .. بوره فتره صار هدوء.. گلت خل افتح عيوني اشوفها وين صارت خاف وگعت تخربطت لأن هي مو زينه هم .. فتحت عيوني على كيف و جان اشوف ذيج الشوفه عيني
ست سارة منزله التيشيرت مال التراك و مطلعه الجتف ابيض و تعالج بي و اباع عليها خلت علاج للعضات مالتي هم .. و كل شويه تباوع عليه خاف گاعد .. بس هي ما منتبها عليه اني فاتح عيوني على كيف .. نوب شلون تراك مفصل جسمها تفصل .. و طالعه تشگ شگ.. اويلي يابه
غير دخنت من يمي عود صدك هاي مرة و جميلة هم مرة
أنت تقرأ
أبن جــبــر ....
General Fictionالقصة حقيقية 100% كيف ستكون البداية و النهايه القصه تتحدث عن فتاه تذهب قربان لاحد العشائر المعروفه في العراق ......( جبور ) ..... دم و ديــه........
