يا مليحَةَ الوجه يا حُلوةَ المَبسم
°~°
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
سارة ......
بعد ما اجيت للغرفه .. و سبحت و گبل نمت .. شويه و حسيت روحي مو زين و بردانه كلش .. اريد غطه.. بس عظامي طگ طگ.. من البرد .. و احس راسي ثگيل ما اگدر ارفعه ... .. لفيت روحي بالغطه و بعد ما حسيت على شي ... ...
الصبح او الفجر حسيت بدفوو. كلش قوي عبالك امي حاضنتني ... احس بشي دافي على خصري ملفوف ..
و احس عبالك نايمه على صخره او شي قاسي .. و بنفس الوقت بردانه و دفيانه سوه .. احس گلبي يرجف .. بس دافيه .. جان شعور مخربط .. احس بنفسي مو زينه جسمي مكسر تكسر ... اريد ارفع ايدي ما اگدر ... تعبانه
تذكرت الحجيه هسه ترزلني اذا ما انزل .. حاولت افتح عيوني ... بس كلش تعبانه گوه فتحتهم على كيف ..
باوعت اني وين .. رجعت غمضت عيوني و رجعت فتحتهم ... بس ما اعرف اني وين شتغير ... اكو شي مختلف .. .. رجعت غمضت عيوني .. شويه و احس
شي يضغط على خصري و سحبني عليه .. فتحت عيون .
و جان انصدم ... بالي شفته ... اني نايمه على صدر سلطان .... و سلطان بلا ملابس.... و جنت نايمه على صدره و راسي برگبته مدخلته ... گبل حاولت .. اگوم من يمه .. بس هو مثل المصارع .. لازمني من خصري حيل ..
جان گلبي يدگ على السريع ... شصار. شجابني هناا .. ليش هو بلا ملابس.. .. وخرت ايده گوه عني و جيت اگوم. .... جان انصدم بروحي ... هاي مو ملابسي الي لبستهم البارحه .. ملابسي متغيره ... .. اني اتذكر لبست دشداشه ردن .. و طويله ... و هاي الي على جسمي هسه ..دشداشه قصيره و بلا ردن .. و دلعه هم .. يمه شصاير البارحه ... حسيت سطل مي بارد ونجلت عليه
شصار جيت اگوم و حسيت بدوخه ... رجعت و گعت على الجربايه ... جان سلطان رجع سحبني لحضنه و گال و هو مغمض عيونه خل نكمل نومتنه شكو گايمه ...
صفر وجهي .. و حيلي صار يرجف ... .. دفعته عني و لفيت روحي بلحاف و صرت ابجي .... ما اعرف شصار ما تذكر شي اتذكر نمت بالگاع هذا اخر شي اتذكرة ...
صرت ابجي و بصوت مسموع ... شويه و فتح تك عين و گال ...
سلطان / خيررر من الصباحيات شكووووو هاااا
سارة /........................ بس الدموع تجري عشرة عشرة
سلطان / مو جاي احاجيج شبيج من صباحيات الله
سارة / ......... شـ..... شـسو.....شسويتـ.... ..
اريد افتح حلگي ما اگدر الشهگات اخذت طريقها ...
سلطان / احجي عدل بابا ما جاي افهم شييييي
سارة / .... شـ... شصا...شصار... البارحـ......ـه....
جان يفتح عيونه ثنينهم و باوع عليه و ابتسم ..
و رجع مسح و جها بيدينه و ضحك ... بصوت عالي
و رجع گال
أنت تقرأ
أبن جــبــر ....
Ficción Generalالقصة حقيقية 100% كيف ستكون البداية و النهايه القصه تتحدث عن فتاه تذهب قربان لاحد العشائر المعروفه في العراق ......( جبور ) ..... دم و ديــه........
